السلام عليكم ورحمة الله وبركاته
.
.
.

اعتبروها فضفضه والي عنده مساعده يقولها والي يبي يضحك علي يضحك الله يحلله ويبيحه
أنا دوم الدوم افكر واخطط واحلل واعور راسي ..
متخرجه بكالوريوس وفي انتظار قبول الماجستير ..
الزبده اني ماحب اخذ من احد ريال ومتوهقه بعمري توهيقتن قشرا
.
.
نزلت قبل فترة موضوع اني ابي اجمع 10 الاف لشهر 10 لظروف خاااااااااااصه جدا
والاخوان والله ماقصرو ابد كلن حط فكره والي ساعد والي اقترح والي والي ربي يرزقهم يارب ..
ساعدني احد الإخوان في اني اجيب اكسسوارات من الصين وأتاجر فيها ( والفكرة فكرتي يعني كنت فعلا ابي اتاجر مثل هالحريم الي بالانستقرام )
وتوصلني الأغراض وأنبسسسسسسسسسسسسسسط
واقول خلاص بتطيح الفلوس علي من السمآ
واسوي لي حساب بالانستقرام وانزل صور للبضاعه من تصويري الشخصي
واجيب لي رقم ثاني للتواصل مع الزباين واتفق مع واحد يوصل طلبيات ..
ونزلتها ..
يوم
يومين
اسبوع
اسبوعين

لا حس ولا خبر محد طلبني شي ومحد اضافني الا يمكن 10 اشخاص ومحد عبرني اصلا
قلت خلاص بعلم فيها العيله وعلمتهم ومحد اخذ شي
وش اسوي بها ..!!

اسعاري الي حطيتها عاديه من 15 - 50 ريال مافيه شي زود ابد
علموني الحين وش اسوي فيها يا ان هالكيس الي بغرفتي كنه ( فوق راسي )
كل ماشفته حسيت بخنقه اللهم ياكافي ..
.
.
هذي صور من الاكسسوارات حقتي والي أنا مصورتها بنفسي
.
http://im53.gulfup.com/vYaku8.jpg
http://im53.gulfup.com/eT2QTO.jpg
http://im53.gulfup.com/Pe81Q8.jpg
.
.
وطبعا فيه أنواع ثانيه هذي بعضها بس ..
شسمه / واسوني لو سمحتو المواساه أحتاجها هاللحظه

وعليكم السلام

مرحبا ملاذي ..
اصبري يا عزيزتي وعطي الموضوع سنة كاملة .... انا بعلق بخصوص ناحيتين
من ناحية القطع المباعة ومن ناحيتك انتي ...
القطع المباعة بصراحة ما احسها اخر صرعات الموضة بالاكسسوار يعني صحيح ستايله vintage بس ماهو الدارج عزيزتي اساسا قبل لا تطلبين شوفي ايش نازل بالسوق فرضا الحين صيف فطبيعي بتنزل اكسسوارات وبالوان كلها حيوية لانه صيف .. فالناس تبتعد عن هالنوعية من الاكسسوارات وتدور الفسفوريات والالوان وحاليا دارجة الاحجار الكريمة والخرز وغيره

الناحية الثانية انتي ... اكرفي على موضوع التسوييييييييق اشتغلي هاش تاقات كثييييرة بيسيهات الى مالا نهاية ..

وبتلقين لك ناس طبيعي بس الموضوع ممكن يطول معاك ...
بعد انا ملاحظة شي قبل فترة قريت في كتاب انه الناس باوقات ما تهتم للمنتج نفسه تهتم بالعاطفة المرتبطة بالمنتج .. سواء العاطفة كانت من صاحب البزنس او من المنتج نفسه
العاطفة المتولدة من صاحب البزنس
يعني مثلا انا اشتريت قطعة اكسسوار من محل صناعة يدوية ...بتقولين محل عادي بس بيقولون لك مثلا اللي سوت المحل بنت ناضلت وكانت فقيرة وشقت طريقها والخ .... فحسيتي بالكفاح ...وتفاعلتي عاطفيا واشتريتي
.. فانتي لازم توضحين للناس وخاصة اللي حولك انك مكافحة وعندك طموح وحسسيهم بحماسك .. مو انك تقولين ( انا عندي بزنس ... وتقولين بثقة مهزوزة او كانه الموضوع سالفة والسلام ) قولي ( انا عندي بزنس .. وطموحي كذا وكذا وان شاء الله واوصل وانتم اهلي ادعموني قدر الامكان وقوليها باسلوب فخر مو ترجي )

العاطفة المتولدة من المنتج نفسه
اذا جيتي تعرضين منتج لا تخلين الجو تجاري بحت وكانك تعرضين بسوبر مارك وتاق السعر اكبر من المنتج نفسه بيحسونك طماعة
بس مثلا لا عرضتي المنتج تفلسفي عن جودة المنتج وانه مثلا مستوحاة من العصر الفلاني يعني اصنعي شي عاطفي متعلق بالمنتج عشان الناس تشتري ... مثل الحين العطور الفرنسية دايم بالدعايات تجيك بنت جميلة ناعمة قمة الانوثة والرومنسية تتعطر فيه وهي كل عاطفتها حب لنفسها ... البنات يتحمسون لان حسوا ان هالعطر بيكمل انوثتهم ونعومتهم ويسعدهم عاطفيا ....

مثلا تجيك تاجرة تبيع ملابس وفيها طابع مغربي تتفلسف لك عن ثقافة اللبس بالمغرب وجودة القماش اللي جايبينه من منطقة نادرة والاكسسوار المركب من سوارفسكي وانه وانه وانه تفاصيل كثيرة توصل البنت لمرحلة تحس بندرة القطعة وتهجم عليه ...

انا ما انصحك مثلا تبالغين بالوصف للمنتج بس عطيه قيمته مو بس ترمينه وسعره كذا .. اكتبي تفاصيل عنه .. وايش ممكن يناسب من ستايلات ...
تميزي باسلوبك الدعائي لان اغلب اللي نجحوا بانستقرام لهم طابع وانا اقصد اللي نجحوا نجاح كبير ...


الخلاصة حبيبتي ثقلت عليك بالكلام وضربت بالعميق ..
بس ان شاء الله يكون اللي اقصده واضح ولي عودة ان شاء الله
وانا ايضا لي موضوع فضفضه عن بزنسي وكيفية تطويره

بالتوفيق

ينقل الى قسم البيع والشراء

ممم
اولا نفس كلام الاخت الصبر حبيبتي ممكن تستنين شهر شهرين يالله يجيك الزبون
كله رزق من الله
اهم شي اشتغلي تسويق سوقي لنفسك قد ماتقدرين وبطريقه حلوه وجذابه
بالنسبه لبضاعتك كل شخص وذوقه لكن غالبا البنات بيمشون ع الموضه والدارج
بالنسبه للخيارات المطروحه لك اصبري وقوي نفسك بالاعلانات
او فكري تبيعين بضاعتك بالجمله وبسعر معقول
بالتوفيق لك وللجميع
..~

اصبري وانا خيك الحريم كلن مشغولات في مطابخهم مهوب يم الشراء عطي نفسك فرصه شوي وتحلي بالصبر والاشياء الجميله لو جت متأخره لها لذه
لاتستعجلين ذالحين شهر رمضان والكل لاهي وربي يفتحها بوجهك ويوزول خنقتك وضيقتك وضيقة كل مسلم ويفرجها على المسلمين عامه ..

وعليكم السلام ورحمة الله وبركاته

الصبر طيب اصبري وان شاء الله بتصيري اكبر تاجرة بالعيلة
الموضوع يبي له
تسسويق ... في بعض التاجرات يسون نشر او تبادل حسابات دوري عليهم وانشري حسابك
كوني على الاطلاع بالحسابات اللي تبيع اكسسوارات
خلي مكسبك رمزي في البداية
سعر التوصيل لايكون مبالغ فيه بالكثير 30 ريال كحد اقصى
افضل لو تضيفي او تتجهي للمكياج والمرطبات وخلافه منتجات تكون معروفه ...تشتريها الزبونة من دون خوف ان الخامه تطلع مو كويسه او اللون في الواقع مختلف عن الصورة مثل الاكسسوار

اتمنى اكون افدتك
وحاضر لاي استفسار عن المنتجات

ماشاء الله تبارك الله ماقصروا معاك
معماريةداخلية
كفيتي وووفيني
وحطي في بالك في التجارة أنك تبا تخسرين مثل ماأنك تبا تربحين
لكن أنا أقولك والله النشر والتسويق له دور لو انه بس كلام بدون صور
أدهري في منتديات الحريم والبنات وتويتر ماشاء الله تبارك الله يكفي هو والإستقرام
دوري قروبات تاجرات تجمع بنات دوري تجمع بنات جامعة تضمنين السلعه تمشي
يدرسون مثلاً
كذا وضيفي حسابتهم وكبري أول شيء حسابك أنتي خلي متابعينك واجد
بعد كذا إي شيء تغردين فيه يحسونه مهم وييصيرون هم اللي ينتظرون وش جديدك ويسألون عنك
ومثل ماقالت الأخت حطي كلام حلو ومرتب مع كل حلق مادري سلسال أنا بنت بس مااحب أبيع واشتري
في الإكسسوارات ولاأحب حقيقه التسويق عنها أحب الأخبار والأحداث والقضايا وغير مجال وشيء عمومي اللي كذا أشتغلت فيه
كنشر وتسويق لحساب وحده من البنات يمكن شهر 6 العام
والله أني أقعد يوم كامل افتح اللاب توب والزوار يمكن 2 3
الحين ماشاء الله وصلوا فوق 10 آلاف بس معي قروب ثاني بس كنت عضوه فعاله ماني شينه
لكن شدي حيلك أنتي وأصبري وبإذن الله بإذن الله بتشوفين ثمره هذا الشيء

وسوي عروض يعني مثلا لاجاء العيد أو قربت مناسبة سوي عرض
قولي لفتره محدودة وصلت تشكيلة جديدة وكذا كذا
أو قولي الآن أشتري 2 وأحصل على واحد مجانا وحطي إي شيء
يمكن أنا وأنتي نشوفه شيء عادي ويضحك وبعضهم يباه يجيك يعدي
هههههههه ياربي أستغفر الله بس صدق الحين ماعاد يمشي
إكسسوار للبيع أو كذا ماأحد يجيك
أما تفرجي وألحقي وتعالي هذا اللي تنفع مع البنات والحريم

لازم وضروري يكون فيه تسويق اول شي تروحين للي حساباتهم فوق الالف وتطلبين منهم ينشرون حسابك
وكذا لحد مايضيفونك وانتي ضيفي وبكذا يبدأ البيع والتجاره ربح وخساره اللي بيصبر على الخساره بيربح في النهاية والله يوفقك

مرره ححلوين
بس انا انصحك , لاتطلبينها لين هم يطلبونها
يعني حطي صور في الاستقرام من الصور الي بالموقع
واذا قالو نبغى هذا .. انتي اطلبيه لهم < اغلب التاجرات كذا يسووون وياخذون عاد زياده

مو لازم من تصويرك الشخصي عشان ماتتوهقين فيهم

و .. ممكن أسم حسابك ع الاستقرام ؟ يمكن اطلب
منهم ^^