السلام عليكم

أولا يجب أن نعرف كيف يعمل قوقل ؟

قوقل عمله الرئيسي على المحتوى ( content )

كيف تستفيد من هذه المعلومة ؟

المنطق يقول اذا كان قوقل يعمل على المحتوى يجب أن يكون في موقعك محتوى .

المحتوى المقصود هو الكتابة ، العبارة ، الجمل ، المقالات ، المدونة ..

كيف تستفيد من المحتوى في أن يصلك الباحث ؟

الان المواقع العالمية تعتمد على الصور ؟

طيب اذا كانت تعتمد على الصور اين الكتابة ؟

يجعلون مع الصورة كتابة ...

مثال : تبغى تبيع اكسسوار جوال ...

لاحظت مواقع كثيرة تسميها اسماء غبية : مثال : النمر المفترس لأن

الصورة على الجوال فيها نمر مثلا...

من بيكتب في قوقل النمر المفترس حتى يلقى اكسسوار جوال ؟

مستحيل طبعا ، ومستحيل احد يوصل اخونا الذكي اللي مسوي الاكسسوار النمر المفترس...


سمه باسمه ك اكسسوار جوال ، كفر جوال ، اي شي له علاقة مباشرة بالجوال...

او بشكل عام له علاقة بالمنتج...

ثانيا : يكون مع الصورة محتوى كتابي ...

مثالنا هنا: اكسسوار جوال...

عندما يكون الشيء محبوب اليك ، يشاركك اوقاتك وحياتك ، تنتقل به ويراه محبوك ،

عندئذ يكون التميز هو الشعار الذي يجب أن تحيا به ، وهذا الاكسسوار صنع ليوافك

ذوقك الراقي ويلبي احتياجاتك ، ويعكس تميزك ورقيك...

هنا خلقت رابطة عاطفية بين المستهلك والمنتج emotional connect >>> ارتباط عاطفي...

هذا مثال فقط ...

نأتي لأهم شكل في المحتوى :

يجب أن يكون في الموقع مدونة blog

تكتب فيها عن المنتجات التي لديك.. اهتماماتك...هواياتك...مقالات...

المهم محتوووووووووووووووى ....قوقل يعشق شي اسمه محتوى ...

وتشغل مخك في الكلمات التي تستخدمها الناس في البحث عن السلعة...

مثال : تبي تبيع شنطة يد...

تحاول تكون في موقعك كلمات مثل :

شنطة يد ن حقيبة يد ، حقيبة يدوية ، شنطة يدوية ، شنطة شياكة ، شنطة ماركة

حقيبة ماركة...

اجعل موقعك صديق لقوقل...


قوقل يعشق شيء اسمه روابط ....links

اجعل في موقعك روابط لمواضيع أو صور لها علاقة بالاشياء التي تتاجر فيها...

وانتقل أنك تجعل موقعك في مواقع خارجية...

هذه الفكرة الرئيسية ، والشرح فيها يطول...

قوقل : يحب النظافة... لا أحد يضحك

اي والله يحب النظافة...

كل ما كان موقعك سهل ، ومرتب ، والناس تصل للاشياء التي تبحث عنها بسهولة

كل ما زاد تقييم موقعك ورفعه في البحث...

ونظيف حتى في الصور...بعض المواقع اذا دخلتها كانك داخل لشقة عزوبية...

قدر طبخ فوق البطانية اللي ينام عليها ، وتلفزيون معلق بالمروحة ، وقصدير بروست

فوقه سبعين جوال شحن غدد اللي ينامون بالشقة...

الموضوع ما هو كذا يا شباب ...فاهمين غلط...

تسع وتسعين بالمية من مواقع التجارة الالكترونية عندنا بهذا الشكل بلا مبالغة...

وتلقاه يشتكي ما عندي زوار...

شي طبيعي ما عندك زوار ؟ من يحب يجلس بمكان وصخ ...

موقع فوضوي = مكان وصخ...

اجعل الصور مرتبة ، بينها مسافات...شوف مواقع عالمية وقلدها...

ولا تقلد ولا موقع من اللي عندنا...اكثرها شغل مش حالك...

وش بقى ؟

باقي كثير بس والله تعبت ، يمكن بكرة الحلقة الثانية لو فيه تشجيع وتصفيق وحماس..

ههههههه

كل عام وانتم بخير وتقبل الله منا ومنكم الصيام وصالح الاعمال

كتبته في غرة شهر رمضان 1435 هـ

رائع كالعادة

شخص مايكتب الا فائدة ولا ينتقد الا فائدة ولا يوبخ الا فائدة

اشخلنا شوي محتاجين شخلك

عاد انا على ابواب انشاء سوق الكتروني واي موضوع بهالخصوص تلقاني مرابط فيه واحلله واستنتج منه

اهم حاجه عطنا الجزء الثاني بس نبيه اعنف من الاول

كل عام وانت بخير

كلامك صحيح

الموقع النظيف المرتب يجذب

حتى بتويتر تحصل بعض الحسابات فوضوية اي شيء يغرده أو يرتوته ! ادب دين رياضة طبخ بيع شراء حتى الاخبار يرتوتها كلها من حسابات القنوات !!

اش فايدتك انت ؟ وين افكارك ؟ ما في حسابك منك الا اسمك !!

اللي يبي الاخبار بيروح لحسابات القنوات والوكالات ويتابعها !

والمواقع اذا وصلت موقع ولاحظته فوضوي او شعرت انه نسخة مكررة من غيره ادركت ان وقتي يضيع دون فائدة واغلقت الصفحة ودورت غيره

الفوضوية منفرررة تنفير الاسد للأليف

الله يجزاك خير و يوفقك.