سلام عليكم ورحمه الله وبركاته

انا دخلت امس على موقع جداره وعدلت بياناتي بعد ماسويت لها توثيق

وانا تخصصي احياء عامه وحصلتهم مخلين تخصصي احياء فقط فخفت انه تضرني بعدين وسويت طلب تعديل

ورفعت الوثيقه من اول وجديد وعدلت كل شي والان انتظر


انا خايف انه فتره التدقيق والتوثيق تتاخر كثير ويروح علي التقديم

فتكفون وش الحل هل اراجعهم ولا مسئله عاديه

تواصل مباشر مع المركز الوطني آمر على 199099

كلم آمر أو روح لهم يكون أفضل
والله يعينك

اتصلت على امر قالوا مانقدر نفيدك هذا الشي يخص الخدمه المدنيه

وفرع الخدمه المدنيه انتهت دواماتهم ومارح يداوموا الا الاحد

والله انه شايل هم لا يعلم فيه الا الله

وانا كذلك عندي مشكلة في التقديم وراجعت الخدمة المدنية اليوم والموظف اكد ان الخدمة المدنية ليس لديها صلاحيات بنظام جدارة وخدمة امر هي المسؤولة عن نظام جدارة.

الله يعين ويوفق وييسر الامور .

طيب يا اخوان وش الحل تكفون فيدوني للان الاجراء تحت التوثيق

طيب هل مسموح لي ان اعدل بعد ماعملوا لها توثيق ولالا

أولاً :: ليش تعدل مادام انتهى التوثيق واعتمدوه على حسب شهادتك ؟!
ثانياً ::لاتعدل شي مادام هم اعتمدوا حنا نفس النظام مكتوب بس فيزياء .
ثالثاً::اللي عليك تسويه الحين تروح لأقرب فرع وزارة خدمة وخذ معك الوثيقة وعلمهم مشكلتك وخلهم يخلصون إجراءات التوثيق بنفس اليوم وهذي الزيارة لتسريع التوثيق فقط .
رابعاً ::قدم على الوظيفة واطبع ملخص الطلب واحتفظ فيه .
وباقي أسبوع كامل على التقديم بإذن الله مافي مشكلة .
بالتوفيق .

الله يهديك. توك تنتبه؟ ممكن إنها كانت مسألة عادية. لكنك حريص.

إن شاءالله بينتهي التقديق لكن أنت خلك أحرص وتواصل مع آمر بشكل مستمر لين يخلصووووون.


الله يوفقك.

أو فعلًا روح لأقرب فرع لوزارة الخدمة وخذ وثيقتك واطلب منهم يعجلوا بتدقيقها.