تم قبولي برتبة جندي موعدي 9/9 جتني رساله على الفطور قبل شوي ..... اسؤال هل هم ينقصون من الطول يعني ينقصون سانتي او اثنين سانتي .... انا درتي تبعد عن الرياض 950 كيلو مودي اروح الا وانا متأكد تعرفون صيف وخطوط واخطار وهجوله بخطوط حائل المشكله اني ورا حائل حائل يبعد عني 200 كيلو

تقبل الله منا ومنكم صالح العمال

والله وانا اخوك انصحك تروح واستخير قبل لا تمشي
ما تدري ممكن يكون نصيبك فيها لازم تسعى والله بيده التوفيق

الله يكتبلك الي فيه الخير

الطول المطلوب > 168 <
اذا انت طولك ناقص نصيحة نصيحة لا تروح وتعب نفسك والله مراح يمشونك الا بالواسطة
وها الكلام خذة من شخص خبير في التقديمات العسكرية
معروفة كل قطاعات وزارة الداخلية تطلب الطول 168 والكلية تبع الداخلية
الحرس الوطني والجيش يطلبون 165 ماهم شديدن بالطول مثل الداخلية

طولك اقل من 168 لا تعب حالك

انا من حائل وشخصياً ما أنصحك فيها لعدة أسبااب أبرزها:ـ

1ـ أفضل تخصص بالكلية هو شرطة عسكرية وأنت يا رجل ما تضمن أنك بتحصل هالتخصص بالدورة..
يعني لو حطوك مثلا جندي موسيقي بترضى فيها مثلاً..يوزعون التخصصات على الطلبة أثناء الدورة
وما تقدر تعترض أو تتكلم معهم لو كلمة وحده!!

2ـ أعلى راتب فيها هي شرطة عسكرية 6500 الى 6800 ريال ومثل ما قلتلك ما تضمن هالتخصص
وبقية التخصصات ما توصل 6500.. ((( ما أعرف إذا فيها جندي كاتب أو لا للمعلومية )))..

3ـ بتجلس طول عمرك بالرياض لأن الكلية مستحيل تنقل عن العاصمة وأنت مستحيل تلقى دقيش!!

رح للرياض للحرس الوطني مبنى التجنيد 21 وجب شهادة الثانوية معك وكلم ضابط برتبة نقيب هناك
أو ضابط برتبة مقدم مطوع متين شوي وكلمهم عن وضعك وأنشبلهم وإن شاء الله ما راح يقصرون ولو إضطريت
تكتب معروض لنائب وزير الحرس مو مشكلة رح للوزارة جنبهم وأكتب معروض..كلها ورقة وقلم وأنت وأسلوبك!!

أتمنى تكون مقدم معنا بالقوات الجوية..الجوية سهل النقل فيها للرعيلة أو مطار حائل والحرس الوطني سنة
وتقدر تنقل فيها بس الكلية الأمنية بتعيش بالرياض طول خدمتك فيها..هذا رأيي الشخصي وأنت كيفك!!
فاالك التوفيق والوظيفة..آآآمين

سبحان الله وبحمدة سبحان الله العظيم

الموضوع قديم ايش الغرض منه