السلام عليكم ورحمة الله وبركاته

يا شباب انا اسمي طلع في وظيفة جندي في كلية الملك فهد الامنية والحمد لله

حاب استفسر عن طريقة التعيين هل هوو في الكلية والا لا
وكيف الرواتب ومدة الدورة

اللي يعرف يفيدنا الله يوفقه المقابلة يوم الاحد ..

ولكم جزيل الشكر

[align=center]وانا كمان طلع اسمي وجاني قبول مبدئي وموعدي الأحد
يقولون لها اكثر من سنوات مافتحوا التسجيل على رتبة جندي
اللي يعرف التعيين وين والراتب كيف يفيدنا بارك الله فيكم تكففوون ؟؟
[/align]

اللي يسال عن التعيين راح يكون بالرياض يعني اللي من بره الرياض راح تعيش علي طول فيها وانسي النقل الا اذا فيه طريقة تنقل الي دائرة ثانيه بعد التعيين لزوم تسالو بخصوص هالنقطة
والتعيين بنفس الكلية اما الراوتب راح توصل ٦٠٠٠

[align=center]
انا بعد طلع اسمي في القبول الطول والوزن
ياليت حد يفيدنا عن مدة الدورة واتخرج على أي رتبة
[/align]

التخرج علي رتبة جندي اما مدة الدورة اتوقع بين ٦ الي ٩ شهور

[align=center]
طيب الراتب كم ؟؟
[/align]

تعيينكم في الكليه ، ويختارون منكم مدربين يرسلونهم لخميس مشيط دورة مشاة وغيره من الدورات بالتوفيق ان شاء الله

وعليكم السلام ورحمة الله وبركاته
تعيينكم راح يكون في الكلية الأمنية بعد تخرجكم من الدورة
الدورة مدتها 3 أشهر و 20 يوم ممكن تنقص وتصير 3 اشهر فقط حسب الظروف التدريبية ومهمة الحج للكلية
التعيينات راح يوزعونكم حسب شهاداتكم وحسب التعهد الي راح توقعون عليه قبل لا تدخلون الدورة عند القبول النهائي
منكم شرطة عسكرية ومنكم راح يكون إداري في مكتب وعلى حاسب ومنكم راح يكون موسيقى
الي راح يتعين بالموسيقى بعد تخرجه من الدورة بالكلية ممكن يرتاح فتره ويرسلونه دورة في الحرس الوطني لمدة سنتين يتعلم على الموسيقى بعدها يرجع يداوم في الكلية الأمنيه
بالعموم الكلية راحه وعملها ممتاز جدآ
الرواتب أنت وشطارتك أول ما تتعين ممكن توصل إذا بحاسب 6000 ريال بدون حاسب ممكن 5350
راتب الشرطة العسكرية ممكن يوصل 6500 أو ممكن أكثر
الراتب ممكن أنت بشطارتك وجهدك أنك تعدله بالاصناف والدورات التي تقام بالكلية ويوصل خلال سنه إذا كنت مجتهد 7000 ريال
أي سوال أنا حاضر

ألف مبروك لمن أنقبل بالتوفيق إن شاء الله بعطيكم إلى عندي ..
التعيينات كلها بالكليه ودوامك أيضا بيكون بالكليه يعني تطمنو من هالناحيه
الي ساكن بالرياض هذا مبسوط لأنه بالرياض ومستحيل ينقل الا من برى الرياض الله
يعينه لا يحلم بالنقل لأنه مستحيل أصلا
التخصصات بتكون كالتالي ...
شرطه عسكريه .. مدربين في الكليه .. موسيقين .. وأيضا عسكر في إدارات الكليه
موزعين على الإدارات مراسلين أو فنيين او ناسخين آله او في الصادر والوارد
وفي التموين وفي مطبعة الكليه وفي المركز الإعلامي وفي الصيانه
أو مدرسين أو مشغلين حاسب يعني من هالقبيل

طبعا الشرطه العسكريه معروف عملهم تبع الأمن والحمايه حراسات بوابات وخفارات
حماية شخصيات وحمايه مواقع وأمن وسلامه ودوريات في الكليه بإختصار أمن وحمايه

مدربين في الكليه طبع هي تخصصات فيه تدريب مشاه وفيه تدريب حواجز وفيه تدريب
رمايه وفيه تدريب أسلحه وفيه تدريب كراتيه وفنون قتال وفيه مدربين رياضه

طبعا المشاه بالنسبه لي أنا قلق وبتكون دورتها في مدرسة سلاح المشاه بخميس مشيط 3
شهور و الرمايه والأسلحه والحواجز بتكون دورتها في الطائف أتوقع ماني متاكد بمدرسة الإستخباراتأيضا 3 شهور إلى 6 شهور

الموسيقى هذولي مريحين 5 شهور تقريبا في السنه ماعندهم شي والظغط عليهم فترة بس البروفات وحفل تخرج الطلاب ودوامهم أيضا اذا كان فيه حصص مشاه للطلاب يحضرون
يعزفون وأحيان مايحضرون و عندهم دوره بعد الفرد الأساسي تقريب لمدة سنه أو سنتين في المعهد الموسيقي للحرس الوطني أو معهد وزاره الدفاع تتعلم فيها الموسيقى بانوعاها وتدرس موسيقى عاد هالتخصص فله لراعي الطرب والوناسه طبعا

طبعا البقيه بيوزعونهم على الإدارت وبعيطونهم دورات بسيطه إداريه في مجال عمله

بالنسبه للدوره بتكون 3 شهور إلى 4 شهور وبعدها تخرج وبيوزعونكم على التخصصات
الا قلتها يمكن تكون إختياريه أو إجباريه لكم الدوره بيدربونكم أخوياكم الا بتشتغلون معم يعني ظبطو وضعكم وأموركم بتتيسير السكن من أفضل مايكون
وغرف نظيفه جدا والميز شي شي شي روعه
كل مالذ وطاب فيه موجود والوجبه ماتكرر الا في الاسبوع مره والرواتب زينه من 7 آلاف
وفوق بالتـــــوفيق للجميع وأي سؤال حاضرين للطيبين