بسم الله الرحمن الرحيم


السلام عليكم ورحمة الله وبركاتة

أنا حاليا موظفة هاتف في بنك لكن تحت شركة ووقعت عقدي مع الشركة والبنك وانا ادحرجها وادربيها ماكنت ادري ان الشركة ياخذون نصف الراتب ..

المهم الان وبعد مرور 6 شهور( تحت هالشركة طبعا هي شركة خلدا للتوظيف وياكلون نصف الراتب) ,,, وماعرفت هالشي الا من شهرين من موظفة الله يجزاها الف خير.

المهم الان انقبلت في بنك ثاني مباشرة بدون شركة لكنالمشكلة لما قرايت عقدي مع الشركة لقيت مكتوب لازم اتنازل عن راتبين في حال انسحبت وطلبت الفصل قبل سنة ..

وانا ماعندي استعداد اتنازل لهم براتبين يكفيهم اللي ازرفوه من وراي

فاياليت تنصحوني وش اسوي استلم راتبي واسحب من ثاني يوم.

أو ابلغهم انني بترك:o لكن اخاف لو بلغتهم يجمدون على راتبي ويماطلون مثل ماصار معي باول وظيفة الله لا يوفقهم يوم بلغت مديرتي انني بطلع بنك رفضت تعطيني الراتب ..

فانا قلت هلحين لايلدغ المومن من جحر مرتين ..
خلني اخذ راتبي واباشر بوظيفتي الجديدة ولعنة تلعنهم خل يتحوسون يدورون بديلة
هالدنيا أن لم تكن ذئب أكلتك الذئاب..


شكرا مسبقا لكل من ينصحني

..

بانتظار ردودكم
\
\
\
\

الاهم من ذلك

هل يوجد بالعقد انك لازم تدفعين مستحقات اذا بتنهين العقد قبل مدته ؟؟؟

لو فيه راح يمسكونك مع اليد اللي توجعك ,

واذا مافيه مالك الا الحل الثاني انك تاخذين الراتب وتتركين الجمل بما حمل ..

والله يوفقك إن شاء الله

عزيزتي ليان
لاتخافي واستقيلي منهم انا توني مستقيله منهم ومالي الا 3 شهور بس كلام الي في العقد ماعليك منهم استقيلي وخذي شهادة الخبره وباقي مستحقاتك وبالتوفيق.

كلام صحيح

وغالبا اي شركة واي بنك قبل مايوظف شخص يطلب منه إخلاء طرف من جهة عمله السابقه