المشاركة الأصلية كتبت بواسطة معالي الفاصل

بسم الله الرحمن الرحيم

أخي العزيز صاحب الموضوع الموقر الممتاز ... السلام عليكم ورحمة الله وبركاته وبعد ..

إنه لمن دواعي سروري أن أرد على موضوعك

التدريس أو العسكرية ... من أفشل الأسئلة التي سمعت بها مذ عرفت الحق ...

ولا أكتم الحق وقد عرفته ...

لذا ...

أخوك الماثل أمامك ( معالي الفاصل ) كان عسكري وأعرف ضباط كثير وللمعلومية خلصت الشريعة

انتظام وجبت واسطة بحكم معارفي من الضباط الكبار الموجودين في مقر عملي وتم تضبيطي

بالكلية الأمنية ... عمري 28 سنة .. هالكلام العام الماضي ... المهم مالك بالطويلة ..

أستشرت كذا ضابط موجود عندنا ( والله وبالله وتالله ) مافيهم اللي قالي روح للأمنية ...

لعدة أسباب ...

أولاً / بالتدريس أنت مدير نفسك ... محد له سلطة عليك ... سفر خارجي متى مابغيت ...

الضابط والعسكري بشكل عام مهما كان مرتاح في يوم من الأيام ( لو كان يوم واحد ) مبسوط فيه

وطالع مع خوياه ولا مع العائلة ( ما يامن أحد يدق عليه يقوله حضّر ) ..

كما وأن السفر الخارجي لا يكون إلا بوثيقة سفر خارجي ( لو كنت معلق الكتشب ) ..

الوثيقة لا بد منها ...

ثانياً / الإجازات بالعسكرية ما عندك إجازة ( الخميس والجمعة لا تحسب إجازة لأنك بتكون على

الجوال متى ماجاك إتصال تحضّر حتى لو كان عملك إداري ) عندك فقط 45 يوم اعتيادية 30 إجازة

و15 يوم رصيد ... مع 10 أيام عرضية .. يعني مجموعك 40 يوم فقط . بالسنة . المعلم عندك ثلاث

أشهر وإجازة ربيع وإجازة نصف المطر ويوم غبار ويوم مطر

زد على ذلك أنك مرتاح لو بتسافر محد يقولك وثيقة ولا ترى الدولة الفلانية ممنوعة عليك ولا إذا

حضرت جيب جوازك معك !

ثالثاً / الإنسان مجبول على عدم حب الأوامر ... والعسكرية كلها أوامر ...

رابعاً / الضابط يعيش نفسية بعد رتبة مقدم لعدم وجود أمان وظيفي .. متى أترقى ؟ ياخوفي يجي

التقاعد وعلى فكرة من عقيد وفوق الترقية على حسب تقرير الرئيس المباشر عنك وتوصيته يعني

لو رديت عليه بوجهة نظر يضحك لك ويرفع عنك تقرير وقابلني لو ترقيت ... في حين المعلم عارف

متى يتقاعد زد على ذلك الوقت الكثير اللي ماعندك عمل فيه بالتدريس تستفيد منه في فتح

مشروع تجاري يكسبك الشهد .

خامساً الراتب / راتب المعلم الأساسي أكثر من راتب الضابط ... الضابط يتميز بالبدلات فقط والبدلات

في حال التقاعد تذهب ولا ياخذ منها ريال واحد ... يعني بحسبة بسيطة العسكري بصفة عامة

مستحيل يكمل 35 سنة بالخدمة لأنه لو كمل 35 يستلم راتبه الأساسي كامل يعني لو وصلت لواء

وكملت 35 سنة راح ينزل راتبك إلى تقريباً 19 الف ومن المستحيل أحد يكمل المدة يعني لو

ماكملتها راح تكون هناك حسبة أخرى يصل فيها راتبك التقاعدي إلى 14 تقريباً ,,,

وتذكر دائماً الراحة نصف القوت ..

الله يوفقك ..

المشاركة الأصلية كتبت بواسطة معالي الفاصل

على فكرة المعلم على المستوى الخامس يعدل 510 في حين أن العقيد تعديله 590 يعني فرق 80 ريال ...

المشاركة الأصلية كتبت بواسطة إجابة سؤال

على حسب هل لك رغبة في التدريس؟


من وجهة نظري التدريس أحسن وأفضل. من كل النواحي

عندك إجازات رسمية

+
إجازة يومي نهاية الأسبوع
+
زيادة في حال حصولك على مؤهل أعلى
+
مهنة سامية (تنقل العلم لغيرك)
+
حالات السفر.


استخير

المشاركة الأصلية كتبت بواسطة الفقير الى ربي

التدريس وانت مغمض

المشاركة الأصلية كتبت بواسطة سكاكك

لا يضحكون عليك والله لو تصير مدرس تصير مالك قيمة فيمن حولك لكن الامنية ضابط هيبه وواسطه وفلوس ومنصب ومكانة اجتماعية ثانيا الضابط يتقاعد وعمر 58 والمدني60 ويمديك تتاكد من موقع الموسسة العامة للتقاعد واللواء اذا تقاعد راتبه تقريباً 24 والعميد 20 والمدرس لو تاخذ دكتوراه وتكمل الخدمة كاملة توصل قرب العشرين بينما اللواء او العميد رواتبهم تقارب 35-40 الف حسب القطاع والامنية لو انقبلت فيها حلوه في ناس تاخذ هندسه عشان الامنية وفي ناس نسبهم فوق 95 بعد الثانوي يقدموا عالحربيه عشان يصيروا ضباط بينما مدرس يقدر اي واحد يدخل تربيه بنسبة 70

المشاركة الأصلية كتبت بواسطة اروع

هههههههههه

شوف انا احترم رائيك وكل شخص حر في نفسه

بس مدام قلت لاتضحكون عليه انا بعلق على كلامك وبتدخل فيه

لنا انت قلت لايضحكون عليك وكل واحد قال رائيه وهو حر فيه بس ماتجي تقول نضحك عليه



طيب والى مايبي هيبة وواسطة ومنصب ومكانة اجتماعية و بي ام دبليو وكرفته وحرس يمشون وراه ؟؟؟

يبي يخلص دوامه ويقولك روح عن وجهي ولاتغثني بهذرتك ومكانتك الاجتماعية وعدي حياة غير الدوام أعيشها



وانا وسبق وقلت انت حر في رائيك بس انا راح اتدخل في رائيك لانك قلت لايضحكون عليك

شوف انت شكلك من النوع الى تمشي وتبي الناس تقول فلان الشيخ فلان الهيبه فلان الى لابس بالطو هتلر

ياخوي والله انا محب احد يقولي شيخ ولا احب يقول شي احب اقولك ضف وجهك وخلني في حألي وبس وعطني راتبي اخر الشهر وخلني اعيش حياتي كيف ما انا ابيها

أجل فاضي لك انا عايش حياتي كلها معارف عشأن مصالح و واسطات وقلة حياء



وبعدين انت ضامن عمرك لمن التقاعد يا بوراتب 30 الف

خلني اعيش حياتي واليوم بيومه ويصير خير

وبعدين في ناس رواتبهم 8 الف ومشاء الله مكون نفسه من احسن مايكون ومايحتاج لواسطاتك ومعارفك وهيبتك يا بالطو هتلر ...

المشاركة الأصلية كتبت بواسطة راعي العلوم

اخوي متقاعد من التدريس براتب 15 الف وخدم 27 سنة وفي اخر سنينه كان يأخذ 21 الف

التدريس يوقف راتبك 21 الف


بالنسبة الي يقولون هيبة وواسطات هذا كان اول فيه هيبة للظابط الان تدخل الثكنة العسكرية ولا واحد يدقلك تحية من الأفراد

لكن اول يدقون

وقبل أسبوع رايح المديرية العامة للسجون ولاقي لواء في الاستقبال


وفيه شغلة بحب أكدها

الرتب الي العقيد تعتبر سهل الحصول عليها

اما عميد وفوق فهي صعبة واغلب الناس تتقاعد على عقيد

الي يميز العسكرية هو راتبها العالي الذي في اول الوظيفة يساعدك في تكوين نفسك ًومستقبلك