[align=center]
لو أقدم بشهادة البكالوريوس وأنا حاصلة على الماجستير، وتعينت هل أقدر أرفع لهم شهادة الماجستير بعدين وأخذ ترقية؟؟ أو إيش رح يكون وضعي!!!

على حسب المكان الي حتقدمي عليه وعلى حسب الوظيفه مثلا وزارة التربية والتعليم في الوظائف التعليميه بعد التعيين يتم رفع خطاب للحصول على المستوى السادس بس قرات قبل فتره عن معلمين ومعلمات كثير حاصلين على الماجستير وللان ماتم رفع مستواهم للمستوى السادس وذكرو انه فيه تعميم جديد نزل بخصوص هذا الموضوع وفيه شروط كثيره للحصول على المستوى المستحق ولا اعلم هذي الشروط خاصه بالي لسى ماتعينو او للمعلمين والمعلمات الي حصلو على الشهاده اثناء العمل, اما الوظائف الاداريه في وزارة التعليم لم تحسب لهم شهادة الماجستير

وإيش الأفضل !التقديم بأي وثيقة؟
انا وزميلاتي قدمنا لاكثر من 3 سنين بالماجستير في جداره ولم نحصل على وظيفه عكس الي اتنازلو عن شهادة الماجستير وقدمو بالبكالوريوس

وهل هناك أفضلية لحملة الماجستير في جدارة؟ أم أن الموضوع كله على حسب النقاط؟؟

مافي اي افضليه لا لدراسات عليا ولا لخبره ولا لدورات الافضليه تحددها سنة تخرجك وتقديرك واجتيازك لكفايات المعلمين العام والتخصص اي تخصص البكالوريوس

بصراحة محتارة ماأدري الأفضل وين؟ وماني عارفة أسأل مين؟ مافيه أنظمة ولوائح؟

كلنا محتارين نقدم بشهاده اقل من الحاصلين عليها وتعب السنين والسهر كله نتنازل عنه عشان نحصل على وظيفه او ننتظر سنوات اكثر من السنوات الي مرت عشان نلاقي وظائف مناسبه ,, ربنا يلهمنا الصواب

ردوا علي الله يرضى عليكم، ويبلغكم ليلة القدر

ويبلغك يارب ماتتمنين ,, دعواتك[/align]

الله يرضى عليك يا حبيبتي
ما قصرت والله
محبطة جدا من هذا الحال، وكمان متخبطة!!
السنة هذي غيرت مؤهلي في جدارة مرتين!!
قدمت بمؤهل الماجستير وبعدين غيرته للبكالريوس.
مافيه أنظمة أو لوائح توضح اللي لنا واللي علينا، حتى الواحد يكون عارف ايش يسوي.

تعبنا وجهادنا وسهرنا وطاقاتنا اللي استنزفت في الدراسة كل هذاماله قيمة في وزارة الخدمة المدنية!!
لا حول ولا قوة إلا بالله
ربي لا يحرمك أجر إفادتي ويا بختك بالدعوات اللي خرجت من صميم قلبي

يارب لطفك وتيسيرك.

طيب لو التقديم في جدارة من البداية بمؤهل الماجستير، هل راح نتلافى الصعوبات والشروط.
بمعنى آخر لو قدمت بمؤهل الماجستير هل أكون على المرتبة السادسة!!
أم أن الموضوع طويل!

اذا حاصله ع ماجستير في الاداره فبعد كل فتره تنزل وظائف من وزارة الخدمه او وزارة العمل اما اذا تخصصك تربوي فماشفت ولا وظيفه نزلت لحملة الماجستير على مدار ٣ او ٤ سنوات. الوظائف لحملة الماجستير نادره جداً، ابحثي عن قروبات لعاطلين من حملة الدراسات العليا في تويتر والفيس بوك حتلاقي كثير يشاركونا نفس المعاناه، قبل كم سنه كنا ٣ الاف عاطل وعاطله والان مااعرف كم صار العدد، عارفه انه احبطتك بس هذا الوقع وندعو الله بانه يتغير في القريب العاجل،، وجزاك الله خير ع الدعوات ولكِ مثلها ان شاء الله

نعم تخصصي تربوي إسلامي وتخرجت السنة هذي، فقدمت في جدارة في البداية بالماجستير، معلمة يعني.
لكن بعد فترة غيرت المؤهل وخليته بكالوريوس!!
ما كنت اعرف بصراحة إن حملة الماجستير تنزل لهم وظائف خاصة فيهم بوزارة الخدمة.
تعبتك معي أسعدك الله.

ادا تبين معلمه مايصير تقدمين بالماجستير لازم بالبكالوريوس واذا قبلوك ممكن بعدها يرقونك لان معك ماجستير