بسم الله الرحمن الرحيم
انا ماجيت هنا الابعد ماضاقت علي الوسيعه يمكن القى حل عند اهل النخوه.
انا ام لثلاث اطفال .خريجه ثانوي لم اكمل دراستي الجامعيه عشان تزوجت هروبا من الفقر وطحت على الحديده زوج لامحل له من الاعراب الله المستعان
اسكن في شقه مايسكن فيها الحيوان وانتو بكرامه صبرت 10 سنوات وساكته لين جاء حافز بس متى بعد ما تجمعت الديون المهم اني جمعته والحمد لله سددت نصف الدين وباقي الربع ديوني راحت على اكل وحفايظ وحليب واغراض مدارس انااتسلف واعطيه يجيب ويليته يرجع الباقي عشان اعطيهم فسحه لا يبلعه انا اللحين عندي مطبخ النمل والحشرات تمشي فيه من الرطوبه والقرف ونفسي اشتري سراير لعيالي يرتفعون عن الحشرات ابي اصلح حمامي اب اشتري لبنتي ذره ثلاث شهور تطلبني ذره ذرررررررررررره ياعالم ذره ماقدرت اجيب لبنتي ليه وين حقوقي عشان انا على ذمه رجال هو المسؤول عني طيب واذا مادراء عني ولا عن عيالي واهلي كل واحد كون نفسه وعاش لنفسه طيب وانا مااستحق اعيش مااااااااابي اعيش اهم شي اطفالي مااشوف في عيونهم الحزن والحاجه الجيران ماشاء الله يغيرون الاثاث لرمضان بس وعيالي في الشباك يتخيلون ان الكنب لهم ويختارون الالوان وانا اموت الف مره مع كل كلمه نزل لي حافز الثاني 1500لكن اجيب ايش ولاايش ولااصلح مطبخي ولا اصلح حمامي ولا اجيب اغراض لعيالي ولااسدد ديني ولا اش اسوي شوفو لي حل ولا دبرو لي حيله ادخل فيها على الملك عبدالله حاولت اكلم سبق وحاولت ارسل برقيات وصلوني للمل ك عبدالله يحل مشاكلي تصدقون عمري 30 كأني 60 لااعرف مشغل ولا مناكير ولاموضه ولااستشوار مااعرف الا الهم والدموع وانا متأكده ان فيه غيري بااللالاف بس عشانا حريم وذكر مستقوي علينا واهل الله المستعان عيالي ان شاء الله اشحذ اللقمه بس يفرحون وان شاء الله يشيلوني بعدين .....

الف شكر على الاهتمام

اختي ليش ما تشتغلين ؟

طيب ليش ما تكلمين ابوك او اخوانك او عمانك او خوالك ؟

انا احاول اتوصل معك لحل

اولا انت في اي منطقه
ثانيا لاجل الناس هنا تتساعد معاكم والمسؤلين ممكن يوظفون زوجك
يوظفونك اي شي لاجل تسهلين لنفسك الخدمه ويخدمونك
الناس فيها الخير
ولي عوده لموضوعك باذن الله

لو كان الإنســان يستغفـــر أكثــرمما يشتكي لوجــد راحتــه قبــل أن يشكــي


أستغفر الله العظيم

انتي حددي ماكنت وان شالله يكون خاطرك طيب

اولا:- عندك ضمان الاجتماعي

الثاني:- جمعيه الخيره

الله يعنيكم

استغفر الله

اااااصصصصصبببببررررييييي
تنفسي الصعداء الحين
وقولي في نفسك لو جزعت ولو سخطت ولو سوت اي شي مالي الا الله
البشر ماراح يرحموني ابدا لو ارحموني يوم سنة سنتين بعدها ينسوني والله ماينساني لذا كوني على يقين ان الله مع الصابرين
الله عدله في هالكون انه يختبر الناس يبتليهم في محنه او مصيبه
يشوف من اللي يصبر منهم ومن يسخط ويجزع واللي يصبر يفرج كربته بخير عظيم
وهنا حديث الرسول يقول الصبر لاياتي الا بخير
الخير قد يكون مال خلق نبيل ولد صالح لانعلم ماهو هذا الخير اللي مخبيه الله لك ا
على قدر صبرك ياتي الخير والبشائر
اولادك استمتعي في الحياة معهم وخليهم مايشعرون انك متضايقة حتى مايتعسون في حياتهم وقليلهم
اننا افضل من غيرنا فيه ناس عايشين في خيام في البر ومن هالكلام حتى هم يتعلمون الصبر والله ان الحريم اللي مدللات عيالهن يشتكن منهم وخاصة في تربيتهم اكيد راح تكون تربيتهم صعبه لان طلباتهم اوامر فاتمردوا على امهاتهم
صدقيني الله اختار لك الخير
بس احنا عجولين احنا مانعلم ان المحن اللي نمر فيها قد تكون لنا خير في الدنيا والاخرة
واكرر قد يكون هذا الخير صلاح اوللادك او قد يكون خلق نبيل تتحلين فيه في سن الثلاثين ماعهدتيه في حياتك من قبل او او
احنا نقدر لانفسنا الشر وهذي حقيقه والله يقدر لنا الخير فقط
لكن يعاقبنا بما كسبت يدينا مين اللي يفهمنا هالمعادلة الالاهية لاعلم

اختي انا شلت همك وابي منك تكثرين من الاستغفار
واسعي وتوكلي على الله
يعني لو تبدئين 500 ريال
اذا انتي عادي تروحين برا البيت وتعملين
لاني انا ماحب اعمل برا البيت لان عندي اطفال صغار ماقدر اتركهم واصلا اكره اعمل خارج المنزل احب الاعمال الي من البيت مثل الطبخ الخياطة وخلافه
اهم شي لاتندبين حظك وانتي جالسة وماتعملين شي لازم تسعين لرزقك وتتوكلين على الله
تعرفين ان الله معنا ويبيها تتسهل علينا لكن احنا مانبي حالنا تغير لاننا نندب حظنا وجالسين ومكتفه ايدينا كيف راح تتحسن اوضاعنا ماراح السماء ماتمطر ذهب ولافضة
لازم نسعى والناس الحين ندر الي فيهم الخير والي فيه الخير صار مايثق باحد مهما كان لو كان بامس الحاجة عندك انا اخذت سنتين وانا ابحث عن ممولين وما وجدت والله العظبم لو يعطوني المبلغ هديه والله العلي العظيم اني لارفضة ليه
لانه مال ماتعبت عليه مارضى على نفسي اني اخذه اصلا ماراح احس بقيمته ابدا
لكن لما يكون هذا المبلغ تمويل اما شراكه او اني ارجعه من الارباح اشعر بسعاده
لاني شعرت بقيمة الفلوس واني مسئولة عنهم وشي ثاني والمهمى يخليني افرح ان الناس باقي فيهم الخير
شوفي يمكن اساعدك بافكار تبدئين منها بمشروعك
على العموم لاتنسين تبشرينا اذا تحسنت اوضاعك

الله يفرجها عليك آمين باذن الله