اولا السلام عليكم ورحمة الله وبركاته
بدخل في الموضوع ،،
بالصدفه مريت صندوق الموارد البشرية اللي على طريق الملك فهد
طبعا كنت مرسول من مؤسسة حول بيتنا سبق وجيت ادور ع وظيفه مؤقته اضيع وقتي وارسلني يقول جبلي خطاب من هدف تعيين علينا عشان يدعمك الصندوق قلت اوكِ
رحت لهم سألت الموظف ؟
قلت الدعم هذا وش نظامه اخوي ؟
قال : هذا دعم من الدوله للموظف السعودي بالقطاع الخاص دعم مرتين فقط ؟
وهو عباره عن تحفيز للشركات لتوظيف السعودي بدعمهم ماديا بنصف الراتب !!
قلت اوك
اساس هالدعم مبني على ان الرواتب في القطاع الخاص ضعيفه على وزن ارفعوا راتب السعودي وندعمكم عشان يتوظف ؟؟
انا للي قهرني ان الشخص اللي ارسلني كان معطيني راتب مؤقت 3500 ؟
يعني الحكومه تدفع 2000 ؟
2000-3500= 1500ريال
يعني المنشأه صارت تعطيني راتب فعليا 1500 ؟
بنقالي صرت
ولاحظ وراها دوام يوميا ووظيفه تعاقب عليها وتحاسب وووو من مهام العمل
يعني تستلم حافز اصرف لك
والمصيبه الكبرى ؟؟

ان هالدعم لك من الدوله مرتين وهم يحرمونك هالدعم لمصلحتهم المره الاولى خلال اقل من سنه والثانيه في نفس السنه
يعني بأختصار كثيير من الشباب الحين مايدرون يلعبون عليهم المنشأه ويعطونهم راتب قليل وهم يستلمون من الدوله نصف الراتب
خلاصة الكلام ::
انتبهوا كل الانتباه من الشركات ونصبهم وتأكد توظيفك على الدعم او لاء اذا على الدعم اعرف انك بالمره الاولى او الثانيه الاخيره فاذا كنت على الدعم انشب له في الراتب وقل لاياحبيبي مهب على كيفك ترفع راتبي لان الحكومه عزه الله تدفع النصف
فتحوا عيونكم ياشباب فيه نصب واحتيال على الشباب في القطاع الخاص بما لايعلمه الا الله
طبعا رجعت لصاحب المؤسسه وتكلمت عليه ورفضت هالاستغلال
والله يوفقكم لما يحب ويرضى
اللهمَ بلغت اللهم اشهد #

بدون ماتروح الصندوق عن طريق موقعهم تدخل رقم السجل المدني

ويطلع لك الاسم ومده الدعم والراتب الاجمالي مع الدعم

اما اذا لم تستفيد من الدعم يطلع لك انت غير مدعوم

http://www.hrdf.org.sa/index.php?opt...per&Itemid=113

السلام عليكم ورحمة الله وبركاته ,,

هذا الكلام معروف من زمان ومو شرط الدعم يكون 2000 ممكن يكون أقل

يعني لو شركة تعطيك 3000 ريال يكون الدعم من الموارد البشرية 1500 وأقصى دعم من الموارد 2000

طبعا حاب أزيد على بعض الشباب اللي ما يدرون

اذا تم دعمك وجلست سنة مع الشركة ترى يا جماعة الخير في مكأفاة من الموارد لذالك لابد من الانتباه للجميع

أي شخص مدعوم من الموارد وله سنة أوسنتين مثلا يحاول يراجع الموارد لأنه حرام يكون في مكأفاة ولا يستلمه

وتوقعي يقول بأن بعض الشركات هي من تأخذ هذا الدعم وهذا نصب وخداع عيني عينك

للشركات مكأفات خاصة وللموظفين مكأفاة أخرى

هذا حسب معرفتي في الموارد

ومن المفترض بصراحة على الشركة اذا فيه دعم موارد بشرية يكون الراتب أعلى

أنا كذا طلبت من الشركة تبعي اذا فيه دعم لازم راتبي ما يقل عن 5000 ريال ولا ما أريد الدعم

والحمد لله للأن ما تم دعم في الشركة الحالية الا بعد ما أتفق معاهم

وفق الله الجميع

لتصحيح

بس الدعم مره واحده فقط

الثانيه لازم تدرس موضوعك لجنه من صندوق الموارد البشريه وبشرط ماكملت 6 شهور