شبعنا من الكلام الفاضي و العذر القبيح وهو ان السعودي مو حق شغل

اعرف واحد تضرر من أحد الشركات ، و مكتب العمل أخذ حق المواطن من الشركة فورا
حاولوا تراسلون وزير العمل عادل الفقيه من خلال الموقع ، خلوه يأدب الشركات والمؤسسات التي ما تلتزم بقوانين مكتب العمل

اشكر هذا الوزير واقف مع السعوديين بالقطاع الخاص وأي واحد متضرر يروح لمكتب العمل وياخذ حقه غصب عن كل منشاة وانت مرفوع الراس يا سعودي

انت ببلدك وانت أحق بمال هذا الوطن ، المهم كل مواطن لا يتنازل عن حقوقه و لا يقبل بوظائف برواتب أقرب ما يقال عنها مكافأة وليس راتب بينما الأجنبي راتبه ضعف راتب السعودي في أسوء الأحوال

حسبنا الله ونعم الوكيل

ياجماعة الخير ليه العنصرية انا معكم اننا محتاجين وظائف كسوق سعودي وولد البلد اولى

ولكن كلمة الأجانب اخذو خيرات البلد هذي انا ضدها والمفروض مراقب القسم يحذف هكذا مصطلحات !

بالعكس ترا فينا الزين وفينا الشين كشعب سعودي ولاحظت اننا نحب دور الضحية وبالعكس

الأجانب أكثرهم ينذلون حتى لو حصل راتب وش بيفيد واقامته يطقطقون فيها عليه ومايقدر يطلع لبلده

وقت مايبي ولا يقابل اهله ولو اضطر يغير الوظيفة يقولون له جيب نقل كفالة ويتلكعون له الوظيفة السابقة عشان

مايستقيل انا كنت شاهده على مواقف زي كذا وابشركم تراني عاطلة مثلكم ومتضايقة من الوضع بس

هذا لا يمنحني الأحقية اني أجعل من شعبنا المظلوم في فرص للمتعلمين بس السالفة ارزاق

في ناس عندها ثانوي ومتوظفة وناس ماجستير ومو لاقية فالسالفة مو أجانب وبس أغلب الشركات

يبغو شهادات قوية بلس خبرة وهذول الاجانب يجونك جاهزين ومن برا عندهم الخبرة لا وبعضهم يرضون

برواتب قليلة بس احنا مستحيل نرضى بهالرواتب القليلة ويحق لنا لان ظروف المسكن والمعيشة ماتسمح

بس هم كافلين له السكن والمواصلات فالراتب القليل ما حيعمل له مشكلة بعكسنا احنا .

فهذي قضية اخرى فلا نحسد احد وخلنا نطلب من الله الرزق مو من البشر واذا هالشركة تبي اجنبي مصري

فلو انت او انتي صاحب شركة لك الحق في وضع الشروط وماحد يتدخل واتمنى من الدولة هي اللي توظفنا

لان القطاع الخاص ما تقدر تضمن فيه نفسك ولا تقدر تحط شروط

انا عندي نفس شروطك وعاطل ومحتاج للوظيفه ..

لانه ماتوقع راح تحصل مصري يدور ع وظيفه لانه الحمدلله الفرص عندهم ممتازه بالسعوديه وماتوقع انهم عاطلين يعني عندهم شغل ورواتبهم حلوه ..

الله يعين تعبنا تعبنا

حسبنا الله ونعم الوكيل على كل من يدعي على شخص ماسوا له شي وانا مستغربة ليس من ردود
البعض إنما من مراقبين وإدارين القسم عاجبهم هالتهجمات والشتائم

سأتخذ مبدأ قل خيراً أو لتصمت

سبحان الله ,, الله سبحانه وتعالى قال :: وعلى نياتكم ترزقون ,, لا تتعبون وتسالون ليش ما تتوظفون نظفو قلوبكم من الحسد والحقد على اللي تسمونه اجنبي ,, تراه ما يقعد في بيته ويجيه الراتب اللي انتو اصلا ما تقبلون فيه ,, واذا على الاجنبي ياكل خيرات البلد شوف صندوق الموارد البشريه و حافز من وين يدفع حق العاطل السعودي , من فلوس الاجنبي

اتمنى اشوف بعض الناس يردون بعد ماقرو هالكلام قلوب بعض الناس اسودت من الحسد وسوء الظن ويبون رزق وهم على هالحال
الله لا يعاقبنا بما يفعله السفهاء منا

(قُلْ مَنْ يَرْزُقُكُمْ مِنَ السَّمَاءِ وَالأَرْضِ أَمَّنْ يَمْلِكُ السَّمْعَ وَالأَبْصَارَ
وَمَنْ يُخْرِجُ الْحَيَّ مِنَ الْمَيِّتِ وَيُخْرِجُ الْمَيِّتَ مِنَ الْحَيِّ وَمَنْ يُدَبِّرُ
الأَمْرَ فَسَيَقُولُونَ اللَّهُ فَقُلْ أَفَلا تَتَّقُونَ)..(يونس:31)


اذا لم يكن لك حاجه بالموضوع اما انك ترد برد لائق
وتحترم اﻷخرين أو ممكن اﻷكتفاء بالمشاهده
وأي ملاحظات لديك ممكن تقدمها لوزارة العمل
اعتذر لصاحب الموضوع مضطره اغلق الموضوع
لتغير مساره وارجو إن لم يتم الأكتفاء طرح موضوع آخر

__________________
"لله دُر أمي إذا ابتسمت
تهادت جروح قلبي والتئمت"