السلام عليكم ورحمة الله وبركاته..


كثير من اصحاب الدبلوم طموحهم في اكمال البكالريوس داخل السعودية وللاسف حقنا مهضوم

عموما هذي جامعة في امريكا تعادل الدبلوم ويتبقى من 70 ساعه الى 90 لاكمال البكالريوس

اسم الجامعة Fort Hays State University

الولاية Kansas

المدينة Hays

سعر المعهد التابع للجامعة خلال 4 شهور 6400$ شامل الكتب والتأمين الطبي والمعهد يتكون من

4 مستويات كل مستوى شهرين + مستوى بالصيف ومدته شهرين ايضا

السكن حول الجامعة شقة مكونة من غرفة وغرفة بغسالة وصالة ومطبخ 500$ شامل الانترنت والماء

وعليك الكهرباء

المدينة بشكل عام رخيصة بس عيبها صغيرة ومافيها الا السينما ومول صغير

والمعهد ينفع للشخص الي عنده اساسيات في اللغة

شروط الالحاق في البعثة دراسة اللغة مدة 4 شهور ورفع طلب الالحاق يعني اي واحد بيدرس ع

حسابه خارج السعودية يحسب حسابه لفترة ما بين خمس شهور الى عشر شهور

ونصيحة مجرب الي ما يفكر يكمل ماستر خارج السعودية لا يجي هالجامعة يروح لاي جامعة ثانية

ويدرس البكالريوس من جديد ويكون في مدينة كبيرة ونفسيته مرتاحة

والشخص الي يهمه يخلص الماستر قبل العمر يمشي يجي يعادل هنا ويتخرج ويروح يدرس ماستر

بمدينة ثانية


بالتوفيق للجميع

عندهم تخصص صحة بيئة او حماية البيئة ..؟

اشكرك اخ بندر في نفع اخوانك جزاك الله كل خير..

انا خريج الكلية التقنية - تخصص تسويق هل فيه ( معادلة كاملة ) فعلا؟ وما افضل الولايات؟ او حتى الدول؟

اقتباس:

المشاركة الأصلية كتبت بواسطة بندر عبدالعزيز ماعندي خلفية .. ادخل موقع وزارة التعليم العالي قائمة الجامعات الموصى بها اختار امريكا واختار الولاية kansas المدينة hays واكتب اسم تخصصك وشوف هو معتمد من عندهم او لا وهل الجامعة تدرس هالتخصص او لا بالتوفيق

الله يعطيك العافية و ماقصرت على موضوعك الجميل

انا بصراحة قدمت 3 مرات على التجسير ولا قبلوني و معدلي 2.82

لكن الجامعة اللي تقول عنها هذي يطلبون معدلات محدد و ابي اعرف تخصص إدارة مكتبية موجود ام لا

لاني دخلت على موقع وزارة التربية ومدري كيف ابحث ماعرفت للطريقة كيف اشوف هو معتمد و يدرسون هالتخصص ولا لا

و بالنسبة لي انا عن نفسي اتكلم لغتي الانقلش ميح يعني اعرف الحروف و اقراء بس المحادثة مع احد وتركيب الكلمات ما اعرف وياليت تنصحني و توجهني وش الشي المناسب اللي اسوية لان انا امنيتي اتعلم لغة الانقلش في أي وسيلة بالرغم اني دخلت هنا كذا معهد ولا استفدت احس الممارسة برا غير وتفيد اكثر

و ابي رأيك بحكم انك خبرة في هالامور و جبت لنا خبر مفرح الله يفرح ايامك يارب

انا عمري 25 و لي سنتين عاطل ولا حصلت وظيفة زي الناس ولا حصلت احد يقبلني دراسة تجسير

آسف على الاطالة بس والله من قوة القهر اللي فيني من هالكلية الخايسة

السلام عليكم ورحمة الله وبركا

اي احد يبي مساعده يبشر بعزه يكتب التخصص والمعدل والتخصص اللي يبي يكمل عليه وانا بحطله الجامعات ..

بحكم اني طلعت اجازه .. ارد علي استفساراتكم بعد الغداء

يا هلا يا مرحبا

خريج التقنيه يعادلون له علي التكنلوجي ولكن تختلف علي حسب درجاتك اذا اعلي من c امورك طيبه ان شاء الله وراح تلقا معادله حلوه ...

الله يسعدكم يا اخوان

انا متخرج دبلوم عالي من كليه ينبع الصناعيه تخصص الالات الدقيقه .. وطموحي ادخل الابتعاث و اخذ الباكلوريوس .. لكن ما ادري من وين ابدا ووين افضل جامعه تعادل المواد .. وبخصوص 4 شهور على حسابي وين ارخص المعاهد الي تمشي الحال حتى التحق بالبعثه يعني تقل المصاريف .. مع العلم لغتي جيده يعني ان شاء الله احقق درجه التوفل المطلوبه من هنا قبل اروح بعد لو لزم الامر .. و كلامي موجه خصوصاً لاخوي بندر و ريف النشاما بحكم خبرتهم ومعرفتهم ولكل من عنده معلومه له الدعاء ..