السلام عليكم ..

اخواني انا جاني اتصال من شركه ان عندي مقابله لوظيفه بنكيه ب بنك الاهلي تحديدا
والمسمى الوظيفي ان ماخطيت مدري وشهو لكن فيه تأجير سيارات ..
حبيت استفسر عن كم شغله

قريت ببعض المواقع عن التوظيف بمثل هالوظايف بقطاع البنوك وحبيت استفسر
1- وش الفرق بين اني اتوظف رسمي و اني اتوظف عن طريق شركه؟
و وش الإيجابيات والسلبيات؟

2- وش فكره هذي الشركات فكره عملها وش تستفيد من توظيف الباحث عن عمل؟

قلت لواحد من الاخوان قالي ليه جيت عن طريق شركه؟ كان جيت رسمي احسنلك!
انا انلخمت طبعا ولاني فاهم وش السالفه!
3- هل بأمكاني اسحب على الشركه الوسيطه اللي بتوظف بالبنك عن طريقها واكون رسمي؟
يعني هل هو شي بيدي وعندي اختيارات ولا يا كذا يامافيه؟
وكيف الطريقه؟

4- وش طبيعه عمل تاجير السيارات بالبنوك؟
لاني مافهمته وبحثت عنه وماحصلت فكره واضحه عن طبيعه شغلي لو توفقت بإذن الله وتوظفتها

5- نصايح للمقابله "طبعا قد سبق وقدمت على وظايف واعرف المقابلات وش يصير فيها"
لكن ابي نصايح عن المقابلات بالبنوك هي نفس غيرها او يركّزون بشغلات محدده بالمتقدم للوظيفه؟



انا قبل ادخل المنتدى واكتب الموضوع كان عندي اسأله كثيره بس اختفت "تضاربت الافكار براسي"
ذكروني او اللي عنده المام كامل يسدح المعلومات او الاشياء اللي يستفسرون عنها كثيرين من اللي مقدمين على وظيفه بنك مثل حالتي

واشكركم والله يعطيكم العافيه

النجده يالربع! هيلب مي