المشاركة الأصلية كتبت بواسطة باسيلوف

كلام مفيد اخوي جداً الله يجعله بميزان حسناتك يارب ..

هل لديك معلومات اخوي عن التقديم بالبنوك الأخرى " غير النت " ؟

والامر الآخر هل يوجد اخي ترقيات وزيادات سنوية بالراجحي وياليت تعطيني مثال اذا فيه ؟ وكم راتب البكلوريوس بالفروع وهل هناك بونس لتحقيق تارقت خدمة العملاء ؟

اخيراً , هل شهادة بكالوريوس انجليزي مقبولة بالبنوك عموماً ؟



بارك الله فيك ووفقك اخوي على مساعدتك والمعلومات التي عطيتنا اياها .

المشاركة الأصلية كتبت بواسطة وووائل

المشاركة الأصلية كتبت بواسطة تناهيد نآي

الله يعطيك العافية بالنسبة للبنوك الأخرى ماعندي خلفية عندي أصدقاء لي فبنك الجزيرة والاهلي ولكن رواتبهم ضعيفة ومعطينهم أشياء فوق طاقتهم مثل تلقى موظف خدمة عملاء بالجزيرة تلقاة يصدر بطائق ويعطي قروض وشيكات وأشياء أخرى

ولكن بالراجحي موظف خدمة العملاء فقط بطائق صراف وكشف حساب وأشياء تافهه

عمومآ الراجحي يقبل بالثانوي فقط حوالات الراجحي اللي هي مسؤولين عن الحوالات الخارجية

وبالنسبة للفروع يقبلو دبلوم ومافوق وجميع التخصصات مقبولة أهم شي شهادة دبلوم ومافوق

وراتب الدبلوم يختلف عن البكالوريوس اما شهادات أعلى يمسك مناصب عالية

وبالنسبة لترقيات سهلة ومافي أحسن منها

راح أعطيك مسميات موظفين الراجحي

من أقل شي الى أعلى كفروع ,,,

- خدمة عملاء
- صراف
- كبير صرافين
- مدير مبيعات
- مدير عمليات
-مدير فرع

....................

بما أنك سألتني عن خدمة العملاء راح أجاوبك في زيادات سنوية على حسب شغلك مثلآ

موظف خدمة العملاء مطلوب منة إصدار بطائق صراف الي خلال الشهر عدد معين وجميع الموظفين يحققونها لأن عملاء الراجحي كثير

مثلا باليوم مطلوب 10 بطائق صراف الي وصدقني باليوم يجونك أكثر من 40 عميل

ويقيم الموظف على ثلاث أشهر

مثلا شهر 1 وشهر 2 وشهر 3 تسمى الربع الأول

والشهر 4 و5 و6 تسمى الربع الثاني

وشهر 7 و8 و9 تسمى الربع الثالث

وشهر 10 و11و12 تسمى الربع الرابع


مثلآ الربع الأول جبت 90 % تاخذ نص راتب على راتبك

مثلآ جبت فوق ال100 تاخذ راتب إضافي + راتبك

وبالنسبة لترقيات مثلآ كنت أنت موظف خدمة عملاء وبالفرع اللي انت فية نقل موظف مسماة مدير مبيعات ولا صراف تقدر تنقل مكانة وتسمى وظيفتك على اللي نقلت لها ومستحيل ترجع لمستوى اقل منها

أو مثلآ انت موظف خدمة عملاء وفتح فرع جديد تقدر تطلب نقل للفرع اللي تبغاة وعلى وظيفة مبيعات أو صراف أو خدمة عملاء نفس اللي انت عليها

وبالراجحي ماتتوظف بمدينة غير المدينة اللي انت مستقر فيها أكثر مسافة 50 كيلو أذا قرية

وبالنسبة لنقل لاتروح لا لمدير الفرع ولا شي عندك برنامج خاص بالموظف تطلب نقل ومدير المنطقة يعمدها لك وتنقل

وبالنسبة لراتب البكالوريوس 9800 تقريبآ

وعلى فكرة بالنسبة للعلاوة أخر السنة على حسب تقييمك مثلآ جبت فوق ال100% تاخذ زيادة 500 وحدودها وتضاف على الراتب وأذا راتبك 9800 يصبح 10300 ويثبت عليها والسنة اللي بعدها أذا جبت تقييم طيب يرتفع الراتب وعلى هذا الحال

أما اذا تقييمك سيئ ماتاخذ علاوة تاخذ راتبك فقط + الحوافز

المشاركة الأصلية كتبت بواسطة باسيلوف

اخوي ما ادري كيف اشكرك على اجابتك .. حقاً .. شكراً لك وعافاك ربي ..

لكن هل معقولة راتب البكلوريوس 9800 أول مربوط ؟ وماهي تفاصيل الراتب من حيث الأساسي والبدلات ؟ لأني اسمع الكثير من الكلام حول الراجحي واغلبه انتقاد وخصوصاً بما يخص الرواتب الضعيفة .. فما ادري .. هل ماذكرته راتب أول مربوط ؟


امر أخير واعتذر منك .. ماهي افضل طريقة للتقديم ؟ انا مثلاً من القصيم هل اذهب للرياض أم الفرع القريب أو وين بالضبط ؟ الطريقة الأفضل والأسرع للتوظيف ..



وانا ممتن جداً لك اخي العزيز واتمنى لك كل التوفيق والسعادة ..

المشاركة الأصلية كتبت بواسطة وووائل

الله يجزاك خير تعبناك معنى على راسي والله
تقبل خالص تحياتي وشكري لك يا خوي

المشاركة الأصلية كتبت بواسطة تناهيد نآي

أهلين أخوي الناس اللي تنتقد تلقاهم موظفين قدامة وتلقى أقل واحد خدمتة 15 سنة

لأن زمان كانت الرواتب ضعيفة

أو واحد مريض نفسي ومايبغى الخير لناس أنا معاي زملاء يسبون بالراجحي ولاينصحون أحد يتوظف فية ورواتبهم عالية كانت العلاوة حقتهم طيبة ورواتبهم طيبة فوق الـ 10 الاف

وأقول لهم دامك تسب لية ماتدور لك مكان ثاني ويسكتون

مشكلة مجتمعنا مايرضى بلي كاتبة ربنا لة

الواحد يقول الحمدلله والشكر

وبالنسبة لراتب البكلورويس راتب أساسي 7000 وبدل سكن 1300وبدل صرافة 1000

وبدل مواصلات 200وبدل عدوة من الفلوس لأنها أمراض تقريبآ 400 أو وتختلف من مؤهل لمؤهل هالرواتب أتكلم على البكلوريوس

أخوي أكثر زملائي اللي معاي عندهم سيارات محترمة ومحلات وتجارة خارجية بالعقل لو يسب ويتشكى من الوظيفة هل يوصل للي وصلة

للمعلومية الحين تلقى كل موظف راتبة يختلف عن الثاني والعلاوة هي اللي تفرق بالراتب كل ماجبت تقييم ممتاز كل ما أرتفع الراتب

أسأل أي موظف يسب ويتشكى من قلة الراتب قولة وريني راتبك بالرسائل النصية تبع الراجحي راح يتعذر لك ويدور أعذر

انا ماقلت هالكلام الا ابغى الكل يستفيد لأن كلام الناس يحطم وأكثرهم يسمع الكلام السلبي عن الوظيفة ويبتعد عنها

وبالنسبة لتقديم روح لأي فرع بمنطقتك وأسأل عن مدير الموارد البشرية اللي بالراجحي وراح يفيدونك لأن القصيم أتوقع واحد أسمة محمد الخلف والله أعلم لأن مو عارف مين مجرد أسمع لأن كل منطقة لها مدير موارد بشرية

الأفضل تروح لرياض للعقارية مبنى الأدارة وقدم عندهم لأن هناك مايردون أحد عكس باقي المناطق واسطات