السلام عليكم

انا اخوي قدم على شرطه جويه بالرياض وطلع اسمه وبعدين ارسلوا له رساله موعدك الاحد 16-9 الساعه 10 الصباح الحين سوالي هووو

لما يراجعهم معناته قبول نهائي ولا مبدئي ؟

واذ قبوله ممكن يطلب نقل لمنطقه ثانيه ومتى يقدر يطلب نقل ؟ ضروري هذا السوال

وايش نوع وظيفه شرطه جويه ؟

وبس ارجوا تجابوا

غريبة يكون موعده في رمضان لأن المراجعات للي قدموا تبدأ من 8 / 10..ممكن نسبته حلوة أو عنده شهادة حلوة!!

حضوره يعني قبول مبدئي يبيله تدقيق أوراق+قياس طول ووزن+مقابلة شخصية+كشف طبي+شوية أوراق
يخلصها في ديرتكم وبعدين ينتظر الفرز النهائي لتحديد المقبولين للوظيفة..

بالنسبة للنقل كان مكتوب في ورقة التعهد في التقديم الأخير أنه لازم تخدم 5 سنين في وحدتك بعدين
تطلب نقل.. ((( بس زميلي في القيادة الجوية أكد لي أنه مجرد ورقة أي كلام..وقالي أنه النقل سهل
بإذن الله ومو معقد بس ضروري تكون ديرتكم فيها شرطة جوية سواء كان بـ مطار ديرتكم أو يكون عندكم
قاعدة عسكرية..المهم مقر يكون فيه شرطة جوية )))

وظيفة الشرطة الجوية تتكون من عدة تخصصات’’أنواع’’ منها اللي يداوم على المكتب ومنهم اللي على المطار
ومنهم اللي تخصصه يكون مرور ومنهم حراسات على بوابات القاعدة العسكرية ومنهم مرافقين حماية خاصة
لكبار الضباط..فال أخوك والجميع الوظيفة اللي تكون خير لنا أجمعين..آآآمين

شكررا

بس انا اخوي ارسلوا له مرتين رساله الاولى انه طلع رقمه والرساله الثانيه تم قبولك مبدئي وتدقيق بيانتك وطلع له موعد برمضان بالرياض وانه يطلبوا منه مراجعتهم سوالي هوو
غريبه يعني بكلامك طلع له موعد مراجعه برمضان انا اخاف يكون غلط ولاشي فهموني
وكمان فندق الزهراء بالرياض كيف حلو ولا لا وهو قريب من القاعده يعني ؟

دام جت رسالة لأخوك أن موعده 16 / 9 فــ أكيد هم أدرى منا..أكيد لازم يروح..الله يوفقه..آآآمين

الفندق موقعه كويس وحلو وقريب من القاعدة..يطلع ويمسك طريق الملك عبدالعزيز بإتجاه الشمال
لين يقابل دوار القاعدة يأخذ يمين لطريق صلاح الدين بيحصل إشارة ياخذ يسار ويمشي سيدا
لين يحصل مقر المراجعة على يده اليسار أو ياخذ تاكسي أفضل له من الفندق للمقر!

شكراا اخوي

طيب مافي احد طلع له نفس الموعد الاحد برمضان ؟

سلام عليكم .. اول شي القبول لا يعني قبول نهائي باقي بعدها فرز وبالنسبه للنقل باذن الله موضوعه بسيط جدا يشوفله دقيش بالدوره وينقلون كل واحد مكان الثاني وهذي معلومات اكيده مع علم اني خريج الدوره السابقه