السلام عليكم ورحمة الله وبركاته

دقوا علي طاقات وابي مشورتكم بارك الله فيكم دقوا علي مره قالوا احنا من طاقات واحنا الشركه الثلاثيه عندنا وظيفه لك موظفه استقبال في مستشفى قلت لهم انا ماابغى اختلاط مر شهر تقريبا ورجعوا دقوا علي امس قالوا احنا الشركه الثلاثيه عندنا وظيفه لك كول سنتر راتبها3500 وهذا العرض الوظيفي الثاني لك ولو ترفضي الوظيفه الثالثه راح نكتب الشي هذا

انا مااعرف اي شي عن هذي الوظيفه او حتى الشركه ذي انا من جده والله يجزاه خير اللي يعرف اي شي يفيدني سواء عن الشركه او الوظيفه كول سنتر يقلي
ولو رفضتها وش ممكن يصير لي انا كنت ابي راتب اعلى بحكم اني جامعيه وهل برايكم اتوكل على الله واروح لها او لو رحت تورطت بذي الوظيفه؟

وعليكم السلام ورحمه الله وبركاته. .

عن تجربه أختي كذا مره أتصلوا عليها وكل يوم عرض وظيفي يجيها عن طريق الايميل أو اتصال بالجوال

وأنه أذا ما جيتي راح نكتب ونكتب , ترفض دايم لانها ما تناسبها
وأذا أتصلوا فيها تصرفهم .. وما صار لها شي وحافز مستمر معاها ولا قطعوه .

الله يجزاك خير مررره شكرا لان الوظيفه مو قد كذه واليوم رجعوا دقوا علي ومارديت

لاتستعجلي بالقرار شوفي كذاشخص من الي عندهم خبره مع حافز
الخوف وانا اختك تخسرين حافز ووظيفه
انا ماحطمك بس استشيري من الي عندهم تجارب عشان ماتندمي
خاصتن هما مايصدقو يلقو شي بسيط يخصمو ولا يلغو فكري واستخيري

رحت لهم قريب مالقو لي الا مصانع ولا بعد قالو لي بنستلمك ثلاث شهور لين تتوظفين وانا مالي نفس بوظايفهم عندي خطط ثانيه واخاف الشغل يأثر بمستواي الدراسي قالو بيسون مقابلات مرتين بالاسبوع وانتي اذا رحتي اقعدي تشرطي عليهم اغلب وظايفهم بائعه ومصانع ومعاهد ولا فوق كذا الراتب مو ذاك القد يبغون لغه انجليزيه عموما ماامنعك تتوظفين فيها بتسفيدين من ناحية الخبره وشوي شوي تطورين نفسك طبعا لاتعتمدين ع وظايفهم مثلا اذا توظفتي اقعدي 6 شهور متوظفه عندهم بعدين افصلي واطلبي شهادة خبره وجمعي فلوس من الوظيفه وخذي فيها دورات تدعمك لوظيفه ارقى وهكذا لين تقدرين توصلين لوظيفه حكوميه تقبلك

لاتردين(:

والله وانا اخوك طاقات دقو علي قالو لابد من حضورك فيه وظائف شاغرة

من الفرحه رحت لهم ارسلوني ع فندق وقدمت اوراقي ع الفندق
قالو نتصل عليك انتظرت اسبوع شهر محد اتصل مجرد وظائف وهمية

المهم بعدها دقو طاقات ها وش سويت قبلوك قلت محداتصل قدمت اوراقي ماشفت شي منهم

طاقات كل يوم يتصلون ساحب عليهم مارد عارف ماعندهم سالفه

زبدة الموضوع مراح يتوقف حافز ان شاء الله

لاتستعجلين استخيري والرزق من الله