والله يا اخوان صديقي جندي بالاستخبارات كل يوم يتصل على اخوي يقول تعال كمل جلسة البلوت !! بالله هذي عسكريه.؟ والله العظيم انه جايب بلاستيشن ويلعبون فيه بـمبنى الاستخبارات ههههههههههه والله قالبينها استراحه وقوة عزايم كل واحد يعزم خويه ههههههههه طبعا بمحافظه مو بمدينه !!

وبعدين قلبها اسبوع باسبوع مع خويه !! هو يداوم اسبوع كامل وبعدين خويه يداوم اسبوع كامل عنه وهكذا والله العظيم ان اسم الوظيفه شي والعمل شي ثاني لذلك انا اشوف العسكريه حسب موقعك ممكن تعيش ملك حتى لو انت جندي !

يارجل خل اسم وظيفتي عامل زباله بس طبيعتها جلسه بلوت وشاي وقوة عزايم للشلة بمبنى العمل نقلبها استراحة مثل الرجال اللي فوق ههههه

بسم الله الرحمن الرحيم

أخي العزيز صاحب الموضوع الموقر الممتاز ... السلام عليكم ورحمة الله وبركاته وبعد ..

إنه لمن دواعي سروري أن أرد على موضوعك

التدريس أو العسكرية ... من أفشل الأسئلة التي سمعت بها مذ عرفت الحق ...

ولا أكتم الحق وقد عرفته ...

لذا ...

أخوك الماثل أمامك ( معالي الفاصل ) كان عسكري وأعرف ضباط كثير وللمعلومية خلصت الشريعة

انتظام وجبت واسطة بحكم معارفي من الضباط الكبار الموجودين في مقر عملي وتم تضبيطي

بالكلية الأمنية ... عمري 28 سنة .. هالكلام العام الماضي ... المهم مالك بالطويلة ..

أستشرت كذا ضابط موجود عندنا ( والله وبالله وتالله ) مافيهم اللي قالي روح للأمنية ...

لعدة أسباب ...

أولاً / بالتدريس أنت مدير نفسك ... محد له سلطة عليك ... سفر خارجي متى مابغيت ...

الضابط والعسكري بشكل عام مهما كان مرتاح في يوم من الأيام ( لو كان يوم واحد ) مبسوط فيه

وطالع مع خوياه ولا مع العائلة ( ما يامن أحد يدق عليه يقوله حضّر ) ..

كما وأن السفر الخارجي لا يكون إلا بوثيقة سفر خارجي ( لو كنت معلق الكتشب ) ..

الوثيقة لا بد منها ...

ثانياً / الإجازات بالعسكرية ما عندك إجازة ( الخميس والجمعة لا تحسب إجازة لأنك بتكون على

الجوال متى ماجاك إتصال تحضّر حتى لو كان عملك إداري ) عندك فقط 45 يوم اعتيادية 30 إجازة

و15 يوم رصيد ... مع 10 أيام عرضية .. يعني مجموعك 40 يوم فقط . بالسنة . المعلم عندك ثلاث

أشهر وإجازة ربيع وإجازة نصف المطر ويوم غبار ويوم مطر

زد على ذلك أنك مرتاح لو بتسافر محد يقولك وثيقة ولا ترى الدولة الفلانية ممنوعة عليك ولا إذا

حضرت جيب جوازك معك !

ثالثاً / الإنسان مجبول على عدم حب الأوامر ... والعسكرية كلها أوامر ...

رابعاً / الضابط يعيش نفسية بعد رتبة مقدم لعدم وجود أمان وظيفي .. متى أترقى ؟ ياخوفي يجي

التقاعد وعلى فكرة من عقيد وفوق الترقية على حسب تقرير الرئيس المباشر عنك وتوصيته يعني

لو رديت عليه بوجهة نظر يضحك لك ويرفع عنك تقرير وقابلني لو ترقيت ... في حين المعلم عارف

متى يتقاعد زد على ذلك الوقت الكثير اللي ماعندك عمل فيه بالتدريس تستفيد منه في فتح

مشروع تجاري يكسبك الشهد .

خامساً الراتب / راتب المعلم الأساسي أكثر من راتب الضابط ... الضابط يتميز بالبدلات فقط والبدلات

في حال التقاعد تذهب ولا ياخذ منها ريال واحد ... يعني بحسبة بسيطة العسكري بصفة عامة

مستحيل يكمل 35 سنة بالخدمة لأنه لو كمل 35 يستلم راتبه الأساسي كامل يعني لو وصلت لواء

وكملت 35 سنة راح ينزل راتبك إلى تقريباً 19 الف ومن المستحيل أحد يكمل المدة يعني لو

ماكملتها راح تكون هناك حسبة أخرى يصل فيها راتبك التقاعدي إلى 14 تقريباً ,,,

وتذكر دائماً الراحة نصف القوت ..

الله يوفقك ..

على فكرة المعلم على المستوى الخامس يعدل 510 في حين أن العقيد تعديله 590 يعني فرق 80 ريال ...

اخوي فكر وشف والله انك كلها زينه

لكن بنسبه لي الامنيه

التدريس راتب وراحه وفله وبتعيش حياتك

الامنيه ملازم راتب جامد ورتب لكن الراحه مو مثل المدرس


كلها زينه انصحكك ب الاستخاره

لو اني بمحلك ماراح افكر بشي اسمه عسكريه وخصوصا بعد الجامعه
العسكري مايقدر يسافر ولا يقدر يروح ويجي المدنيه مرتاح وتداوم بثوبك ولا احد يامر عليك ولا شي تخلص الحصص وتمسك الباب

معالي الفاصل الله يبيض وجهك وسلمت يا شيخ وعقبال ما تكون معالي الوزير
الا اله الا ربي والشملاني سملتم اسعدني مروركم ووجهة نظركم

على حسب هل لك رغبة في التدريس؟


من وجهة نظري التدريس أحسن وأفضل. من كل النواحي

عندك إجازات رسمية

+
إجازة يومي نهاية الأسبوع
+
زيادة في حال حصولك على مؤهل أعلى
+
مهنة سامية (تنقل العلم لغيرك)
+
حالات السفر.


استخير

لو اشوفك لاارميك بسلاح الخفارة
هههههههههههههههه
ياخي انا عسكري والله والله والله وظيفة في المرتبة الخامسة تسوى نقيب
يارجل نصيحة اترك العسكرية والله المدنية حرية رااحة نفسية
وذا مصمل عليها الله يوفقك

كل الوظيفتين حلوه وماشاء الله ماعليهاا غباار
انا موظف على المرتبة السابعة افكر اصير ضابط وكل ماسئلت عسكري يعطيني نظرة يقول انت تتكلم من جدك واقوله اصير ضابط قال العسكرية ماتعرف ضابط اللي فوقك يأمر عليك ، المدنية تداوم بثوبك وراحة ولاحد له أمر عليك وتسافر اي مكان
استخر واللي كاتبة ربي لك راح تأخذه

اذا تبي راحة بال وحريه روح التدريس

اذا تبي تصير نفسيه و ما عندك حريه وتؤمر بس تاخذلك راتب روح عسكريه


موفق "