سلام عليكم
محتاج وظيفه خارج السعوديه اشتغل في الاستقدام او تصدير .. ملينا من هـ البلد من واسطات وراتب متدنية وانظمه عمل مجحفه ......... وحافز الي اذلنا .. وطاقات الي ترشحنا في فنادق نحمل حقائب بـ1800 ريال

والي يقهر الاجنبي من معلم بروست ياخذ 5000 ريال الى موظفين في اراماكو ياخذو فوق الميه

ولد البلد ياخذ 3000 ريال وكثير عليه
حسبي الله ونعم الوكيل

قفلت اشوف رزقي في الخارج
والله الرزاق الكريم

معلومات عني .. سعودي .. العمر 27.. التعليم ثنوي

لا يا أخي أسعى ودور رزقك وانا اعرف الكثير من الشباب السعودي معهم ثانوي فقط ورواتبهم فوق ال 20 الف ريال طبعاً بوظيفة مدير أكيد لكنه بدأ بوظيفة بسيطة واكتسب خبرة لين وصل وظيفة مدير والفنادق فيها مستقبل ممتاز بس تصبر شوي وان شاء الله توصل

شوف يالطيب مع إني عاطل مثلي مثلك إلا اني اختلف معك.
فيه وظائف صحيح الرواتب متدنية نوعاً ما لكنها كويسة.
5000 ريال كبداية طيبة خصوصاً لمؤهل ثانوي، في إي مكان راح تبدأ بداية متواضعة ولكن لما تثبت وجودك وتستمر وتقدم عمل جيد صدقني راح تتطور.
انت لاتنتظر حافز ولا طاقات تجيب لك وظيفة انت بنفسك ابحث ودور الان وانت جالس في بيتك تقدر تقدم على عشرات ومئات الشركات.
انا محدثك مؤهلي ثانوي وخلال هذا الشهر بس سويت اكثر من 5 مقابلات بعض الوظائف وصل فيها الراتب الى 6000 ريال ولكن لاتقل عن 4500.
طبعاً اغلب الشركات ان لم تكن جميعهاً تبحث عن شخص يحب التطور ويطور نفسه اما بالدورات او بالخبرات.
وهذي رسالة لك حاول انك تتعلم وتأخذ دورات تخصصية لانك اكيد عارف ان الثانوي ماهو تخصص،
حاسب آلي، لغة إنجليزية او دورات سكرتارية وادخال بيانات.
بالتوفيق

على فكره معلم البروست عنده تخصص واكيد طالما انه ياخذ 5000 فهي قليلة بحقة لانه يدخل عشرات آلاف للمحل.
واللي بأرامكو وياخذ 100 و 200 الف غير المميزات الثانية حط في بالك انه شخص مؤهل جدا ومؤهله مايقل عن الدكتوراة او خبرته قوية وتخصصه اقوى.

الله يحيكم جميعاً

اخوي رايق

والله كلامه درر بس لاسف في المدينه كل شي يروح للمعارف والوسطات
ومن النادر تجد شركه تقدر المؤهلات والخدمه
اخوي فيس تو فيس
كلامك صح ... جبلي وظيفه انا مراح اكون طماع اقول لك ابغى 7 او 6 او 5
جبلي وظيفه محترمه في منشئه محترمه 4500 ريال في المدينه المنورة والقلب داعيلك

وانا اخوك مناطق المملكه مو كلها سوا
في المدينه تحديداً الله لايوفق من يدمر شباب طيبه الطيبه


واذا لقيت رزقي مخارجني في الخارج امشي ولا اجلس هنا اجوع نفسي

التفكير هذا للاسف هو اللي مضيع الشباب.
انا جامعي و لله الحمد و لغتي الانجليزية ممتازة كأهلها .
و أول وظيفة لي كانت ب 4000 و كنت مستعد اعمل بأقل.

طيب اخوي انا قلت لك وظايف الفنادق فيها مستقبل ممتاز ابدأ فيها والمدينه فيها فنادق كثيرة وصدقني اذا اثبت نفسك خلال سنه بتشوف فرق بحياتك