اعرف شخصيتك من النوع اللي تحب؟؟؟؟؟؟!!!!!!


أفلام كرتون(توم وجيري)
أنت إنسان مهستر وتخق مع المغامرات والمطاردات ولك ماضي رصاصي فاتح مع مدرسينك ايام الدراسه..
تحب الحيّل والمقالب ,مزحك ثقيـل تحب تنكتّ وتضحك على روحك ..

2-أفلام كرتون (جورجي وسالي ولين وغيرها من هذا النوع ) :
أنت إنسان رقيق المشاعر ودلوع وتتمتع بحس مرهف إذا كنتي بنوتة فأنتي تحبين تحطين غرتك على عيونك وتهفينه كل شوي ..
وإذا كنت ولد فأنت تعاني من عقده نفسيه لإن أيام الطفوله كانوا يعيرونك (البنيّه) ..
( وغالبآ أكثر مايتابع هالنوعيه هم البنوتات ) ..

3-أفلام كرتون (قريندايزر وغيرها من هذا النوع) :
انت إنسان واثق من نفسك وتحب تشتري العاب جديده وتلعب فيها قدام عيال الحاره وتستعرض ..
وان كنتي بنوتة فانتي من النوع اللي تقصين شعرك بوي وتصفقين عيال الحاره وتسرقين علوك منهم ..
(وغالبآ أكثر مايتابع هالنوعيه هم الأولاد ) ..

4- أفلام كرتون (بومبو) :
أنت إنسان رومنسي تحب الخيال من النوع اللي ممكن وانت جالس مع اهلك فجأه تجلس تسولف على عمرك
وتلعب بأصابعك بحماس ويرتفع صوتك وتنسف العالم وراك ..

5- أفلام كرتون (ماروكو) :
أنت إنسان مطنّش أبو أمّ الدنيا هذي وعايش بـ جو خاص فيك ..
إنسان شقي وقلق شوي تحب تلعب لحالك..
ويحبونك اهلك تلعب لحالك لأنك مسبب لهم قلق ..

6-أفلام كرتون (السيدة ملعقة وعقلة الإصبع) : أنت إنسان خيالي .. تحب تفلسف وتطول المشاوير وتسوي نفسك فاهم..
إنتبه لنفسك لانك ممكن مع الوقت تصير مثقف وتألف كتاب بأسم ( خريف البحر ) ..

7- أفلام كرتون (طمطوم) :
أنت شخص طمووح وتبي تسوي عمرك بطل باللي هي به
لدرجة ممكن انك تتبرى من اهلك علشان تقول انك ولد الملك ..

8- أفلام كرتون (لولو) :
أنت إنسان بسيط وقلبك طيب لدرجة تخولك إنك تتخلى عن 3 ريال الفسحه لتصبح ريال واحد من أجل إدخال البهجه على قلب غيرك ..

9-(عدنان ولينا) :
أنت إنسان رومنسي جداً جداً وتحب المهايط والتميلح قلبك طيب بس مزاجي
يعني ممكن تمسك معك وتصك أخويانك طراق يمشي مليون لسبب تافه
( انتبه لنفسك مو كل مره تسلم الجره .. المره الثانيه يجيك كف يمشي مليونين من نفس خويك هذاك )

10- (سوار العسل ) :
أنت إنسان رقيق المشاعر جديّ شوي ودايمآ تشيل اغصان الشجر والحصى اللي بوسط الشارع
وتمسك يدين الشيبان والعجز عشان يقطعون الشارع يعيرونك المؤدب احيانآ ..

11- (باباي) :
أنت إنسان جريء لدرجة الإثاره وقوي لدرجة ..... ودلخ بعض الأحيان ,
مغرور مع انك غبي أحلى شي فيك أنك تتقبل كل شي وتعتبر كل شي .. شي ..