السلام عليكم
راتب الرقيب 12 الف + 250 تعديل سنوي
راتب المدرس 8 الاف + 500 تعديل سنوي
يحتاج المدرس ليقترب الى راتب الرقيب 4 سنوات !! ولن يصل له !!
اذا كيف تقولي راتب المدرس اكبر؟
بعد حسبة بسيطه مع التعديلات السنوية لـ شخصين الاول رقيب بالامن العام والاخر مدرس خرجت بالاتي :
بعد خدمة 35 سنة = مجموع رواتب الرقيب 4.5 مليون تقريبا
بعد خدمة 35 سنة = مجموع رواتب المدرس 4.5 مليون تقريبا

هذا يوضح عدم وجود فرق كبير بين الاثنين من ناحية الراتب
ــــــــــــــــــــــــــــــت

ولكن الكثير من المضحوك عليهم يقولون بعد التقاعد راتب المدرس صافي 28 الف والرقيب 5 الاف .!!؟
هل يعقل ان شخص يستلم 12 الف وفوق لمدة 35سنة وينتظر راتب تقاعد؟ يارجل اعرفلك ناس ماخلصت اول خمس سنوات من وظايفهم الا وهم مسنعين انفسهم وتافلين على العسكرية تفلة كلب!
لاتطش التهمه هذه لتكريه الناس بالعسكريه فالعكسريه والله انها راتب ضخم واللي يعرف يستغله بشكل جيد راح يقدم فصله باول عشر سنوات .. لكن اللي مايعرف يستغله ويضيعه ويلعب به اكيد بياكلها ومراح يغتني لين يتقاعد !!

اختم بمقولتي ( الراتب بعد التقاعد 0 مثل مليون ) من ماقدر يفرح نفسه وهو تاج على راس العمل سيبكي عندما تركله قدمه يوما ما

تحياتي للجميع

كلام جميل جدا
واصل يابطل

ماصلنا لا عسكرية ولا مدرس اكلين تبن وانتم بكرامه

الله يوفق الجميع

صح لسانك

صدقت بكل اللي قلته , ظبّط نفسك ببداية حياتك ولاتفكر بالتقاعد

حقيقة لا راتب المدرس يكفي الحاجة ولا راتب العسكري يكفي الحاجة في ظل غلاء المعيشة وارتفاع سعر العقار يعني اي شاب يقرر انه يدخل القفص الذهبي ويترك العزوبية معناته دخل في عالم الديون والمديونية اقساط سيارة + تكاليف الزواج + ايجار شقة + مصروف شخصي + مصروف الزوجة والبيت + فواتير جوال وكهرباء وماء + غير المصاريف الجانبية يعني فكرة انك تجمع فلوس وتخش تجارة وتبني نفسك هذا كلام غير صحيح الا اذا كانت هناك بعض الظروف الي تساعد وفي بعض الحالات الاستثنائية يعني مو في كل الحالات يعني يكون لك اب او اخ او قريب له تجارة وتقدر تستفيد منه بطريقة او باخرى في تكوين تجارة تعتمد عليها وغير كذا لاتنسى ان وقت العمل راح ياخذ اغلب جهدك وطاقتك .

المشكلة والمعضلة الاساسية للشاب السعودي السكن ثم السكن ثم السكن لو وفرت وزارة السكن لكل مواطن سكن ذيك الساعة يصير الراتب له قيمته لانك تقدر تدخر وتصرف على قد حاجتك وتستثمر المبالغ فيما بعد لتكوين تجارة وغير ذلك من الامور الي ترفع دخل المواطن

اما الراتب لوحده في ظل هالظروف والله ماياكل عيش ولا يفتح بيت اعرف كثير من الشباب عازفين عن الزواج وهم موظفين لان الزواج معناته فتح بيت ومصاريف مالها اول ولا اخر

طالما انك مقتنع بالعسكرية هذا قرارك ولا احد يقدر يستثني قرارك

واتمنى تقرا نظام خدمة الافراد واعززم بعد هل وتوكل ع الله العسكرية عز وشرف


ولكن لاتجحف حق بقية الوظائف بطريقة مقارنتك

التدريس له نظام وسلم رواتب يختلف عن الانظمة العسكرية

والوظائف المدنية تختلف اختلاف كامل عن العسكري

اذا انت جامعي مرتبة السادسة او السابعة خير من الف رتبة عسكرية وانظر لها مستقبلاًفي الترقيات وزيادة الروتب

العسكرية خطا بسيط منك احتمال يجلسك ١٠ سنوات تحفر بالرتبة

وسؤال بسيط اساله للضباط ليه بعد فترة من العمل العسكري يستقيل ويدورلك مدنية !!!

حبيبي راتب الرقيب مو 12
راتبه 5500 اساسي واضافة البدلات يوصل 9 او 8500 ونادر جدار يوصل 10 والي يقولك 12 قله عطني اياها بدل بدل واحسبها انت لاتسمع وتعيد معهم

ثاني شي تقارن مدرس برقيب مو تقليل بالرقيب لا والله بس بصفه عامه العسكري مسير وليس مخير والي اعلى منك رتبه يقدر يتسلط عليك
ومافي شخص يتقبلها لاكن الظروف تجبر اواحد
فا اذا الشخص عنده فرصه يبعد عنها صدقني محد بيفرط بالمدرس راتب كويس اجازه ممتازه جدا دوام ليس بالمتعب بيئه اريح نسبيا من العسكري الي ممكن يداوم بأي وقت بأي فتره بأي عيد بأي اجازه ممكن يتسلط عليه واحد ويكرهه عيشته ولا يجيه نقل ولا اي شي

انا ما اقلل من العسكري بالعكس بس تقيمك للموضوع غير حيادي ابدا والراتب غير صحيح انا محاسب واعرف الرواتب والي يقول اي راتب قله عطني البدلات واحسبها انت بنفسك

الله يوفقك انت وجميع المسلمين للأفضل يارب

اعتذر اذا ردي بيزعج احد