بسم الله الرحمن الرحيم
استفسار .هل لازم تعرض اوراق المساعده المقطوعه على المدير ام تسجل بدون عرض ..هل يتم تسجيل البيانات في مكتب الضمان اللي قدمنا فيه في الحاسب الالي وهل تظهر في حالة الاستفسار عن حالة الطلب
الموظف اخذ الهويه الوطنيه وجلس يضغط في الكمبيوتر وقال لنا بعد 6اشهر شوف رقم الحساب وللاحاطه اوراقنا كلها كامله
السؤال الذي يطرح نفسه ويمخول ...ماذا كان يفعل الموظف حينما طلب البطاقه ولماذا لم يخبرنا فورا هل نستحق المساعده المقطوعه ام لانستحقها بدل المرمطه وحرق الاعصاب ورفع الضغط
بعض الناس مايستلم مبلغ المساعده المقطوعه الا وهو كاره نفسه ونادم على اليوم اللي قدم فيه عليها
سؤال تكتيكي ...هل يؤثر التقديم على حافز على المساعده المقطوعه ..تقديم فقط ولم يتم صرف هلله واحده من حافز
ياصبر الارض

مرحبا اخوي بالنسبة للموظف لو انه انت ماتستحق كان قالها لك
بس هو قال لك بعد ست شهور شوف الحساب
وهي المقطوعه تتاخر ست شهور واحيان ثمان شهور وبعض الاحيان اربعه شهور على حسب الجهة اللي انت مقدم عليها بالنسبة لحافز انا اخر مرة قدمت وفي الورقة اللي اعبي في بياناتي كان مكتوب هل انت مستفيد من حافز طبعا حطيت لا لاني انا اساسا اخذت حافز 1 وخلصت منه وبالنسبة لسؤالك عن المكتب اللي انت تقدم فيه اعتقد ان هم فقط يدخلون بياناتك على الكمبيوتر ويرسلون معاملتك للجهة الرسمية وتجلس تدور يتاكدون ان ماعندك دخل وانك مستحق ولست موظف حكومي يعني اجراءات طويله ومالك حق تزعل انت قدم وانتظر
وتقدر تسوي استعلام عن طريق الانترنت وانت متكي في بيتك وتعرف وش الجديد في معاملتك

باختصار قدم عليها وانساها ...

بس اهم شي يوم تقدم لايكون عندك تامينات ويكون راتبك يتعدا 1700 هذا اللي ممكن يحرمك منها
واذا قدمت وقف حافز لاتستلم شي حتى تاخذ المقطوعه العب معاهم لعب
تقدر توقف حافز لين تستلم المقطوعه وبعدين ترجع تقدم في حافز من جديد

اسف على الاطاله واتمنى اني اكون افدتك

واذا قدمت وقف حافز لاتستلم شي حتى تاخذ المقطوعه العب معاهم لعب
تقدر توقف حافز لين تستلم المقطوعه وبعدين ترجع تقدم في حافز من جديد

حافز ماله علاقه بالمساعده المقطوعه قدم على حافز واستلم حافز الا اذا تغيرالنظام لكن اللي اعرفه انها مالها علاقه الا بالمعاش وأفضل انكم تتصلو على الضمان افضل ابراء للذمه

شكرا لكما يا ابا لين ويالمنتصر بلله ...والله يا بولين الشي اللي يحز في النفس انها ليس المره الاولي التي يلطعونا فيها فقد سبق ان فعلوها ..وانت تقول قدم عليها وانساها ..قبل ثلاث سنوات قدمنا عليها ونسيناها وراحت مرواح جدي ولاشفناها لها لحين ..وشكرا لك

من خلال قراتي بالمنتدى وبعض المنتديات الأخرى ومن خلال معرفتي ببعض الناس اللي مشتركين بحافز كان استنتاجي ان ليس لها علاقه نهائيا بالمساعده وبعدين اول مره اسمع عن هذا النموذج الذي يتطرق لحافز اذا كانت هناك اوامر جديده بهذا الخصوص لها ايام صادرة فلاادري عنها
ولكن اذا على النظام اللي نعرفه مالها علاقه اللهم فقط لها علاقه بالمعاش فقط وبعدين اصلا المساعده لها حد مانع وأفضل انكم تتصلو على الضمان ابراء للذمه

Abuleen
ربي يحفظك ولو ان اجابتي ناقصه ولكنني اخشى بوجود تعليمات جديده وبالتالي احمل نفسي ذنبا تكفي الخطايا الجاثمه بسجلاتنا عند مولانا
ربي يسعدك

مثل ماقال اخوي المنتصر بالله بارك الله فيه
المقطوعة ملها دخل بحافز لانها برنامج مساند مثل دعم الغذاء
وفيه رابط اذا بحثت في قوقل لموعد الاستعلام المتوقع للمقطوعة