السلام عليكم

طبعا مامداني افرح بالوظيفة الى جتني من جدارة
الا وجتني عراقيل الدنيا

اول شي حولوني على امانة الرياض
والامانة خلصوا اوراقي وحولوني
على وكالة الخدمات

والوكالة قالو الوظيفة الى تعينت عليها ومدينتها
مو تبعنا

وحولوني على الامانة
عشان الامانة تحولني على الخدمة

وشرايكم وش اقدر اسوي
لان الخدمة يقولون رقم الوظيفة بالرياض
والحين الوكالة تقول لا وظيفتك مو تبع الرياض !!!

وهل اقدر اشتكي او احاجهم

الله يوفقك اخوي ماعندي علم الاخوان يفيدونك بس خليك وراااهم وانشب بحلوووقهم ماضاااع حق وراااءه مطااالب

اتوقع الخطأ من الخدمة المدنية لأن الأمانة ادرى بأرقامها !!

والله اعلم

ما راح اسيء الظن بالموظفين لكن ... ياصاحبي خذ اوراقك الرسمية من شهادات واثبات انك مرشح للوظيفة وخلي كل شي رسمي معاك وانشب بنحورهم لانه كما يبدوا لي انه (( الموضوع فيه شغل واسطة دخلت بالموضوع واعطيت الوظيفة لغيرك وتم السحب عليك )) مثل ما قلت لا اسيء الظن باحد ولكن هذا وضح الوزارات ببلدنا الحبيب ...

مثل ما قال الاخ ابن الحكمي بالظبط و سبق و صارت لناس للاسف نصب عيني عينك و يحسبونك بتسكت او ما تعرف

ارجع للخدمة المدنية و معاك اوراقك و علمهم باللي سوته الوكالة

لان كلام الخدمة المدنية هو اللي يمشي

اتمنى ما تسكت عن حقك