16-10-2014, 10:16 AM
|
عضو متواصل
|
|
تاريخ التسجيل: Sep 2014
المشاركات: 42
معدل تقييم المستوى: 21
|
|
دعوة للمقابلة الشخصية والاختبار التحريري بالنسبة لوظيفة محاسب هي كلآتي :- ( راح اتكلم عن كل شي بالتفصيل الممل فاضي و عاطل ماعندي شي ههههههههه ) جبلك شاهي و اقعد أقرى 
اول ما وصلنا للمستشفى جمعوو الطلاب كلهم في قاعة مؤتمرات وبدأوو يدققو على إسم كل واحد عندهم كشوفات موجود فيها جميع أسماء المتقدمين و مسمى الوظيفة المقدم عليها ... بس وبعد ما انتهوو من التدقيق وزعوو اوراق اختبار لكل وظيفة إختبار معين يعني المحاسب له إختبار خاص بي و مأمور المشتريات له إختبار خاص بي و المهندس المدني له اختبار خاص بي و السكرتير له إختبار خاص بي و الاداري له اختبار خاص بي و زي كذا ... عموما ننجي للمهم الوقت المحدد للانتهاء من الاختبار ساعة واحدة لو خلصت قبل تخرج على المقابلة الشخصية ... نجي للنقطة إلا إنت بتستنيها عن إش كان الاختبار ...؟
الاختبار كان بصراحة مرة سهل مرة مرة مرة لو تجيب واحد بس درس اصول محاسبة واحد و إثنين يحل الاختبار كلوو ... الاختباركان عبار عن أسالة في التخصص كلهآ أسألة عن المحاسبة و هي 25 سؤال و عليها 25 درجة و كلها إختيارات و مهم معقدينها مدينك ثلاث خيارات بس ... لا تخاف من الاختبار مرة سهل ... كل المشكلة في المقابلة الشخصية و كانت كلآتي :-
اول ما دخلت أخذوو الملف مني إلا موجود بي صور المؤهلات و الخبرات و كان عدد إلا اجرو معايا المقابلة 5 اشخاص .. بس نطلي واحد منهم قلي أتكلم عن نفسك .. قلتلوو انا حسام عمري كذا ساكن بمكة درست بالجامعة وخلصت الحمد الله نطلي الثاني و انا باهرج قلي في نهاية السنة المالية تظهركم قائمة دخل قلتلوو 4 قوائم قلي ممتاز طيب عددلنا هيا و قلي اش الاختلاف بينهم ...؟ طيب هذا سهل عديتوو الحمد الله و جاوبت جاني إلا بعدوو و ليتوو ما جاني حشرني صح بس ما سكت ألفتلوو شوية ههههههههههه اهم شي قلي لو فرضا انت شغال امين مستودع او محاسب و إنتوو إذا بعتوو البضاعة كلهآ يكون إجمالي الملبغ 100000 ريال لمن جيت تجرد لقيت المبلغ 120000 زيادة عشرين الف كيف يتم التعامل معها ...؟لاتسالني إش الجواب لاني ما اعرف جيت ابا أألفلوو شوية قلي لا تقلي كلام مو محاسبي إنت محاسب أهرج بطريقة محاسبية لا تقلي اكلم المدير ...!! انا هنا قلت اذكر الله و اسكت شووف السؤال إلا بعدوو هههههههه اصلا إلا سألني شكلوو غثيث و معقد:D... جاني الا بعدوو قلي إنت مقدم على وظيفة أخصائي رواتب و حسابات إش تعرف عن هذي الوظيفة ؟؟ سهل ذا ابحث في النت حتلاقي اجوبة كثيرة ... جاني إلا بعدوو قلي كم تدي نفسك في الانجليزي من 10 عاد أنا هنا أنبسط الحمد الله انا اتكلم إنجليزي كويس قلتلوو 8 من عشرة ... قلي حلوو هيا أهرج عن نفسك ... انفلتلهم كلام الحمد الله انبسطوو مني في الانجليزي جاه واحد منهم سألني سؤالين بالانجليزي ...؟ الاول معناه هل سبق لك ان إستخدم البرامج المحاسبية ؟ طبعا جاوبتوو ؟ و السؤال الثاني:- هل نستطيع ان نكتب مقالة ببرنامج الاكسيل ؟ طبعا الاجابة لا فقلي اجل ما وظيفة البرنامج طبعا إنت تقلوو لإعداد جداول لتساعدنا و تسهل علينا عمليات البحث ... طبعا آخر سؤالين زي ما ذكرت كانت بالانجليزي .... هذا كل إلا صار معايا ركز على المقابلة و رآجع محاسبة كويس بإسألوو أسألة سهله لكن تحتاج مراجعة ... يعني زي ذا إلا انا ما جاوبتوو ترا مرة سهل لمن بحثت في النت لكن انا نسيت ... القوائم المالية ترا ركزوو فيها اعرف إش الاختلافات بين القوائم
أعتذر عن الاطالة و اتمنى لك التوفيق ... يارب سهل لي أموري بقدرتك يا قادر يا كريم
التعديل الأخير تم بواسطة حسامالصحفي ; 16-10-2014 الساعة 10:25 AM
|
العرض العادي
