المشاركة الأصلية كتبت بواسطة نخيل لا تنحني

اللي يحب يتاجر في المنتجات الزراعية افضل مكان يروح له المزارع والاتفاق مع اصحابها مباشرة اما تأخذ من السوق فهذا اعلى سعر

المفروض حددت وين تقيم علشان يعرفون الاعضاء يدلونك على اقرب مكان تروح له

المشاركة الأصلية كتبت بواسطة عويشيق

الله يعطيك العافيه على مرورك


ومن ناحية وين اقيم انا ذكرت في الموضوع ان اي احد يدلني على اماكن بيع التمور بالمدينه


يعني من المدينه المنوره الله يحفظك

المشاركة الأصلية كتبت بواسطة نخيل لا تنحني

اعتذر ما انتبهت

الآن موسم الرطب روح السوق واسأل عن اسعار الرطب كل نوع وحسب الجودة على كم كأنك مشتري وسجلها في ورقة وبعدها روح المزارع واسأل عن اسعار كل نوع وسجلها في ورقة ثم قارن بين سعرها في السوق وسعرها في المزارع واللي يطلع لك بفائدة اكثر اشتر منه

لكن لازم تقرر هل تشتري مخروف وجاهز او تجيب عمال يخرفون لك وفي الحالتين يختلف السعر

مع العلم ان اغلب اصحاب المزارع يفضلون اللي يشتري المحصول من الى يعني يأخذه كامل رطب وتمر وفي هالحالة لازم تدبر عمال وربحك يكون اكبر

وبما انك مبتدئ جرب بالرطب فقط حتى تفهم السوق

تعبئة كيلو التمر في الرياض بريال واحد في مصانع التعبئة وممكن تتأثر قليلا تنزل او ترتفع حسب الكمية اللي راح تعبيها لكن اغلبهم بريال

موفق

المشاركة الأصلية كتبت بواسطة مندوب عود وبخور

الله يوفقك مشروح ناجح انشاءلله عليك بتمر الخلاص