السلام عليكم
كل عام وانتم بخير
ابسالكم يابنات العلمي بنت سجلت في الجامعه سنه تحضيريه تقول أحاول أجيب دارجه عاليه عشان تبغى طب
واذا ماجابت تبغي قسم فيزياء لانها تحبها انا مانصحتها فيها قلت شوووفي بنات العلمي سنين لهم جالسين
ادخل قسم قراءات بس ماهي راضيه
السؤال هل تنصحونها بالفيزياء انتم عندكم خبره والا مالها مستقبل والا تغير الوضع بعد احتساب نقاط قياس

اذا هي متفوقه و طموحة ليش تبينها تحصر نفسها في وزارة التربيه و التعليم ؟؟؟

تدخل طب

او تدخل تخصص تحبه

و تجيب معدل عالي و تقدم على الاعادة و من بعدها الماجستير و وظيفة محاضرة و بعدها الدكتوراه

الانسان اذا كان عنده مقدرة و طموح المفروض ما يسلك طريق فقط لان اغلب الناس اختاروه !!!

مو انتقاد بمهنة التعليم ابدا

لكن اشوف اغلب الناس خصوصا النساء معلقين على هالوظيفة !!! صح انها مناسبه جدا للمرأة السعودية و ظروفها

لكن مو كل الناس

فيه من قدراته تؤهله لما هو اعلى منها

و فيه من قدراته تجعله يستحق غيرها

فليش صرنا نلف و ندور حولها ؟؟؟

انا متخرج فيزياء تربوي ولي ثلاث سنوات مالقيت شيء ...

على العموم اذا كانت ذكيه وحابه القسم خليها تدخل وتجرب ماتدرين يمكن تصير معيده التوفيق عند الله ...

أنا دخلت الفيزياء غصب عني ولا كنت أحبه بس لما دخلت فيه أجبرت اني لابد أكمل لانه صعب من ناحيه المختبرات والمعدلات والنظريات صعب كثير ...

اهم شي هي اللي تختار القسم لانها هي اللي راح تكمل ماهو أنتم ...

انا من وجهة نظري أنها تختار القسم اللي يناسبها ....

بالتوفيق

نصيحه ﻻتدخل أقسام التدريس كلها
عندك اخصائبة تغذية واخصائيه تجميل واخصائية شعر عندك صيدلة تمريض
والله يسعدها ويوفقها يآرب نصيحه اﻻرقام خياليه اللي قاعده تنتظر التوظيف بالنسبه للحين ماحصلنا دورنا نصيحه من اﻻعماق لخريجات الثانوية العامة

ورمضان كريم

عاطلة فيزياء كم سنه لك متخرجه
بالنسبه للإخوان اللي سال اذا كانت متفوقه هي تحب الماده ومتفوقه فيها تاخذ الدرجه كامله بس انا ماابغاه تدخل مالها مستقبل كم قالت الاخت عاطله والله مشكله دخلتها علمي واحس ماستفدت

شوفي حبيبتي بقول لك قصة أختي وهي تشبه قصة أختك أو بنتك مادري ههههه
كانت أختي متفوقه ماشاء الله في الثانوي وكان الكل ينصحها تدخل طب بس هي ماسمعت كلام أحد
ودخلت التخصص اللي هي تحبه وتفوقت فيه وألحين هي ما شاء الله معيدة في الجامعه وتحضر الماجستير وان شاء الله بعدها الدكتوراه....وسلامتكم