معقولة محد رد للان والمشاهدات عالية، تكفوووون لا تبخلوا علينا يالاجاويد

بصراحه ما عندي جواب لان تخصصي محاسبه مو صيدله فما اعرف شي ان شاءالله تلقى احد يفيدك

بس نصيحة اذا باقي الفرص مو مضمونه خليك على هذي احسن من مافي

بالنسبة للابتعاث بصراحه حلو شهاده و لغه و تتعلم ثقافات دول ثانيه بس انا ابتعثت ورجعت و الحين سنه ونص ادور وظيفه مناسبه و ما لقيت اترشحت لكذا و طيفه و مافي رد طبعا كله بسبب الواسطات

الله يجزاك خير، بس انت ابتعثت عن طريق قوى الامن وهل الابتعاث متوفر، واذا تعرف احد من اللي شغالين معك صيدلة اسأله بالله وافيدني والله يجزاك خير، ابغى استفسر عن الراتب والبدلات والدوام وكل شي والله يعطيك العافية ،،،

اللهم امين جميعاً يارب لا انا ابتعثت عن طريق برنامج خادم الحرمين الشريفين

و سويت مقابله بمستشفى قوى الامن و انتظر ردهم

بالنسبه للرواتب ماعندي فكره. اتمنى احد يفيدنا بهذا الموضوع

الله يوفقك، بإذن الله نلقى تجاوب من الأعضاء، لك تحياتي ووافر التقدير ،،،

الله يوفقك دنيا وآخره

انا اتفق مع الأخ هنا فارس من حيث ان الشخص يحاول يتمسك بشي وبعدين يتشرط،،

لأني أيضاً كنت مبتعث ورجعت والحين لي سنه وانا ادور وظيفة<<<<طبعا أتكلم عن وظيفة تستاهل اني أستمر فيها مثل الحكومي

انا ما ابي احطمك او أكون متشائم لان التوفيق بيد الله وين ما رحت سواءً كملت دراسة او اتوظفت

أنصحك انك تروح إدارتهم وتستفسر منهم افضل، وما أتوقع انهم ما يجاوبوك

الله يوفقك ان شاء الله

الله يجزاك خير سبوكان، لكن انا وظعي مختلف خريج حديث ومعدلي ممتاز ودرجة دكتور صيدلة (بكالوريوس) ولله الحمد والامور كلها متاحة لي (الاعادة بالجامعات) والمستشفيات الحكومية التابعة للصحة والتشغيل الذاتي ومستشفيات القوات المسلحة، لكن انا جتني هذي الوظيفة شاغرة وحبيت اكمل فيها وبس بستفسر هل هي افضل خيار من بين المستشفيات لاني سمعت لهم مميزات في البدلات وكذلك البعثات شغالة ومتاحة عندهم وحبيت اتأكد من المعلومات اللي سمعتها وقريتها، وانا ما ببتعث على برنامج خادم الحرمين ولكن ببتعث وانا على راس العمل عشان تحسب لي الخدمة وارجع على نفس المستشفى، اللي عنده معلومات يفيدني والله يجزاكم خير.

صباح الخير

مافي اخبار؟

صباح النور .. أخبار عن ايش بالضبط ...؟