15-07-2014, 07:13 AM
|
 |
عضو نشيط
|
|
تاريخ التسجيل: Jan 2014
المشاركات: 125
معدل تقييم المستوى: 23
|
|
اقتباس:
المشاركة الأصلية كتبت بواسطة معماريةداخلية
وعليكم السلام
مرحبا ملاذي ..
اصبري يا عزيزتي وعطي الموضوع سنة كاملة .... انا بعلق بخصوص ناحيتين
من ناحية القطع المباعة ومن ناحيتك انتي ...
القطع المباعة بصراحة ما احسها اخر صرعات الموضة بالاكسسوار يعني صحيح ستايله vintage بس ماهو الدارج عزيزتي اساسا قبل لا تطلبين شوفي ايش نازل بالسوق فرضا الحين صيف فطبيعي بتنزل اكسسوارات وبالوان كلها حيوية لانه صيف .. فالناس تبتعد عن هالنوعية من الاكسسوارات وتدور الفسفوريات والالوان وحاليا دارجة الاحجار الكريمة والخرز وغيره
الناحية الثانية انتي ... اكرفي على موضوع التسوييييييييق اشتغلي هاش تاقات كثييييرة بيسيهات الى مالا نهاية ..
وبتلقين لك ناس طبيعي بس الموضوع ممكن يطول معاك ...
بعد انا ملاحظة شي قبل فترة قريت في كتاب انه الناس باوقات ما تهتم للمنتج نفسه تهتم بالعاطفة المرتبطة بالمنتج .. سواء العاطفة كانت من صاحب البزنس او من المنتج نفسه
العاطفة المتولدة من صاحب البزنس
يعني مثلا انا اشتريت قطعة اكسسوار من محل صناعة يدوية ...بتقولين محل عادي بس بيقولون لك مثلا اللي سوت المحل بنت ناضلت وكانت فقيرة وشقت طريقها والخ .... فحسيتي بالكفاح ...وتفاعلتي عاطفيا واشتريتي
.. فانتي لازم توضحين للناس وخاصة اللي حولك انك مكافحة وعندك طموح وحسسيهم بحماسك .. مو انك تقولين ( انا عندي بزنس ... وتقولين بثقة مهزوزة او كانه الموضوع سالفة والسلام ) قولي ( انا عندي بزنس .. وطموحي كذا وكذا وان شاء الله واوصل وانتم اهلي ادعموني قدر الامكان وقوليها باسلوب فخر مو ترجي )
العاطفة المتولدة من المنتج نفسه
اذا جيتي تعرضين منتج لا تخلين الجو تجاري بحت وكانك تعرضين بسوبر مارك وتاق السعر اكبر من المنتج نفسه بيحسونك طماعة
بس مثلا لا عرضتي المنتج تفلسفي عن جودة المنتج وانه مثلا مستوحاة من العصر الفلاني يعني اصنعي شي عاطفي متعلق بالمنتج عشان الناس تشتري ... مثل الحين العطور الفرنسية دايم بالدعايات تجيك بنت جميلة ناعمة قمة الانوثة والرومنسية تتعطر فيه وهي كل عاطفتها حب لنفسها ... البنات يتحمسون لان حسوا ان هالعطر بيكمل انوثتهم ونعومتهم ويسعدهم عاطفيا ....
مثلا تجيك تاجرة تبيع ملابس وفيها طابع مغربي تتفلسف لك عن ثقافة اللبس بالمغرب وجودة القماش اللي جايبينه من منطقة نادرة والاكسسوار المركب من سوارفسكي وانه وانه وانه تفاصيل كثيرة توصل البنت لمرحلة تحس بندرة القطعة وتهجم عليه ...
انا ما انصحك مثلا تبالغين بالوصف للمنتج بس عطيه قيمته مو بس ترمينه وسعره كذا .. اكتبي تفاصيل عنه .. وايش ممكن يناسب من ستايلات ...
تميزي باسلوبك الدعائي لان اغلب اللي نجحوا بانستقرام لهم طابع وانا اقصد اللي نجحوا نجاح كبير ...
الخلاصة حبيبتي ثقلت عليك بالكلام وضربت بالعميق ..
بس ان شاء الله يكون اللي اقصده واضح ولي عودة ان شاء الله
وانا ايضا لي موضوع فضفضه عن بزنسي وكيفية تطويره
بالتوفيق
|
ياقلبي انتي كلامك درر والله وعين العقل ..
لكن انتي تكلمتي عن مشروع كامل مدى الحياه .. أنا مو حابه أتاجر هالشي مو من ميولي
عندي مقومات لهالشي أدري والي نجحو مو أحسن مني ..
لكن شي ما أستهويه أصلا ..
مجرد إني ( كنت أحسب إنه ممتع وإنه سهل وإنه هوايه عجبتني ) لكن بمجرد ماجربته
طلع كل شي عكس ماحبيته مابيه 
الشي الي قلتيه كله صح والله صح
لكن ما أقدر عليه .. أنا مشكلتي بديت بشي صغير وعلى قدي زي مايقولون ومسرع ما جتني كآبه إنه مانجح 
.
.
ألف شكر على كلامك الحلو واسلوبك الاحلى
واسفه لأن ذوقي طلع شين بإختيار الإكسسوارات 
|
وطلعت خرطي ( ماعرفت أصير تاجره ) :(
العرض المتطور
