السلام عليكم ورحمة الله وبركاته

حاولت أسوي طلب استقدام عن طريق موقع الوزارة لكن مالقيت ايقونة طلب الاستقدام

كلمت الدعم الفني وقالوا لي حاول بعد كم ساعة وراح تجيك الايقونة

الآن صار لي يومين وماجات الايقونة

اش الحل ؟

بسيط الامر ادخل باسم المستخدم وبكلمه المرور ثم الخدمات الالكترونيه ثم اختر المنشاءه ثم تطلع عندي قائمه تحت نقل رخصه وخلافه اختر تقديم تاشيرات ثم اختر طلب تاسيس وعب النموذج واذا كنت وكيل احجز موعد عن طريق الرقم المجاني ويعملون لك ترقيه مستوي والله يوفقك

اهلا اخي

لازم ترقي حسابك الى المستوى الثاني عبر مكاتب العمل وبتظهر لك جميع الخدمات
اتمنى لك التوفيق

لازم تراجعهم وترقي حسابك لتظهر لك ايقوانات اكثر ومن وهذي من ضمنها

يوم رحت لهم قالوا لازم تفعل المستوى الثاني قلت له طيب أنا أفعله ولا أنتم قال احنا قلت له طيب فعله الله لا يهينك و اش المطلوب أعطيكم عيوني الثنتين بس فعلوه، قال بس صورة البطاقة، جبت له صورة البطاقة وقال خلاص تفعل ، قلت عز الله إنها شغلة وتخلف منقطع النظير، إذا هم ملزمينك تفعل المستوى الثاني ياخي خلاص فعلوه لا تغثون كبودنا.

ومع ذلك إلى الآن ما استفدت منهم، دقيت على رقم الدعم الفني مرة ثانية وردت علي الموظفة وقالت بأسوي لك شكوى، جاني رقم الشكوى على الجوال وبعد أقل من نصف ساعة جاتني رسالة لقد تم معالجة شكواك، وفتحت موقعهم ولا زالت المشكلة موجودة وتنظظر في نظرة سخرية وتغمز لي بعد

يمين بالله تخلف

الله يعينك والموعد بعد شهر من الترقيه انا حصل معي بس ياخوان اللي بيسوي لنا الموضوع في مكتب العمل الروضه معقب جيد نبي نعطيه ويخلصنا

عندنا وعندك خير

افشل نظام مكتب العمل

حسبي الله عليهم

والله غريبه!

انا فعلته قبل يومين من قسم الحاسب في مكتب العمل بس عطيته رقم بطاقتي
ورجعت البيت شيكت الا مفعل

انا اليوم رقيت المستوى خلال دقيقتين في فرع البديعه بالرياض

ورجعت البيت حصلت الخيارات