اخي بالله التوفيق
ارسلت لك بالواتس
جزاك الله خير

بالوفيييييييق

السلام عليكم
والله يتقبل صالح اعمالكم بالشهر الفضيل

ياليت رقمك للتواصل لاهنت

ماشاءالله عليك تروح وترجع بالسلامه ماقصرت انا ودي اروح الصين اتفرج على بلدان العالم
ههههههههههههه بس التذاكر سلخ هذي للشخص الواحد ؟

[align=center]وردتني يا أخوان رسائل عديدة على الخاص والجوال هنا وفي موقع اخر لمست في اغلبها شعور الحيرة والضياع

التجاري مع الحماس والرغبة الشديدة في خوض معركة التجارة بجميع طرقها واساليبها وسأقدم لكم نصائح عامة

يستفيد منها المبتدئ في بحر التجارة ويجعلها له وقود وفانوس يستضاء به في بحر مظلم لا ساحل له.

وسوف اوردها لكم بشكل متسلسل متدرج من البداية للنهاية إن شاء الباري بحول منه وقوة وهو ولي التوفيق والسداد


بسم الله

اعلم أخي الكريم أن أشد اعداء التجارة والنجاح الكسل والخمول والتسويف وتأجيل الفروض لأجل غير معلوم الوقت
والظروف.

ففي الحركة بركة وسعة في الرزق يقول المولى عز وجل في محكم تنزيله ((هُوَ الَّذِي جَعَلَ لَكُمُ الْأَرْضَ
ذَلُولًا فَامْشُوا فِي مَنَاكِبِهَا وَكُلُوا مِنْ رِزْقِهِ ۖ وَإِلَيْهِ النُّشُورُ))


واعطيك إياها صريحة وكما يقال في العامية على بلاطة انت رجال تبي تتحرك وتحسن من دخلك

وتوفر حياة كريمة لأهلك وعيالك ولنفسك, تحرك واسعى وخل عنك الراحة والاستراحة وتدخين

الأرجيلة مع الاصدقاء وأهل الشيشة. (بعضهم ماسك لي الشيشة 24 ساعة ويقولك ياخي مافي

شغل هنا كل الفرص راحت ولا لقيت شي والوضع مزري).

وخذها قاعدة تتعب وانت صغير ترتاح إذا كبرت واعكسها, ترتاح وانت صغير تتعب إذا كبرت واسأل المتقاعدين

وكبار السن الأعزاء كيف قاسوا وكدوا في مقتبل حياتهم.

إذا النقطة الأولى والي ابيك تحطها او تحطينها (حلقة في ودنك (على طاري ودانك اتحداك تقول - دئنك دا حألهولك- ست مرات).

الكسل والعجز عدو أي تاجر ومستثمر (قد شفت تاجر كسول ؟؟؟)


النقطة الثانية سلمك الله كثير يسأل وش اجيب بضايع وش اسوي كيف اتاجر (بعضهم يروح هناك

وكانه داخل حلويات سعد الدين يقول بالله تكفى شكلي صحن حلويات كنافة قشطة ومعمول وبلح

الشام وغريبة وبقلاوة) ثمن لا جا هنا ورط ولقى بضايعه ماتتصرف وكلها جايبينها قبله الحيتان وابلش.

التخطيط والدراسة والمشورة يا اخوان والي اهم منها رح لمجال انت تحبه او تفهم فيه على الأقل

مثلا البنات الي ذوقهم جميل ويحبون شغلات الديكورات وغيرها خلك في مجالك وشف وش تقدرين تجيبين أو تبتكرين أو تولفين

(تركبين من عندك بلمسات إبداعية) (بالمناسبة بضايع بالهبل نجحت نجاح سابق بعد إضافة لمسات فنية من قبل

ملاكها او مبتكريها).

وإذا انت مثلا رجال تفهم بالجوالات والاكسسورات وراعي سوق أو صاحب تجربة جب اكسسورات جوال

عليها طلب بالسوق وادرس سوقك ومجالك زين

والامثلة كثيرة يا اخوان ولي رجعة قريبة للتكملة إن شاء الله
[/align]

بالتوفيق