السلام عليكم ..
كيف احوالكم
بصراحه ماعرفت وين احط الموضوع بالنهايه قلت ، أحطه هنا
أتمنى من المشرفين ( إذا هذا ماهو القسم الناسب ) تنقلونه لقسمه
المهم أنا عندي إستفسار - قدمت على شركه وقبلوني اللهم طلبوا مني كفيل وتعريف براتب الكفيل وتوقيع العمده والشرطه .. وهالامور
طبعًا أنا في الرياض وإضطريت إني أروح لحفر الباطن على شان أخلي أخوي يكفلني لانهم شارطين علي شرط يكون الموظف حكومي
فـ أقرب مالي رحت لاخوي في حفر الباطن واخذت التعريف ووقع لي على ورقة الكفاله
المهم مالكم ف الطويله أبي أعرف وش وضع العمـده لازم يروح معي أخوي ( اللي هو بالاساس كافلني ) والا لو اروح له لحالي يوقع لي ؟
لان صعبه اخوي يجي معي للرياض ..

أتمنى ألقى إجابه .. شافيه

خوذوني على قد عقلي - أول وظيفه لي وهالحوسه والاجراءات ..
احد يفيدني ;d

حسب مزاج العمده ومادام ان اخوك موقع نموذج الكفالة من مقر عملة فاتوقع تمشي بدون حضور اخوك

وفالك التوفيق

طالما اخوك كفلك خلاص امورك تمام ما يحتاج حضوره او العمدة

بس أن شاء الله شركه تستاهل

-


ذكرتني في اسواق المزرعه
رحت ابي اقدم عليهم عشان اخذها وظيفه مؤقته الين ماربي يحلها
طبعا مقدم على مصفف ارفف
عطوني اوراق لازم تبصم بالادله الجنائيه + توقيع وموافقه الكفيل + العمده .. ولازم الكفيل الي هو الوالد موظف حكومي
حسسوني اني مقدم على عسكريه