السلام عليكم ورحمة الله
أنا معي فكرتين لمشروع يتناسب مع مستثمرين جدد
الفكرة الأولى
شاشات LED العملاقة للاعلانات والمناسبات
هي أن تشتري شاشة عملاقة متعددة الأغراض خاصة بالاعلانات، وتكون تأجرها في الاحتفالات والمناسبات والمؤتمرات وايضاً في المهرجانات الصيفية فهي تصلح للعروض الداخلية والخارجية وهي مقاومة للحرارة والرطوبة والأمطار والحجم الي تبغاه موجود من 10 متر مربع حتى 200 متر مربع ، والدقة حسب الدراسة الأولية للمشروع هل بتاجرها وتستخدمها لعروض داخلية او خارجية. وومكن لو تقدر تطلع تصريح تخليها ثابته على عمارة او تنصبها على شارع، وتروح تجمع اعلانات من الشركات، وتعرضهم في الشاشة. طبعاً لو معاك اكثر من شاشة حيكون تفاعلهم معاك اكثر. لأنك حتضمن نشر مادة اعلانهم لأكبر عدد من المشاهدين.
اعتقد الان سعر الدقيقة بين 3000 ريال سعودي إلى 5000 ريال سعودي في الشهر الواحد للشاشه الواحدة حسب المكان وعدد الشاشات الي تملكها. وتستطيع تعمل في الشاشة الواحدة 15 مادة اعلانية يعني حتضمن لكل شركة ان الاعلان يتكرر كل ربع ساعة مرة.. ولو خليت الشاشة 18 ساعة في اليوم شغالة يعني حتضمن لهم الاعلان يتكرر فوق 80 مرة في اليوم.
عشان اكون صريح الشغل ما هو سهل يحتاج له تسويق ومتابعه للشاشات وصيانة دورية، بالاضافة إلى تحديث المواد الاعلانية حسب رغبة المشتركين معاك.
لكن الدخل زي ما قلت لك لو ضمنت 15 مشترك معاك وباقل سعر 3000 الف شهرياً حيكون الناتج 45 الف شهرياً. وكل ما كان الشارع مهم الي فيه شاشتك حيكون السعر أعلى وممكن يوصل لسعر 8000 بالشهر.
مساحة الشاشة أيضاً يعتمد على المكان وبعد المشاهد منه. لكن لو افترضنا ان اقرب مشاهد للشاشة هي مسافة 15 متر، وأبعد مشاهد 100 متر، فأفضل حجم حيكون حول 50 متر مربع والمتر المربع الواحد يطلع سعره حسب الدقة والنوع من 1000دولار إلى 3000 دولار ، التفاصيل كثيرة، وصعب الواحد يشرحها.
الفكرة الثانية
الالعاب الهوائية
تأجير الألعاب الهوائية الضخمة للحفلات والمهرجانات ويمكن أيضاً تشغيلها بشكل دائم في احد المولات، وهي الان باشكال متنوعه وباحجام صغير وكبيرة جداً.
أعتقد سعر المتر المربع الواحد يطلع بين 25 -40 دولار حسب التفاصيل الداخلية للعبة والجودة المطلوبه، وانته تستطيع تطلب اللعبة بالحجم الي تبغاه من 10 متر مربع حتى 100 متر مربع المهم انك تشوف المكان الي حينفع توضع فيه اللعبة الهوائية، كمان اقول المشروع مش سهل يبي له عاملين 2 على الاقل وسيارة للنقل وصيانة .
ولو تبي اي تفاصيل عن المشروعين انا مستعد لأننا حاليا طالب في الصين وعلى اطلاع بالشركات الافضل وصاحب خبرة سابقة .

أخوكم عبدالقوي العطاب
مسئول مبيعات الشرق الأوسط وشمال أفريقيا لشركة YES-TECH للشاشات العملاقة.
attap2013@gmail.com
TEL:006815582232004