السلام عليكم صراحه مستغربه كيف يرفعون ضمان اجتماعي لهم واحنا لا وعطونهم عشره واحنا لا وش فرق بينا وبينهم في ناس محتاجه حرام عليكم شوفوا لنا حل مع هالفلوس وكل شيء صاروا يدبلونه وبرمضان دبل دبلين الله يعافيكم سعادونا في ناس محتاجه

والله يااختي معاك حق بس وش نقول غير مالكم الا الدعاء الله يرزقكم قسم بالله اني ادري فيه ناس يمكن محتاجه فعلا بس ماقول غير الله يرزقكم من واسع فضله يارب

الله يكون في العون


أن شاء الله خير وأمين أنهم يصرفون للجميـع ( وبالله التوفيق )

مع اني استلم من الاثنين بحكم اني معاقه لكن

الحقيقه تقال ان اراء اصحاب التأهيل الشامل احق بزيادات وبرواتب محترمه وغيرها من البرامج لان

اصحاب الضمان مو كلهم فقراء حتى بنت الاغنياء اذا تطلقت تستلم من الضمان وحتى لو كانوا اصحاب الضمان فقراء بأمكانهم يعملون وفرصهم اكبر بكثير من المعاق

والايتام بيجي يوم يكبرون ويبنون حياتهم , اما المعاق الكثير منهم انحرموا من العمل وان شغلوك بس يبون يستغلونك و الكثير من المعاقين حرموا العائله لايقدرون يكونون عائله ولا حتى اهلهم بيضلون لهم الى الابدا

الوالدين يموتون والاخوان يزوجون ويقعدون لحالهم ماحد يسأل عن حالهم والاسوء من كذا لما يصير المعاق فقير

مو قادر يجيب ثمن ادويه او يعالج بالمستشفيات ولا يأكل ولا يشرب ولا يلبس او عنده مرتب يقدر يجيب فيه عامل يعينه ويساعده بعد الله , المفروص ابسط اعاقه اعانتها ماتقل عن 4000 ريال بما ان دولتنا من اغنى دول العالم

طبعا انا ما حسد اصحاب الضمان لا ابدا اللهم زدهم من واسع فضلك ورزقهم من حيث يحتسبون ومن حيث مايحتسبون

لكن انا اتكلم من ناحيه الاحقيه لزياده الاعانه والعنايه من قبل الدوله ,دولتنا مو فالحه غير تسمينا الفئه الغاليه واحنا عندها مانسوى شسع نعله

وبدل مايزدونا الغوا الاعانه لبعض الفئات , معاقين صار لهم فوق الـ 20 سنه يستلمون اعانه وفجأه صاروا مايستحقون سالميين مايستحقون !!!
والله اللي الغوهم اولى بفلوس الدوله من كم ملعب لكره قدم راح يبنونهم بجميع مناطق المملكه بالميارات

الملاعب ماراح تعالج معاق وتكفي حاجته ولا بتأكل فقير ولابتأوي مشرد لاحول ولاقوه الا بالله

بس الواحد مايقول غير

حسبنا الله سيؤتينا الله من فضله انا الى الله راغبون

تسلمووووون على رد الجميل اتمنى يوصل للأكابررر كلااام يشوفون كيف ناس محتاجه ليت توصلونهم ليت .....