السلام عليكم

لم أكمل الشهرين في شركتي التي توظفت فيها حتى الآن و كل الموظفين في القسم يعملون اوفر تايم لان الاوفر تايم مفتوح ما دام عندك ضغط عمل يعني ما يريحون ابدا الجمعة و السبت 10 ساعات يوميا و كذلك وقت الغذا يجيبون غذا من بيتهم و يروحون يتغذوا وقت البريك فقط قبل الصلاة بنصف ساعة و بعدها يكملوا شغلهم صار لهم الآن 30 يوم عمل متواصل بدون راحة ابدا و ربما يكملون هذا الاسبوع 35 يوم عمل متواصل و طالبيني اساعدهم في الشغل يعني اعمل معاهم اوفر تايم

طبعا الي معاي بالعمل 10 كلهم اجانب ما عدا انا السعودي الوحيد 7 فلبينيين و هنديين و انا و لا فيهم مسلم الا انا و هندي واحد البقية مسيحيين و المدير هندي و ما فيه الا اثنين جايبين عائلتهم البقية لا بدون عوائل و انا متزوج

انا عملت يوم واحد فقط الي هو يوم السبت الماضي 8 ساعات فقط غير كذا ما عملت و يبوني لازم اشتغل اوفر تايم

طبعا أنا ابعد واحد فيهم عن مقر عملي بالشركة 45 دقيقة بالسيارة رايح فقط حول 35 كيلوا من مسكني الى العمل و هم كلهم قريبين من الشركة 10 دقائق بالسيارة 5 كيلو فقط ساكنين قريب من الشركة

ويش الحل وياهم؟ ليش يظهروا أنفسهم أنهم مصنوعين من حديد ما يحتاجوا للراحة ابدا و ينظرون الى السعودي انه كسول و ما يحب يشتغل و يحب الراحة كثيرا و لا يحب العمل لانه دائما كثير الصلاة و يوم الجمعة ياخذه اجازة للتفرغ للصلاة بالعكس الانسان الي يرتاح يومين اجازة في الاسبوع تكون انتاجيته اكبر من الي ما يرتاح هذه نظرية معروفة ان اخلص شغلي الي يختص بعملي قبلهم و هم مازالوا متأخرين في كل الدول ما عدا السعودية تطبق 48 ساعة في الاسبوع

السلام عليكم ورحمه الله وبركاته

أخوي اولأ لازم تتكلم مع ادارة شؤون الموظفين اللي عندكم بالشركة وتشرح له وضعك

ثانيآ اذا كانت الشركة تخليك تعمل بنظام 12 ساعه وتعطيك حقه ما يمنع , اما اذاما يعطونك فأعرف انهم مخالفين نظام مكتب العمل والعمال اللي ينص على عدد ساعات الدوام الاسبوعه 45 ساعه ويومين راحه

وبالتوفيق

شف الفلبن والهنود الي عندك ماجوك للسعوديه يتسدح في بيته جايين يشتغلون علشان كذا مو محتاجين للاوفات.
لانه يستلم الراتب ويحول لبلده على طول وزي كذا ماعنده مسؤوليات كبيره هنا في السعوديه اهم شي عنده يشتغل ويحول راتبه . وبنهاية يعيش ملك في ديرته .

وبنسبه لوضعك مافهمت وش تبي بضبط ؟ هل العمل اوفرتايم اجباري او لا ؟ اذا لا مو لازم تداوم براحتك ام اذا اجباري داوم وش وراك اهم شي الاوفات تاخذها وبس .

يا جماعة ما الحل

صار الاوفر تايم اجباري عندنا يومي الجمعة و السبت و أنا تعبت من ضغط العمل ما في احد يغطي غيرنا

و غير كذا سالتهم تعطونا اوفات فيما بعد قالوا لي لا ما لك و لا حتى يوم واحد اوف ما فيه تعويض للاوفر تايم باوفات للأسف العمل كرف في كرف مرررة. و يوميا 10 ساعات اطلع الصبح قبل الساعة 6 و ارجع الليل بعد 6 و نصف يوميا ما اشوف احد ابدا ارجع اصلي و اتعشى و انام على طول و لا عندي وقت لا لحضور دعوات زواج و لا .....

طفشت منهم

انصحك استمر معاهم الى ان تجد عمل اخر , اسال اصدقائك اخوانك ابحث في المنتدى وبأذن الله تجد افضل منهم

الله يكون في عونك

دور لك وظيفة ثانية وان ما حصلت الله يعينك

الله يعين

صار لينا 5 أسابيع نداوم جمعة و سبت و الأجانب سيكملون 40 يوم متواصلة نهاية هذا الاسبوع بدون راحة يظهرون انفسهم انهم حق شغل و السعودي كسول

في شركتنا كل السعوديين ما يداوموا الجمعة و السبت الا نادرا اما الاجانب ما ياخذوا اجازة ابدا حتى يوم واحد راحة في الشهر ما ياخذوا اجازة

هذا استفزاز للموظف السعودي وليس حبهم للعمل للأسف الأجنبي ينظر الى السعودي انه كسول و هو مكينة شغال 24 ساعة بدون راحة ما تفرق معاه ما دام جاي الى السعودية للعمل بدون عائلته و نهاية الشهر يحول كامل الراتب الى دولته دون مراقبة الجهات المالية للاسف مليارات تحول سنويا الى الخارج من قبل الاجانب بدون مراقبة و بسهولة

يا اخي الله يعينك اغلب الشركات فيهم خسه ونذالة غير طبيعية على السعودي وكأنه مو انسان ولا عنده مسؤوليات !!
في البداية كلم شؤون الموظفين وقلهم انا رجال عندي اهل وفوق هذا انسان احتاج الراحة مثلي مثل غيري وبنظام العمل
واذا انت بمدينة كبيرة ابحث عن البديل من الآن والله يرزقك باللي احسن منها