السلام عليكم
اخواني اخواتي الله يجزاكم خير ابي واسطه تدخلني جامعة فيصل في الاحساء
انا متخرجه من الثانويه من خمس سنوات نسبتي ماتأهل ادخل الجامعه

الله يعافيكم اللي يعرف واسطه يكلمني ع الخاص

وحاضرين بالمبلغ اللي يبيه

وعليكم السلام ورحمة الله

أكتبي معروض موجه إلى عميدة القبول والتسجيل وإن شاء الله خير , ولو قدرتي تروحي هناك بنفسك للعميدة يكون أفضل ومعك الخطاب

يعني مجرب هالطريقه ونفعت??

يعني العميد بياخذ فلوس ???

هههههههههههههههههههههههه ضحكتيني العميد يعرف ربنا الله يهديك ميجوز هذا الكلام وش الله يعطيك العافية اذا انتي نسبتك ما تأهلك لدخول الجامعه لية ماسويتي قدرات في كل سنة على شان ترفعين النسبة الموزونة عندك تركي عنك فلوس وكلام فاضي ربي مايوفقك طول منتي سالكه هذا الطريق انا اعرف العميد شخصياً رجال ونعم منه جداً حقاني مايبخس حق احد يوزن بذهب استغفري ربك وقدمي على كليات التقنية وكلية الشريعه وربي يوفقك ان شاء الله

سجلي انتساب عن بعد وحاولي تشدين حيلك وتجيبين معدل كويس وبعدها حول انتظام مافيه الا كذا

وتأكدي ان فيه تحويل

الله يعطيكم العافيه ع الردود

اخواني انا من خريجات عام1429-1430
ومن ضمن شروط التسجيل في الجامعه انهم يبون خريجات سنة1430-1431


يعني حتى لو بروح للعميده واكلمها ماراح ترضى

الله يعافيكم اللي عنده واسطه تدخلني الجامعه لايبخل علي

السلام عليكم ورحمه الله وبركاته
اولآ حبيت افيدك دائما اولآ الواسطه الله مافيه واسطه بالدنيا هنا اعرفي هذا الشي وحطيه ببالك
اذا انتى ودك تخشين جامعه فيصل مافيه الا حلين توسينهم انك تروحين وتجربين حضك هناك وتكلمينهم عن حالتك وان كان لك مكتوب رزق بتاخذينه لا تقولين هم وهم انتى سوي الي عليك وروحي لهم
الحل الثاني انك تسجيل انتساب عن بعد وتدرسين واذا جبتى معدل حلو يقدرون يخلونك انتظام عندهم مع انى اشوف فكرت الانتساب انك بتنقبلين ان شاء الله بس انتى سوي الي عليك وتوكلى على الله

أدرسي انتساب بكالوريوس في جامعة فيصل واذا خلصتي قدمي على الماجستير
وبكذا ينظر لشهادتك الثانية الي هي الماجستير
/
موفقة