[align=center]أخواني الكرام

أنا صراحة قررت أخش في التجاره
وبسبب هالقرار تهورت ودبرت مبلغ كبير تقريبا
مليون وميتين ألف
أرجعهم على 20 سنه بفوائد كبيره وقسط شهري تقريبا 8 آلالف

اليوم عندي المبلغ المليون والميتين(1200000) ولكن ضاعت أفكاري
وصرت جدا محتار في المشروع اللي بخشه والقسط حل
وأنا ورطان

أتمنى من كان عنده فكره مربحه يسعفني فيها الله يسعدكم
والله أني في وضع نفسي لا أحسد عليه

الفكره الوحيده اللي كانت عندي وعلى أساسها جبت المبلغ هي مشروع تريلات
ولكن بعد م بحثت في الموضوع عن قرب لقيته متعب ومشاكله كثير

أرجوا النصيحه لي يا أخواني الكرام[/align]

اتوقع ان البريد الخاص حقك امتلاء من الرسائل الخاصة ، ومتوقع ان السوداني المقيم حق العملات من ضمنهم خخخخ

المهم ... نصيحتي رجع مليون لهم وخل معك 200 الف وابداء بمشروع صغير عشان لو سمح الله صار شي يكون المبلغ نوعا ما بسيط

واذا كتب الله لك النجاح تقدر تتوسع فيه


موفق عيوني

سوي فيها شليهات
او راسني على الخاص

لو تحدد منطقتك ؟ مدينتك؟

عشان نقدر نساعدك اكثر
عموما انصحك بشراء تريلات وتأجيرها الشهري
نقول تشتري ٥ تريلات

نفرض يصفالك بالشهر لكل تريله ١٢ الف
١٢*٥ = ٦٠ الف بالشهر
٦٠*١٢= ٧٢٠ الف بالسنه
٧٢٠*٢= ١،٤٤٠،٠٠٠ خلال سنتين
^ إن شاءالله

هذا مجرد تفصيل بسيط وفكره وحده
وخذ العلم من اهل الخبره


وعسى الله يرزقك من حيث لاتحتسب

عطني من مليونك ههههههههه ارسل رقم الحساب خاص

المشاريع واجد بس من اساس المشروع
رضى الله علينا لانه اذا رضى علينا رزقنا الاخلاص ووفقنا ويسر امورنا وبارك لنا في حياتنا واحسن خاتمتنا وادخلنا الجنة
كيف يرضى علينا اذا اتقيناه وخفنا من النار ورجونا الجنة
وفي الختام عسى الله يرزقك ياصاحب الموضوع مليوووونين ريال في ليلة وضحاها دون تعب او شقاء
امين يارب العالمين

اللي قال لك رجع المليون صادق وانا معه

وترى كل شخص يبي يستفيد منك وممكن البعض ماعندهم خلفية بالتجارة

نصيحة ركز على 200 الف واشتر فيها سبائك ذهب او ذهب مافيه فصوص

الذهب على ارتفاع الستة أشهر القادمة

وركز على عيار 24 والجرام ماني متأكد كم واصل بس ممكن واصل الجرام 158 ريال
بعد سنة 300 ريال

وراح إن شاء الله تدعي لي

تقول بفوائد !!!!!!

هل دخل فيها الربا ؟

إذا فيها ربا فلا تبدأ حياتك بحرام وإذا حلال فأوافق الأخوان اللي قالوا لك رجع مليون

استثمر مئة ألف والمئة الثانية خلها احتياط وفيه مشاريع كثيرة بخمسين الف ودخلها ممتاز منها معامل تعبئة التمور وهذا موسمها

اللي يبدأ بقروض يفترض ما يغامر بمبالغ كبيرة علشان لو خسر لا قدر الله يكون قادر عالتسديد

انصحك تحطها بعمارة تجارية وتريح دماغك