02-07-2014, 03:22 PM
|
عضو متواصل
|
|
تاريخ التسجيل: Jun 2014
المشاركات: 42
معدل تقييم المستوى: 22
|
|
السلام عليكم
كيف الحال انا توني راجع من كليه الملك خالد
كان طولي بالمستشفيات ١٦٧
ولمن قاسو الطول طلع ١٦٣
مادري يدققون ولالا ابي جواب سريع
بقولكم من اول مادخلت
دخلت ودخلونا بالمسرح وعطونا خرامات نخرم اوراقنا ودباسات نبدس الصور
المهم تروح على يسار ثلاث جنود يدققون على الاوراق
وثم تركب المسرح وتعطيهم صورتك بالزي السعودي
ويعطونك استمارة ثم تروح بعدهم على يمين مكتب يقص لك الاستمارة ويطلب صورة مكشىف الراس ويدبسها ويختم عليها وفيها رقم اللجنه
ويارب ماتطيحون برقم واحد
وعقب تطلع من المسرح وتروح يسار وتنتظر بالكراسي
ويجي عسكري يسأل عن رقم لجنتك ثم تقوم
وتروح للمقابله الشخصيه
ويسألك عرف عن نفسك ومعدلاتك ومن اي مدرسه
ثم يعطيك ثلاث قطع تختار وتقرا وحدة
ثم يقول عبر وقال لي عبر عن الماء والكهرباء
وثم عقب التعبير يقول قوم اكتب على السبورة
قال للي قبلي ارسم دائرة فيها مربع ولون الدائرة واترك المربع وانتم عاد لونو كل الدائرة
انا قال لي ارسم مثلث قائم الزاويه
ولمن رسمته قال لي وش اسم العمود هذا
قلت وتر وطلع صح
وقالوا لواحد اكتب وزني ٦٠ متر ولو كتبتو متر بيطلع غلط اكتبو كيلو جرام
وقال لي عقب مارسمت اكتب تحت الجمله هذي
بالقوانين الرياضيه يمكن ايجاد الاشكال الهندسيه
المهم قال تعال اجلس
وعقب قال انت ممتاز ودرجاتك زينه ليش تبي الحرس قلت انا احب الحرس
قال ليش اخترتها طيب
قلت لحمايه الدين ثم الملك والوطن
وعقب قال اطلع للفحص الطبي وطلعت له وفيه صاله رياضيه وفيها عيادات صغيرة
المهم تدخل وتفصخ ملابسك لكن انا فصخت الثوب والفانيله وخليت علي السروال الطويل لكن رفعته فوق
ثم ترىح للجهاز يقيس وزنك وطولك ويدخلهم بالجهاز ويقول روح للعيادة رقم كذا
لكن اللي طوله ١٧٠ بيكون طوله ١٦٦ لان ميزانهم ينقص بالاطوال والاوزان
وعقب ماتدخل على الدكتور يحط السماعه على صدرك ويكشف على صدرك بس وانتبه لايكتب لك نوته صفراء صغيرة وعقب ينتهي الفحص الطبي وتروح لبيتكم وترجع لهم بالليل عشان اختبار اللياقه
واخر شي الله لايوفق من ظلم الناس بالواسطه
افيدوني عن طولي طلع ١٦٣ ودرجاتي كلها توب التوب والفحص توب مادري يدققون ولالا
دعواتكم لي زي ما افدتكم
التعديل الأخير تم بواسطة عبدالعزيز بندر ; 02-07-2014 الساعة 03:26 PM
|
العرض العادي
