نصيحة

اذا عطيتهم ملف للكشف الطبي حقك ركززز عليه بيتنقل الملف بين العيادات و الي يشوف في ملفه ورقة صفرا يستنشب لهم قبل لايختمون على الملف ( المسرح ) وتنكرش

انا كان في ملفي ورقه صفراء وبغيت انكرش بس الحمدلله استنشبت لهم وانقبلت

طبعا كان سبب الورقه الصفراء الي في ملفي ضعف في النظر بس عطوني مهله اسوي عمليه ورجعت فحصت من جديد

والحمدلله تيسرت اموري

اي استفسار انا موجود لخدمتكم : )

متى تطلع ارقام المقبولين مبدئياً
اللي يعرف لايبخل علينا

الي عنده نقص في النظر كل عين نص وش السواهه

طلعت ارقام المقبولين مبدئياً ولا باقي
الرجاء الرد بااسرع وقت

بتكلم عن الفحص بالتفصيل الممل


الفحص

اول شيء ترتيب الاوراق الي تطبعها من الموقع


حط اول شيء بطاقة الموعد و بعدين حقت البيانات بعدين النتايج حقت التحصيلي و القدرات و الكفايات بعدين الاثباتات

تروح لهم الساعة 4 فجر

اول ما تروح للبوابة حقت الكلية بيفتشونك عشان الجوالات لان الجوالات ممنوعه بعدين تدخل تروح تركب الباص ويروح ويوديك في كراسي وقدام الكراسي في شبابيك الي هي حقت تسجيل الاوراق تجلس في الكراسي وفيه عساكر يعلمونك كيف ترتيب الاوراق و يعطونك خرامه عشان تخرم الاوراق إذا ما كانت اوراقك مخرمه ودباسه عشان تدبس الصور بعدين يطلعون الي مكمل اوراقه يروح يسجلها عند الشبابيك يشيك على اوراقك ويطبع عليها استكر وياخذ ملفك و ترجع تجلس على الكرسي بعدين يناديك وتاخذ ملفك وتروح لطاولة قدامك فيه رجالين يقيسون درجة حرارتك و يعطونك كمامات بعدين تروح تركب الباص و يوديك للكشف الطبي

الكشف الطبي
فيه عندك تقريبا 7 عيادات
عيادة الوزن و الطول يقيس وزنك و طولك بعدين عيادة ثانية يختبرك عمى الوان ونظر فيه لوحه فيها حرف ال (E) يسالك عن اتجاهه بعدين عيادة الاسنان يكشف على اسنانك ع السريع بعدين تروح لعيادة النفسة يسالك عن اسمك و عمرك ويقولك تكلم عن نفسك بعدين ويسالك وش قدمت عليه من جامعات و سواليف عادية وانا اسالني عن اسمي اكثر من 3 مرات وسالني عن عمري مرتين وجالس يحاول يوش بي بعدين تروح لعيادة الاذن والانف والحنجرة ويفحص اذنك و خشمك وحلقك يشكف عليها عادي بعدين تروح للطبيب عام يقولك نزل السروال بس يشوف بدون م يمسك شيء بعدين بعدين تدخل عياده حقت عطام ويشيك على السريع وبعدين يقولك خلاص رح انتظر ف الكراسي ويخلونك تنتظر تقريبا ساعه بعدين يناديك و يختم على الملف
اذا ختم على ملفك ( المسرح ) يعني مكروش

واذا ختم ع الملف المقابله الشخصية تدخل على ضابط
يسالك عن اسمك و وش رغباتك و يسالك ، أنا سألني قالي مين نائب وزير الدفاع وليش تبي الحربية وبعدها طلعت من عنده و عطوني ورقه موعد لاختبار اللياقه بعدين طلعنا وركبنا الباص ورجعنا طبعا الكلام هذ كله من الساعه 4 الفجر لين الساعه 11 الظهر

وبالتوفيق للجميع

واي استفسار انا حاضر