السلام عليكم

انا ودي ابدأ بالزارعة في البيوت المحمية بس ماعندي خبرة فيها واجد فياليت من عنده خلفية عن اسعارها وهل هي صعبة والا سهلة مربحه او لا وكيفيه الحصول على قرض فاكون له من الشاكرين


اذا فيه احد عنده دراسة جدوى عن البيوت المحمية لزراعة طماطم او خيار او باذنجان او اي شي اخر فدلوني الله يعطيكم العافيه

اذا صار عندي منتج وين افضل مكان للبيع في الرياض هل هو في العزيزية او عتيقة او في مكان اخر وشكرا لكم

بالتوفيق
مشروعك فكرته ممتازة الله يوفقك ويسهل امرك

الله يوفقك سبق ان جربته وبصراحه انت وحظك والمشروع مكلف وانصحك تبحث عن غيره لسبب انك ماتملك خبره وايضا ماعندك ارض زراعيه خاصه بك وملكك وايضا يعتمد علي نوعيه الارض وحلاوه المياه والله يوفقك

شكرا لزرقاء اليمامة

شكرا لك عبدالمجيد الفهيد وياليت توضح لي اكثر عن المشاكل اللي مريت فيها وايضا الاسباب اللي خلتك توقف المشروع

وعليكم السلام

المشروع محتاج راس مال بمبلغ وقدره وايضاً يحتاج ارض (( ممتازه )) للزراعه

هذا رابط فيه مواضيع مفيده جدا في مجال الزراعه

https://www.btalah.com/t298774.html

الله يسهل لك دربك

اولا البيت الواحد يكلفك 12500 طول 54 م وعرض 9 م ثانيا محتاج دينه عشان تودي للبرحه تبيع انا عندي 30 بيت وعانيت من قله الاسعار كنت ابيع الخيار ب 4 للصندوق احيانا ولم اوفق بالسعر اذا انت بستاجر مزرعه جاهزه بكل شي فيها بيوت محميه وارض جيده ومياه قليله الملوحه قانا اقول توكل علي الله الخساره لو ماتوفقت بتكون قليله وانشاء الله تنجح اما موضوع انك تشتري بيوت وتحفر بير وتجيب بذر وشتلات وسماد ومبيدات فهذا لاشجعك عليه الا اذا كنت مقتدر ماديا وعندك طوله بال اغلب الناجحين هم اجانب مهندس زراعي استأجر من سعودي البيوت كامله وهو يجتهد قد اكون مخطي بكلامي لاكن حبيت اقولك وجهه نظري انا مريت قبل دخولي بالمشروع اكثر من مزرعه للبيوت المحميه بالخرج وعطوني ارباح خياليه ولقيتها عكس الواقع اذا نويت الدخول جبلك مهندس زراعي شريك معك عشان يهتم ي الانتاج

اخي في بداية الطريق

شكرا لك على الرابط حقيقة فيه فائدة

كم راس المال المتوقع اللازم لانشاء مشروع مثل هذا وهل تعرف وين احصل بيوت مستعملة نظيفة قريبة من الرياض


واذا انك خضت التجربة فاتحفنا بما لديك ولا عليك امر

اخ عبدالمجيد الفهد

الصندوف اللي كنت تبيعة ب 4 ريال كم كيلو فيه وهل هو حراج والا كيف

هل تعرف لي مهندس زراعي امين وجيد حتى لو بالنسبة زي ماتفضلت

ومعليش من وين شريت انت البيوت وهل تعرف لي من وين احصل بيوت محمية مستعلمة ونظيفة

من يعرف افضل المحلات احصل عندهم منهدسين زراعيين في الرياض وايضا وين احصل بيوت محمية مستعملة ونظيفة

نصيحه لا تتكل على شخص مهندس زراعي وغيرة .. حاول انك تفهم الشغلة !

وجهت نظري أشوف ان المشروع حق شيبان