مساء الخير..اعضاء ومشرفي ومدراء موقع حلول بطالة
كل عام وانتم بخير بمناسبة شهر رمضان المبارك!..

جميع المعلمات المتعينات اخواتنا ..نرجوا منكن افادتنا في استفساراتنا عن تقديمنا جداره
اوﻻ: كم رغبه اخترتي في جداره ( اسئلكن بالله ساعدونا )
ثانيا: من تم استبعادها بعد المطابقه من زميﻻتكن على اية اساس استبعدت
ثالثاً:هل فعﻻ اخترتن 45رغبه كامله دون نقصان
رابعاً: هل بدئتتن بالمنطقه القريبه منكن فاﻻقرب فاﻻقرب ..
سمعت قبل قليل ان جميع المعلمين اللائي اختاروا الرغبات اقل من 45 رغبه استبعدوا والسبب انهم لم يختاروا جميع الرغبات ←اعذروني ﻻاردي مامدى صحة هذا الكﻻم

شاكرة للمعلمات تفاعلهن .. واتمنى التفاعل ياستاذاتنا الغاليات

اهليين

فيه عوامل تحدد كم رغبة تحطين .. من ناحيتي حطيت 3 بس
وجتني فالثالثه
كنت مستبعده المناطق الجنوبيه من المملكة .. ويطلع قبل الاختيار جدول احتياج اشوف كم يبون وظيفه هنا وكم هنا يعني الي ماعندهم أي احتياج ماحطيتها

تبين تحطين 3 او 45 هم بيختارون حسب الاحيتاج ونقاطك.. لاتحطين شي ماعندك استعداد تروحين له
عني قريت عن المناطق الي اخترتها قبل اختارها .. مدى مناسباتها للحياة الطريق لها تووفر مطار او لا
سمعة ادارة التعليم فيها وبناء عليه استخرت واخترتها

فالمطابقة ما تستبعدين هي مجرد تطابق معلوماتك الي ادخلتيها بجداره بالواقع لو حاطه معدل خطا او كذا


ونعم اخترت مدينتي طبعا الاولى ..نفسيا كذا

اشكرك يأستاذتنا الفاضله عاى تفاعلك
لو تكرمتي كم نقاطك يالغاليه انا من وجهى نظري انهم يبدون بالنقاطهم عاليه ﻻن دائماً اللي نقاطهم عاليه يختارون قليل فتجيهم فالاماكن القريبه اما 60وتحت طبعن او ماختاروا المناطق الجبليه مراح يجيهم التعيين ﻻن المناطق الجبلية محد يبغاها ←اش راييك

مساء النور اختي
وكل عام وانتم بألف خير جميعاً

اول شيء يااختي : اذا ممكن احد يروح معاك اختاري اغلب الرغبات . واهم شيء يكونو اهلك موافقين وفيه احد مستعد يروح معاك
اذا ماكنتي تبغي تسكني مع معلمات

انا العام رتبت الرغبات الاقرب والافضل لي ، يعني حتى لو بعيده بس افضل من وحده قريبه حطيتها .
يعني اخترت مثلا مناطق الشمال قبل الجنوب مدري ليه بس احب اهل الشمال .

واذا انتي شايفه نقاطك ماهي عاليه بالنسبه لتخصصك كثري رغبات افضل

مو شرط الي مايختار مناطق كثيره مايطلع اسمه ((( حسب نقاطك )))

انا اعرف كثييييييييير اختارو بس منطقتهم وطلعو

ولاتخافي من ناحيه الاستبعاد اهم شيء معدلك صح والدرجه العلمية .

و مااعرف احد استبعدوه

وانا عن نفسي اخترت جميع الرغبات ،<< ماشاء الله ،،

والحمد الله كنت واثقه وين مايحطوني بروح ، وماراح اتردد .
يكفي انه تخصصنا دخل بآخر لحظة .

والحمد الله جاني بمنطقتي . ( بقرية تابعه للمنطقه )

اي سؤال يااختي انا حاضره اسألي

والله يوفقكم جميعاً حاسه فيكم ومريت بالهشيء لمده لاتقل عن شهرين .

انا مستعده اسكن مع معلمات ... ﻻني افضل هالشي ﻻن اهلي مايرضون يروحون لاغلب المناطق مثل الجنوب وش رايك بسكن المعلمات
تتوقعون هل ممكن اتعين بجده او الطايف او المدينه حالياً هواش مع اعلي مو راضين اختار اﻻ المناطق القريبة ونقاطي 69 ومرة متحطمه تكغون شجعوني والله يوفقكم

دخلت عشانك والله واي استفسار حبيبتي تفضلي

اعتقد اني شايفه اسمك مقدمه معنا العام صح ..؟

اول شي ياعزيزتي

الرغبات مو لازم تكون 45 ..

اول شي لازم تبدأين بالاقرب فالاقرب .. ليه ..؟

بعطيك مثال حقيقي

وحده اعرفها شكلها غلطت وغلطت الشطار ب عشر

راحت شافت الإحتياج ولقت انو ب تبوك مثلا 22 وبديرتها 5

قالت احط الأولى تبوك وديرتها بالوسطى

المهم شالوها من ارضها ل تبوك

لذالك انتِ لو نزل جدول الإحتياج لاتشوفين كم عدد احتياج فيزياء بالمناطق

رتبي الاقرب فالاقرب اليييين ابعد نقطه ممكن تروحين لها

حتى لو رغباتك الأولى ماعليها طلب فيزياء كثير حطيها الأولى

اما تجربتي

انا وضعت تقريباً 41 رغبه

واستبعدت جيزان والاحساء والحدود الشماليه ونجران ... وكذا منطقه

تعينت ياطويله العمر على الرررررررررررررررررررررررررغبه 26

شوفي كيف نزلوا تدريجيا الين حصلو لي احتياج ووضعوني فيهم

واحمد الله عليه

تم تعييني في > سراة عبيدة

طبعاً انا قبلها شاورت الوالد وهو ماتوقع قال بكيفك حطي اللي تبين بس يوم جا الجد خلص جااا يتحمل هههه

بس صراحه تجربه ماراح انساها لان لاتاخذين بكلام النت والبنات " سراة عبيدة " مدينه راقيه وكل مدارسها مباني حكوميه

لكن اللي يخليها رعب هو مناطق التهامات يعني اللي ساكنين اسفل الجبل

النزول لهم صعب والطريق مثل الهدا وهي بس منطقتين الباقي تمام

اتوجهت على منطقه عاديه جدا والحمدلله

صبرت كم شهر ورزقت بنقل خارجي على قرية تبعد عن اهلي 170 كيلو تقريبا

التوفيق من الله هو اهم امر

والتعيين اكيد هو توفيق ثم بعد الله نقاطك بجداره

كانت نقاطي 71 احتمال ضعيف لكن بعد كفايات صار التعيين لنا فرصه اكبر

اتفائلي خير ..

والبنات اللي استبعدو ماستبعدوا عبط !! لا

لان معلوماتهم غير مطابقه للوثيقه .. اذا انتِ كتبتي بياناتك صح

خصوصا مسأله الجامعه والكليه .. ومسأله تربوي وغير تربوي

يعني اذا انتِ بالوثيقه مكتوب معدلك من 100 تعتبرين خريجه كليه

اما اذا معدلك من 5 تعتبرين خريجه جااامعه ..

حتى لو مكتوب بالشهاده عقدت الجامعه .. تاكدي من المصطلح

واذا حبيتي بعدين تتاكدين استفسري ولاتقدمين الا وانتي متاكده من كل شي

وبالتوفيق وعسى الله يفرحكم هالسنه

ودعواتك

شي آخر اذا انتِ جد جد تبين الوظيفه

اختاري رغبات كثيررررره

يعني ماقول استحاله بس احتمال ضعيف تتعينين في المناطق الاساسيه

مثل الرياض جده القصيم مكه ... فل فل فل الله وكيلك

كلها معلمات سرى ونقاطهم عاليه

اذا تبين الوظيفه اجدعي روحك بمناطق مثل الجنوب

بس نصيحه لاتحطين رجال المع .. مدري طرقها موحشة وفي خوف منها

اختاري مناطق حولك وممكن بيشه لان تخصصك فيزياء يعني بيشه ماعليها

واللي تقول شوفي سمعت الاداره قبل او اشوف سمعت الإداره للمنطقه

اقول وجهه نظري // الإداره مو اساس كل شي .. ان شاء الله ززفت انا وش علي بكون مدرسه واقبض راتبي

وابن امه يسوي شي .. ورح اصبر حتى لو الاداره شينه ولاتاخذين بكلام حيادي مثل كذا

وربي يوفقك

الاخت كاريزما كفت ووفت
جزاها الله خير

كلامها صحيح حاولي تحطين كل الرغبات من اقرب شي الى 45
على اساس قرب المنطقة وتقبلك لها وليس الاحتياج لان هم بنزلوك حسب الاحتياج

بس نصيحتي تأكدي من اامناطق القريبة منك واسألي عنها وابحثي
انا مثلا في مناطق تابعة للشرقية وماحطيتها لاني ماكنت ادري انها اقرب من هجر الرياض مابحثت كويس

الشي الثاني الاستبعاد بعد المطابقة يصير في حالتين
للي بياناتها غير صحيحة يرجعو عليها اوراقها في نفس الوقت مثل المعدل او سنة التخرج

الحالة الثانية الي نقاطها ضعيفه ورغباتها قليل 3 مثلا لما يطلع التوجيه ممكن تستبعد
وهالشي صار لزميلات معي

الله يعافيكن خوات وينشد فيكن الظهر.....يمال العافيه والله
نقاطي 69 الرغبات المكانية اللي ممكن احطها الشمال كله+الغربيه+الوسطى+الشرقية ميته موت على التعيين دعواتكن لي سرا في الصﻻة ( يالله ياحبيبي انك توفق عاطله فيزياء) يآرب

كارزما واسطورة ديزاين ومدام نوفا ومتعينه عوافي تسلمون بامربيات اﻻجبال