السلام عليكم ورحمة الله وبركاته

^ ما لكم بالطويله

خويي عنده شيول وقلابيين
وانا ابي اشتغل بهن
* وش تنصحوني بوه ؟؟

أنصحك في
هدم ودفان المباني والله شغلها مربح وتتفق مع مقاولين
اذا يحتاجون دفان بالبيوت لان اكثر المقاولين ما عندهم شيول وقلابي
والله يوفقك ان شالله

القلابات ورد بهن رمل بناء , رح للمشاريع الموجوده في المنطقة , واعرض عليهم خدماتك وقل انك تورد رمل ابيض او الرمل بأنواعة ..
وشف راعين القلابات منين يجيبونه , وشد حيلك ..

اما الشيول ممكن تأجره في برحه باليوميه , يشتغل كثير في عملية بناء العماير والدفان ..
ولو كان من الحجم الكبير , نزله في شركة بالتعاقد ..

ب التوفيق ..

بالتوفيق ان شاء الله

السلام عليكم
انصحك لوجه الله ان لا تدخل هذا المجال الا اذا انت تضمن لي انك ستقف بنفسك على مشروعك لأن هذا السوق مسيطر عليه من لوبي اليمن والافغان والباكستان

فيه خير صحيح فيه خير وبركه لاكن نسبة الخطر فيه عاليه لأن المعدات تستهلك وفيها عطالات وتأكل الاخضر واليابس من قطع غيار واسعار الورش نار
اتمنى ان لاتكون مشاركتي محطمه لك لكن ثق تمام الثقه اني ناصح من تجارب وخبره في هذا المجال
ونصيحتي لجميع الشباب السعودي لن ينجح اي مشروع حتى تضع في الحسبان حاجتين رئيسيه
1- ان تدير المشروع بنفسك
2- اذا توقعت الارباح توقع الخساير
والله يرزقنا وياك باالتجارة اللي تسعدك وتسرك