السلام ع ـليكم ورحمة الله وبركاته
مساكم الله ب الخير
ما اخفيكم اني كل يوم افكر بـ هالموضوع
يعني لدي حلم اكون تجارة عبر النت
لكن العواق هنا كبير وكثيره
لـ درجة صار المشروع مجازفه مو محاوله
انا لدي مشروع اكون تجار عبر النت وسآئل التواصل الاجتماعي
لأن لدي مبلغ بسيط ما يتعدى 4000 ابي أبدى فيه

وهو عبآرة عن تجارة الشنط والاكسسوارات وملابس والنسآئيه والرجالية

لا اخفيكم الشيب بدى يطلع براسي
سويت كل شي عشان ابدى هالمشروع
لكن الصعاب اللي تواجهني تهد العزوم

اولاً قلت ب اصير نظامي واطلع سجل تجآري
وقعدت اسبوعين كل يوم اقدم طلب طلبين لـ حجز الاسم التجاري
والان مراكض على مع المعامله

قلت بـ هذه الاثناء اتعرف على النظام الجمركي
والحمدلله كل اموري ب السيلم
لا اتاجر بـ الممنوعات ولا اجيب مقلد ولا لي ب الدواء والغذاء

وطبعاً الرسوم الجمركية لـ اللي فوق 3000 ما عندي خلاف عليها
لكن ظل عندي مشكلة شهآدة منشأ هذا شي صعب ادربه
خصوصاُ لأن المواقع اللي بـ اتعامل معها هي عباره عن ناس تتاجر وترزق الله حالها من حالنا
يعني ما لها موقع رسمي ولا لها متجر يعني هم يعرضون ب المواقع
وحتى تعآملي بيكون مع الموقع مو مع التاجر عشان يمديني اراسله ولا اكلمه
ومدري ممنوع ولا لا اذكر اسم الموقع اللي ب اتعامل معه
بس من شروطهم ان لازم يعرض عندهم عنده اقل شي خبره سنتين
ب الاضافه إلى صناعته تكون هاي كوالتي مو شغل مش حالك مثل بعض المنتاجات الصينيه

فـ صعب اطلب من شهادة المنشأ
اللي هي شهاده لازم تصادق عليها وزارة التجارة عندهم
انه مطابقه المواصفات العالمية او السعودية

فـ كلمت ناس متخصصه ب الجمارك لقيت عن طريق النت
بعضهم يقول يقول دون 3000 تمشي وبعضهم يقول قسمها
وبعضهم يقول بـ الفاتوره تمشي

فـ لا احد اكد لي انها تمشي بدون شهاده منشأ
وحل التقسم وتخفيض السعر بـ كذا ما استفدت ب السجل التجاري حقي ب شي
ب الاضافه لـ ان شغلي مراح يتطور لأن كل اسبوع بقعد اطلب قطعه ولا قطعتين


قـ تكفون ي تجار واللي لكم خبره تسأعدون من خلال تجربتكم
هل طلبوا منكم شهآدة المنشأ هل احد قالكم ما تدخل بدون شهاده منشأ


انا خايف المبلغ اللي معي ان يضيع كذا هباء
بسبب جهلي بـ امور جمركيه او ب مزاجية موظف
وانا لا واسطه ولا معرفه عشان تمشي اموري
وان شاء الله اني ما احتاج الا مساعتدكم وخبرتكم

يعني انتم كيف تمررون بضاعتكم ومنتجاتكم ..!!
كيف تعاملون مع الجمارك ؟!
هل مندوب شركة الشحن المخلص يمديه يخلص اموري ..؟!
بحيث انه يطلب مني اذا وصلت بضاعتي سجلي التجاري ومعلومات عني..
ولا بيقعد يطلبني شهادة منشأ وتاريخ الصنع وهالسوالف اللي مدري وش فايدتها

يعني هذي البضايع المقلده ترس السوق وش فايدته الشهاده وهي مقلده

يعني انا مستغرب يعني هالمواقع لو كان عليها ملاحظات
ولا منتجاتها غير مطابقه لـ المواصفات السعودية
ليه يخلونها مفتوح ليه ما يجبونها
ليه يخلون فيها شحن مباشر لـ سعوديه عن طريقه بريدنا الوطني "واصل"
كان فكونا من هالمررره اللي مالها سنع

ادري ب تقولون تحبط عزومكـ وانت بعد ما جربت
لكن انا عندي مبلغ وب استثمر ب شيء ان شآء الله ب يحسن وضعي
وهالمشروع يعني تعبت عليه لي اكثر من 6 شهور
وانا ارتب له واصمم له لوغو وابتكر أفكار تسويق
واجمع القروش اللي ب ابدى فيها
واخر يكون العاق شي اشوف انه تعجيزي ..!!
يعني معقوله هالتاجر اللي ب اشتري بيقعد يراكض ب وزارتهم يصادق على شهادة المنشأ
عشان حضرة جنابي ادخل بضاعتي اللي شاريها منه السعودية

واقولكم ب صراحه انا 1000 طلب بـ الشهر والله تكفيني
يعني بعد ما الله يوفقني إن شآء الله وينجح مشروعي
يعني مابي اطمع وراح اجيب مثل غيري واجيب 3000 طلب ولا بضايع ب كميات كبيرة

الله يوفقك ويرزقك الرزق الواسع
راسلني على الخاص فيه فكره عندي يمكن تعجبك ان شاء الله

ماتوقع هناك مشكله اذا كان يوجد لديك فاتورة

و المنتج موجود عليه عبارة صنع في ..... MADE IN

غير كذا مافي موقع لايمكن التواصل معه جميع المواقع يوجد بها شات او كونكتن اتصل بنا عن عن طريق الايميل

ولو تسوي شي جميل غير الطلب على دفعات انك تضع عينه على الكرتون من الخارج


وابحث فالامر و لاتنسى انك راح تدفع لمصلحة الزكاه والدخل 2 و نص من الفاتوره او الفواتير نهاية كل سنه

^
الموقع تواصلت معهم
بس الموقع هو لـ العرض
يعني هو مثل المول التجاري
ف بعض المتاجر مو من نفس الدوله الموقع
ف صعب على الموقع يطلب كل تاجر اشتري منه يوفر شهاده
يمكن لو ب اشتري من متجر من نفس الدوله يوفر هالشي
وب موقعهم مافي شات وخدمة العملاء
فقط اذا كان في مشكلة ب الشحنة او المنتج او في اي ملاحظات
وبعدين هو موقع كبير ومعروف ومن وله فوق ٨ سنوات
وهالسنه فاتح الشحن مباشر لـ السعودية عن طريق البريد السعودي
فـ لو فيها حوله مشاكل او شكوك ما تعامل معه البريد

وبالنسبه لـ الزكاه
ان شاء الله ماني ناسيها بس خل ابدى ب الاول تجارة


زرقا
الله يجزاك خير ويرزق ب واسع فضله
ان شاء الله ب ارسلك اول ما يفتح معي

أنا اشتريت من موقع صيني عن طريق وسيط ومكتب سعودي بمبلغ اقل من ٣٠٠٠ شوي وكتب على التغليف صنع في الصين احتياطا واستلمتها من شركة الشحن دون عوائق

أتصور ما تحتاج تستخدم السجل التجاري اشتر على أساس انها للاستخدام الشخصي وخله يكتب على الغلاف صنع في كذا وتمشي امورك إن شاء الله

هم ما يدققون شهادة المنشأ الا للكميات الكبيرة

الكميات الكبيره
يعني قصدك
لـ اللي شحناتهم تتجاوز ١٠٠٠ قطعه لـ منتج معين

لان ب تعريف الجمارك
٣ قطع يعتبر استخدام شخصي
اربع يعتبر تجاري وعليها رسوم

وشخص اخر قال لو زدت عن ٣٠٠٠ ب ريال
راح يطلبون منك شهادة منشأ

ف ماني عارف وش هو يبون بالضبط

هل هم بيدقوون على يجيب من ١٠٠٠ قطعه وفوق
لا على المبلغ ولا على النظام


والقطع اللي ب اجيبها هي ماركات بس مو عالمية
بس معروف بالدوله اللي هم فيها
واصلاً ب الوصف حقه متجر مكتوب
صنع ب الصين
او
صنع ب كوريا
وكل متجر حاط مكان صناعته

يعني ميد ان اظنها تكفي
واصلاً السعوديه موقع اتفاقيات مع اغلب الدول انهم مايصادرون لنا الا الشي المطابق لمواصفات

من خلال بحثي عن هالمواقع
لقيت في تجارب انهم ردوا بعض المنتجات التجميل ب سبب انه ممنوع ف السعوديه
ف يعني هذا دليل انهم علئ اطلاع ب المواصفات اللي تطلبها السعودية


انا اشوف ما شاء الله تجار كثير ب الانستقرام وتويتر
يبيعون الله يرزقهم وطلب شغال عليهم
بعضهم يبيع منتجات مقلده بغض ان النظر انه راح تمنع بعد مده
بس هالتاجر جاب شهاده منشأ انها مقلده يعني ودخلها السعودية !!!!

المشكله كل ما سألت تاجر او تاجره
وتقل ماخذ شي من حلاله ولا ب اضربه ب السوق او بسرقه
يعني سؤال واضح هل هم يطلبون عليك شهادة منتج !؟
اعتقد مافيها اذا قولة اي او لا
بالعكس ان شاء الله ربي بيمد برزقك اذا عطيتني من تجربتك

وهو عبآرة عن تجارة الشنط والاكسسوارات وملابس والنسآئيه والرجالية


اخوي الله يحفظك

مبلغك بسيط

ركز على منتج واحد فقط تقدر تتميز فيه...

تجيب نفس السوق اقول لك من الان ما احد شاري منك

مابي احطمك بس ملاحظ انك مندفع بدون تركيز

موضوع ملابس تتورط مع اختيار الزبون للمقاسات والخامة.

ابتعد عنها حاليا ، نصيحة ،،

موضوع الشنط السوق مليان ماركات وصيني ولا عندك تميز ...ز

ممكن تركز على اكسسوارات ممتازة...

او تبحث عن منتج اخر..

حاول تجيب شي غير موجود

ويكون مكسبك فيه مية بالمية

واذا كانك تشوف اسعار رخيصة جدا وتظن انك راح تكسب.

راجع تفكيرك

عندك حل واحد مع مبلغك البسيط، تجيب بضايع رخيصة وتحاول تكون غير موجودة وتبيع في القرى البعيدة عن

المدن

الله يوفقك

انا حالياً ب ابدى ب الشنط
لأن السوق يطلب
واللي مخليني اركز واثق من الخطوه انه
انا مراح اجيب مثل السوق مقلد
ب جيب شنط ب تصاميم حلوهـ وايضاً اسعارها مناسبه

يعني بحثت لقيت متوسط سعر تقليد الماركه ٣٠٠ ريال
انا إن شاء الله ب اجيب شنط لا هي تقليد وبتكون اقل سعر

وهذا هو اللي انا ب اسوي ي اخ حآرث ب البداية
انا مندفع صح
لكن ي اخي لا تلومني الخطوه قدامي ولا اقدر اخطيها
يعني لدرجة ان صرت اشوف القياسات الملابس
واروح اشوف ب مايعادلها ب اسواقنا
حتى الاساور شفت الاستاندر عندنا لـ المعصم
وقارنته ب اللي برا
وحتى لدرجه بحثت بالمحافظات البعيده عن المدن
مثل الخفجي النعيريه راس تنوره وغير من محافظات الشرقيه
وحتى حطيت لي جدول عمل
لأن ب بدايتي بيكون تسليم فوري
وحتب حسبت اسعار الشحن
وقسمته على عدد القطع
يعني هالمشروع مسوي له افكار وخطط لسنه قدام ان شاء الله
ولي مده وانا افكر فيها واخطط وهي تجارة نت
شلون لو ب افتح مشروع ولا محل !!!!

اخت تخيل
انا فكرت ب بالوسيط
لكن ب كذا ما استفدت من سجلي ب شي
ب الاضافه الوسيط ممكن يكون مثل ما تفضلتي
لـ الطلبات الشخصيه

في البدايه راح ابدى ب كميات قليله
يعني ب ابدى ب
خمس الى ست شنط
ب تصاميم مختلفه
لـ كل تصميم خمس حبات
واذا الله رزقتي ان شاء الله
ب ابدى اجيب تصاميم اكثر
وب كميات اكبر لكن مراح تتجاوز ١٠ حبات


لكن بعدين شلون اطور نفسي
اذا ب كل شهر ب اعرض قطعتين ولا ثلاث وكميه ماتجاوز ثلاث حبات
يعني اكيد الزباين ب اخسرهم لاني ماني قادر انوع ولا اوفر كميات

واسف اذا نقاشي ازعج احد فيكم
لكن خيبة الامل قويه
لدرجة الان افكر الغي سجلي التجاري
اللي لي شهر وانا اركض وراه
والغي فكرة هالمشروع لأن المشاريع لأهلها وناسه

أدري كلامي واجد
لكن هو من باب الفضفضه

نا حالياً ب ابدى ب الشنط
لأن السوق يطلب
واللي مخليني اركز واثق من الخطوه انه
انا مراح اجيب مثل السوق مقلد
ب جيب شنط ب تصاميم حلوهـ وايضاً اسعارها مناسبه

يعني بحثت لقيت متوسط سعر تقليد الماركه ٣٠٠ ريال


انا حاس بحماسك والله

لكن بقولك حاجتين وقبلها كلامنا لك نصيحه ايقولون اوقات صاحب الحاجه اعمى

الاولى سالفة انك تجيب شنط عشان تنافس المقلد لو ردك غير كدا اقولك ممكن لان المقلد الناس تشتريه عشان الاسم و هذا فالبيع معروف حتى بالماركه نفسها 70 بالميه تقريبا بيع اسم وليس منتج كتكلفه

الشي الثاني انا اشوف انك دام ناوي ع هالمجال ومرتب امورك شي فكرت فيه قبل فتره ولكن وقفت

انك تشوف شركه صينيه او ماركه بدولة ما تجيب منها وتبيع هنا قد ييسر ربك الامور وتكون وكيلها
احسن من التشعب بين للماركات و المنتجات يعني بالمختصر تفرض بضاعتك بالسوق طبعا عشان تنجح 100 يلزمك تدخل السوق كماركه لكن بما انها بدايه بسيطه نقول تبدا بالتصريف و تتفاوض معهم وترتب وضعك

عموما انا الان اكتب من جوال ماقلت اللي بخاطري كله و لا بقوله الا فيس تو فيس ههههه

عاد انت فكر و استخير و توكل لكن فكر صح اعرف منافسك قبل ماتعرف اللي راح تنافسه واتمنى لك الرزق الواسع

واي خدمه تحت امرك