هههههههههه وش حارق اعصابكم ..لو مو شايفين انكم مقصرين ما صار هذالمسسل اكره مسلسل عندكم

الاتراك تعودنا انهم عرب مسلمين فناظر للمسلسل كيف تعامل العرب الاخرين مع المرأة لا الى الابطال نفسهم هذا بمنظور نساء السعوديه اللي يتابعون هالمسلسلين
وهالمسلسل اروى الجانب المفقود لدى النساء فصار مفعوله كالسحر كل وحده تبي رجلها يعاملها مثل مهند وتبي يحبها مثل يحيى.....بعدين لحد يقول تحمل بالحرام واخوها يدري ومدري ايش....نسينا الافلام والمسلسلات المصريه اشوف منتقدتوها؟؟؟؟؟؟؟؟


صدقوني لو طلع مسلسل مصري او لبناني او غيره بس نفس القصه بيصير نفس الاعجاب....لا احد ينكر هذا كلنا على نار ننتظر مسلسل باب الحارة السوري لانه يلامس واقعنا وبنفس الوقت نشوف به الجانب الرومانسيه والجميع يحرص على متابعة الجزء الاول والثاني ومتشوقين للجزء الثالث فما يفرق عنه مسلسل نور او لميس لو تابعناه لانه يحكي عن جانب مفقود بس موجود لكن اغلب الرجال يتجاهلونه بانه شي غير ضروري

بالنسبه لي نور ومهند تعجبني به حركات تقدير الرجل للانثى لزعلت او صارت تعبانه شي يرثى له عندنا بالسعوديه الانثى تعامل كانها مملوكه لدى الرجل اداة بالاصح لتنفيس غضب الرجل عليها..ما تعرف الوحده الرومنسيه الا بالعلاقه الحميمه بينها وبين زوجها يطلع الجانب الرومنسي لدى الرجل...وش الفايده الوحده احيانا تكون ما تحب العلاقه الحميميه لكن تحب العلاقه الرومانسيه اكثر...بس لو هالرجال يثقفون نفسهم اشوي ويتعلمون منهم

بخصوص لميس اه يا لميس كل ما شفت هالمسلسل الا دموعي اربع اربع....الانثى تبحث بالرجل لتزوجته عن الزوج المحب لذاتها مهما كانت عيوبها ودها يلتمس الجانب الحسن بها مو يركز بس على الجانب السيء وينسى الجانب الحلو ويحكي عن التضحية المراه دائما بداخلها انثى مراهقه مهما كبرت في السن او صغرت تبحث عن الرجل الذي يحبها ويضحي من اجلها فيحيى مهما بدر من لميس ما كرها لا زال يحبها وكذلك لميس....رجال هاليوم متذمرين ما تملي عينهم الوحده..بدل ما يضحي يغدر

بالتوفيق

بس عاد مو تركزون على لميس ونور ونسيتو ايام المسلسلات المكسيكيه قوذالوبي وطقتها انواع الانحراف بالمسلسل ولا احد انتقدهم

لا حول ولاقوة الى بالله