السلام عليكم ورحمة الله وبركاته

اخوكم توه متخرج من امريكا تخصص علوم حاسب ,,, طبعا ما خليت شي ما قدمتله من يوم ما جيت من ضمنها القطاعات العسكرية وسابك وارامكو ,,, والخ

حاليا تم قبولي في الحرس الوطني بعد ما اجربت الاختبار ومقابلتين والتعيين راح يكون ملازم اول احتمال في استخبارات الحرس الوطني واحتمال مركز المعلومات.
ونفس الشي تم قبولي في كلية الملك فهد الامنية وبكرة موعدي عشان الطول و الوزن وتسليم الاوراق.

في المقابل ما جاني اي عرض من اي شركة كنت اطمح لها.

لكن ما لي اي رغبه ولا 1٪ في القطاع العسكري ( الحرس و الامنية ) لعدة اسباب ,لكن قدمت عشان ارضي الوالد لانه نصحني فيها.
اولا : الدورة العسكرية الي مدتها 9 شهور للحرس الوطني و3 شهور لكلية الملك فهد:
انا انسان مالي ابد في ذا الامور ,,, حلق 0 ومتر الميدان تحت ذا الشموس.
ثانيا : بيئة العمل :
بيئة العمل في القطاع العسكري معروفه كلها مذله ودق خشوم ودق تحيه للي رايح والي جاي.
ثالثا : المستقبل الوظيفي :
صحيح ان الراتب بيصك شي وشويات في اول مربوط .. لكن زيادة الراتب بعد فتره بتكون بسيطة جدا مقارنة بالشركات الكبيرة اضف على ذلك راتب التقاعد.
رابعا واخيرا : صراحه متحسف دراسه 6 سنين برا وكرفي خصوصا اني اشوف نفسي انسان اقدر ابدع في مجالي لكن عملي في العسكرية راج يدفن هالطموح والشغف.

السؤال هنا
- هل تؤيدوني بكلامي بالنسبة للقطاع العسكري والخاص ,,, ولا انا فاهم غلط ؟
- هل اذا توظفت كمدني في الحرس الوطني راح يكون الراتب قليل جدا بالنسبة للعسكري ؟
- هل اذا اخذت الدورة العسكرية وبعدها قررت انسحب راح يأثر هالشي على قبولي في وظائف اخرى ؟

اعذروني على الاطالة
ارجو الرد بمعلومات او تجارب شخصية وليس مجرد رأي

وشكرا

الدورة في الأمنية سنة كاملة وبعض التخصصات سنتين
الراتب جامد والزيادة السنوية للملازم تقريباً 480ريال وبعد سنة او سنتين تترقى لملازم اول وبعدها بسنتين تترقى نقيب وأنت ماشي وكل رتبة زيادتها السنوية أعلى من الرتبة اللي قبلها

العسكرية تعبها بس في الدورة
مافي وظيفة بدون تعب
لاتخاف على الطموح الضباط هم اللي ماخذين حقهم وزيادة
أما الأفراد هم اللي مقتول طموحهم

بالنسبة للشركات صعب تبدأ بداية قوية
في البداية لازم تكون بدايتك في أي شركة تعرف عشان تكون عندك خبرة وكذا وبعدهها ابحث عن الشركات الكبيرة

الله يوفقك

ياخي كويس انهم قبلوك

والله الحاسب تخصص ضايع في السعودية


لو كان تخصصك هندسة او كهرباء لتحصل الشركات يلقطونك من ا
امريكا قبل ما توصل السعودية

فاانا اقول احمد ربك .. وظيفة حكومية وجات لحدك .. وسيبك من ال
الشركات ما عندهم الا الطقاع

الشركات الكبيرة تدور على الخبرات ولا راح توظف خريج جديد بالراتب الي تحس انه ينصفك , دقة الخشوم الي شايل همها هذي فترة الدورة العسكرية و من تصير ضابط تتغير الامور ويصير لك احترامك خصوصا اذا كنت مبدع في مجالك .
بعض الوظائف في القطاع الخاص فيها من الاستبداد الي يحسسك ان العسكرية رحمة بالمقارنة.

الأمنية يعتمد على مكان تعيينك, بس مركز المعلومات في الحرس ممتازة كمنصة و مكان اكتساب خبرات اذا بغيت تطلع في يوم من الايام للقطاع الخاص براتب يسوى .

اقتباس:

المشاركة الأصلية كتبت بواسطة باشتلور السلام عليكم ورحمة الله وبركاته السؤال هنا - هل تؤيدوني بكلامي بالنسبة للقطاع العسكري والخاص ,,, ولا انا فاهم غلط ؟ - هل اذا توظفت كمدني في الحرس الوطني راح يكون الراتب قليل جدا بالنسبة للعسكري ؟ - هل اذا اخذت الدورة العسكرية وبعدها قررت انسحب راح يأثر هالشي على قبولي في وظائف اخرى ؟ وشكرا

والله العظيم شيء محير انا نفس وضعك دارس 6 سنين بس تخصصي هندسة مع مرتبة الشرف وما ادري هل القطاع العسكري احسها حرررام دراسة وكرف وواختبارات ومرتبة شرف وفي الاخير عسكري مثالي مثل الي درس في كلية عسكرية 3 سنين .... اما القطاع الخاص اذا صحيح راح تتوظف براتب اقل في البداية لكن كم سنة وراح ينط راتبك الى اكثر من 20 الف انا صاحبي هندسة ميكانيكة اشتغل براتب متوسط بعد ما تخرج في شركة فترة اربع سنين وصار عنده خبره وراح للشركات في اليوم الهندسي واللله حصل عرض وظيفي ب 25 الف ريال في الرياض وتوقيع عقد فووري بعد ما سوو معاه مقابلة شخصية هذي ميزة القطاع الخاص , انا العقيد الي سوى معي مقابلة في الحرس قال انا خدمتي 25 سنة وراتبي الاساسي 21 الف مع البدلات نقول 31 الف وهو خدمة 25 سنة يعني باقي له على التقاعد كم سنة وتروح علية البدلات ...


بصراحة الحيره موجود لكن عليك انك تصبر وتصبر ولا تتسرع وتخصص الحاسب وظائفة حلوة خصوصا في قطاع الاتصالات


الله يوفق الجميع

الله يوفقكم

مشكورين على تفاعلكم شباب

اقتباس:

المشاركة الأصلية كتبت بواسطة المعلومات الشركات الكبيرة تدور على الخبرات ولا راح توظف خريج جديد بالراتب الي تحس انه ينصفك , دقة الخشوم الي شايل همها هذي فترة الدورة العسكرية و من تصير ضابط تتغير الامور ويصير لك احترامك خصوصا اذا كنت مبدع في مجالك . بعض الوظائف في القطاع الخاص فيها من الاستبداد الي يحسسك ان العسكرية رحمة بالمقارنة. الأمنية يعتمد على مكان تعيينك, بس مركز المعلومات في الحرس ممتازة كمنصة و مكان اكتساب خبرات اذا بغيت تطلع في يوم من الايام للقطاع الخاص براتب يسوى . -كلامك صح و غلط في نفس الوقت -انت تتكلم عن التطوير بعدين تسأل عن وضيفة مدنية ؟؟؟؟؟؟ -وظائف اخرى وين ؟ القطاع الخاص ما يهتم و اذا ما صدر قرار تعيين لك - لا زلت طالب عسكري - فما فية مشكلة مع الوظائف الحكومية

بالعكس الشركات الكبيرة مثل ارامكو وسابك وغيرها يدورون الخريجين الجدد دوارة لانهم فريش ويدربونهم بالشكل الي هم يبونه. وخلال بحثي عن الوظايف لقيت كثير شركات طالبين خريجين جدد ... لكن للحين ماحالفني الحظ

وبالنسبة للرواتب يعطون رواتب منصفه اعرف واحد من الشباب تخرج معي واشتغل بشركه ب12 الف مع البدلات.

اقتباس:

المشاركة الأصلية كتبت بواسطة مهندس خبرة والله العظيم شيء محير انا نفس وضعك دارس 6 سنين بس تخصصي هندسة مع مرتبة الشرف وما ادري هل القطاع العسكري احسها حرررام دراسة وكرف وواختبارات ومرتبة شرف وفي الاخير عسكري مثالي مثل الي درس في كلية عسكرية 3 سنين .... اما القطاع الخاص اذا صحيح راح تتوظف براتب اقل في البداية لكن كم سنة وراح ينط راتبك الى اكثر من 20 الف انا صاحبي هندسة ميكانيكة اشتغل براتب متوسط بعد ما تخرج في شركة فترة اربع سنين وصار عنده خبره وراح للشركات في اليوم الهندسي واللله حصل عرض وظيفي ب 25 الف ريال في الرياض وتوقيع عقد فووري بعد ما سوو معاه مقابلة شخصية هذي ميزة القطاع الخاص , انا العقيد الي سوى معي مقابلة في الحرس قال انا خدمتي 25 سنة وراتبي الاساسي 21 الف مع البدلات نقول 31 الف وهو خدمة 25 سنة يعني باقي له على التقاعد كم سنة وتروح علية البدلات ... بصراحة الحيره موجود لكن عليك انك تصبر وتصبر ولا تتسرع وتخصص الحاسب وظائفة حلوة خصوصا في قطاع الاتصالات الله يوفق الجميع

نفس الفكرة في بالي عن كلا القطاعين ...
وانا اخوك انا خايف افوت الفرصه واندم عليها مع ان مالي اي رغبة بالعسكرية وخصوصا ان كل الي حولي يقولون انها فرصه والف واحد يتمناها
ممكن تقولي وش صار معك ؟

والله وانا اخوك الى الان ما رسيت على شيء بس عندي احتمال كبير اكمل ماجستير