في الموقع مكتوب
تعتبر صلاحية درجة اختبار كفايات المعلمين والمعلمات صالحة لمدة خمس سنوات من تاريخ الاختبار​

طيب بسألكم انا اجتزت امتحان التربوي بس التخصص ما اجتزت وكان امتحاني شهر 11 بس أنا سمعت اني امتحن بس في التخصص وادفع بس 100 رسوم الي يجعلهم مايتهنون بها ويدفعونها على صحتهم
هل هذا الكلام صحيح
والله يضيق على من اقترح هالقرار ومن ايده الله يضيق عليهم في دنياهم وينسون طعم الراحه
ياااااااااااارب استجيب دعوتنا في هاليله المباركه
وحسبي الله عليهم ونعم الوكيل

حياك الله
انتي اختبرتي شهر 11 مع بعض ماكان مفرق يعني كله في ورقة وحده
واجتزتي في درجة التربوي اللي هي الكلية والجزء التخصص ماجبتي فوق 50
لو كان كلامي صح معناته تعيدين الإختبار كله في الخطه الجديدة هذي
وتختبرين الجزء العام في يوم مفصول تماما عن التخصص
ويوم ثاني بأوراق مختلفه عن العام تختبرين في جزء ثاني اسمه اختبار تخصص
وصحيح كلامك تعيدين الإختبار في الجزء اللي أخفقتي فيه بس متى ؟؟
في حالة أنك أختبرتي في النظام الجديد اللي مفرق هذا
يعني اللي اختبروا في بداية العام هذا 1435 بالخطة الجديدة هذي
هم اللي لو أخفقوا في جزء ونجحوا في جزء يعيدون الشيء اللي رسبوا فيه
لأن الآليه أختلفت
حنا نعتبر قديمين واختبرنا في نظام قديم اختبار واحد اسمه [ كفايات المعلمات ]
ويشمل أربعة أجزاء اما الآن مثل ماقلت لك فوق . . اشرح على عجال وسامحيني لو فيه اغلاط

الله يعافيك وما قصرتي وتقبل الله صيامك وجميع المسلمين
تقصدين يالغاليه ان امتحاني بيشمل التربوي والتخصص مثل العام ؟؟
اسفه ازعجتك بكثرت الأسئله

امين يارب العالمين
ايوة تختبرين من جديد
إن شاء الله اذا فتح التسجيل
تسجلين في الإختبار العام اللي هو المشترك ومن ضمنه التربوي
والإختبار التخصصي أو التخصص حاجة كذا
وإن شاءالله تعدين ماعاد تحتاجين موقع قياس

طيب احد يفيدني الله يجزاه الجنه

انا جبت بالتخصص 61 عديت فيه الحمدلله لكن بالعام ماجبت زين جبت 46

وكنت مختبره هالاختبار في شهر 4 من خمس شهوور الحين لو فيه اعاده ان شاء الله بشهر 11 هل اعيد التخصص والعام ولا فقط العام

انا قالو لي ناس ومو متأكدين انك تعيدين بس العام مو التخصص

لكن انا حابه اتاكد من اهل الخبره وابي معلومه صحيحه

قياس اصبح حجر عثرة امام المتخرجين للاسف .

بعد ما تم فصل اختبار التخصص عن العام اصبح لكل اختبار منفصل بدرجته . يعني انتِ اجتزتي التخصص وتبقى عليك العام . الاختبار القادم سجلي في الاختبار العام .