السلام عليكم ورحمة الله وبركاته
كيف حالكم
حبايبي انا من مستفيدين الضمان
وأبغى اقدم على مساعدة المشاريع ( الأسر المنتجة )
علما أني انا لحالي راح أقوم بهالمشروع و في بيتي
ابي منكم تقولون لي كيف اقدم و ايش الأوراق المطلوبة

الله يجزاكم كل خير ويرزقكم من واسع فضله

وعليكم السلام
اولا اختي ربي يعطيك الصحه والعافيه ويوفقك
لابد اختي من زيارة الضمان حتى تكوني على بينه ومعك الهويه وكذلك الاطلاع على الشروط وهي موجوده بموقع الوكاله الاسر المنتجه كنت ابغى انقله لكنه موضوع طويل وهذه المشاريع التي يمولها الضمان
- مشاريع الأسر المنتجة الفرديـــة :
العطور الشرقية والمعمول والبخور - الأكالات الشعبية - الجلديات والإكسسوارات - الشموع - الخياطة المصنعية - محال بيع الخضار والفواكة، الألعاب، الجوالات،البقالات الصغيرة ، المشاغل النسائية، خدمات الطالب
ربي يوفقك ويسعدك

وعليكم السلام ورحمة الله وبركاته
انصحك التقديم على مشروع مواشي كل معليك احضار
عقد ايجار بمبلغ 15 الف +فاتورة تسعيرة مواشي بمبلغ 15 الف =30
وبدون اي متابعة للمشروع من الضمان فقط دفع المبلغ
خلال 60 يوم يكون في حسابك

جزاكم الله خير وبارك الله فيكم

بالنسبة للمشاريع فيه مشاريع متاحه للرجال فقط
مثل بقالات والعاب
اما النسائية لازم شي انتي تنتجينه وتعملينه بنفسك مثل الخياطه والمأكولات والمشغولات اليدويه..

المهم قدمي لهم وإذا مانسبك
توجهي لبرنامج خطوة تبع الصندوق الخيري

الله يجزاكم خير اخواني و يرزقكم من واسع فضله