بنزين + اكل وشرب + سكن + تضييع وقت وتعب + تعرض للمخاطر = هذي رحلتي التي تستغرق ( 9 ساعات فوق الف كيلو ) من اجل اختبار في وظيفة يتنافس عليها 50 عاطل والمطلوب منهم 2 فقط !! والادهى والامر ان فلوس هالسفرة ( شاحذها من شايبي المتقاعد ) !!

ي اخوان كلنا شايفين وعارفين بس ساكتين موكلين ومتكلين على الله بانصافنا
والله وحده هو القادر المقتدر على انصافنا ونعم بالله

موقع الهيئة بالرياض
( شمال الرياض - حي المحمدية - مخرج 2 - طريق الامير تركي الاول - بالقرب من جامعة الملك سعود مبنى السنة التحضيرية )

بالتوفيق للجميع

السلام عليكم ورحمة الله وبركاته
اليوم انا اختبرت في جدة وظيفة محلل مختبر الاختبار كان متوسط الصعوبة بالنسبة لي
طبعا كان الاختبار اختيارات وصح وخطا فقط لاغير
ضيعت وقتي في حفظ وقراية اشياء عن الهيئة وكل ما يختص فيها لان ما جا الا سؤال واحد اذا ماخاب ظني متى تاسست ؟؟
والباقي كله تخصص واسئلة عامة
ومن امثلة الاسئلة العامة الي جتني
متى تاسست الجامعة العربية < اعتقد كذا والله مدري فيه شي له دخل بالعربية الزبدة ماعرفته كان صح وخطا وحطيت من عقلي
ويجيب لك جمل ويقولك اي الجملة الي كتبت فيها الهمزة خطا ^°^
وسؤال اخر اذكره رجب من الاشهر الحرم صح او خطا +_+
وسوال اختيارات يقولك اين الوسيط بين الارقام التاليه < اختبار قدرات هع
وسوال يقولك الرقمم 1000 لا يقبل القسمه على وتحت اختيارات < والله صار اختبار قدرات هههههه
وفيه ثلاثة اسئلة جتني باللغه الانجليزيه خاصه بالتخصص جتني بالنص كذا شاطحه
المهم هذا الي اذكره والله مصصدع ما نمت زي العالم ادعولي وربي يوفقكم كلكم ويحقق لكم مرادكم

نتمى من الإخوة أي واحد يختبر يرسل لنا الأسئلة العامة وطبيعة الأسئلة
تكفون شباب
والله يوفق الجميع

بليزز اللي يختبر ترجمه يخبرنا الطريقه
يعني جابوا لكم نصوص ترجمه او خيارات زي الأخ تبع المختبر؟؟
ربي يسعدكم

بسم الله الرحمن الرحيم

اعتذر يا شباب على اتاخر في وضع المشاركة

انا و لله الحمد اختبرت امس على وظيفة محلل مختبر

اول شئ ابدا من وصولي لمركز هيئة المقاييس قابلة رجل امن وكان قمة في اﻻحترام و اﻻخلاق و استقبلني مبتسم و وجهني لموقع اﻻختبار

الموظفين بشكل عام جدا محترمين

يجب ان تحضر و معك الهوية الوطنية و يفضل تعرف رقمك حتى يسهل و ضع علامة صح امام اسمك قبل دخولك لقاعة اﻻختبار

من ناحية قاعة اﻻختبار هادية ﻻ يوجد ازعاج و التكيف ممتاز ماشاء الله

الان اﻻختبار

جميع اﻻسئلة صح و خطأ و اختيارات جميعها باللغة العربية بستثناء ثلاث اسئلة باللغة اﻻنجليزية

90% من اﻻسئلة من التخصص

10% من اﻻسئلة عامة و على ما اعتقد(سؤال واحد عن الهيئة و سؤالين في اللغة العربية سؤالين في الرياضيات و اثنان اسئلة دينية و سؤالين عن الوطن العربي)

عدد اوراق اﻻسئلة 8 ورقات

بعطيكم اﻻسئلة العامة

1. متى تاسست الهيئة السعودية للموصفات و المقاييس ؟
2. كم عدد الدول العربية؟
3. متى تاسست جامعة الدول العربية؟
4. هل رجب من اﻻشهر الحرم؟
5. هل النبي صالح عليه السلام هو نبي قوم ثمود؟
7. <مجموعة ارقام> اين الرقم الوسيط ؟
8. عدد ﻻيقبل القسمة على 1000؟(اختيارات)
9.هذا السؤال مني متذكرة زين لكن اعتقد كان....... رمة سفينة المرساة عند ميناء مدينة كيف تختصر هذه الجملة في كلمة ؟ وصلت .. رست .... وفيه كم خيار اخر

10. يجيب لك 4 جمل و يضع خط على الكلمات اللي فيها حرف الهمزة ويقول اي واحده خطأ؟

عموما هذه اﻻسئلة اللي اذكرها واعتذر مقدما اذا كان فيه خطأ

بسم الله الرحمن الرحيم
الحمدلله اليوم اختبرت ع وظيفة مدقق شؤون موظفين
الاختبار كان سهل تقريبا يحتاج الي تاني في الاجابة فقط
الاسئلة كانت كلها تدور حول تخصص الموارد البشرية وكم سؤال عام في الخدمة المدنية
الاختبار من 60 والنجاح 40
15 اخياري 10 صح او خطأ



والله ولي التوفيق