الحمدلله على السلامة
كــرف موفق مع ال45 يوم
( وأحــد من الشباب ماشاء الله عليه غادن فــحمه من الشمس )
إجــازه موفقة

عاد احسبها وعلمنّي ههههاي..

ولاتنسى تجيب لنا اي موقف طريف لك ،،،

,

اما بالنسبة للجدول اليومي الله لا يوريكم

نصحى من النوم الساعه 2 ونص تقريبا اذا دق البروقي اللي هو الجرس قبل صلاة الفجر بساعه نغسل ونتوضى ونتكي بالميدان اللين ما تقام الصلاة
نصلي وبعدها ننطلق كل واحد على فصيله يجي المدرب وياخذ التكميل على ما ياصل الرائد اللي هو رئيس الدورة
ياخذ التكميل الرائد وبعدها المدرب يقول ( لليمين دور ) وتبدا الهروله نهرول الساعه 4 الفجر من 4 الى 7 لفات على الميدان اللي مساحه تقريبا 500 متر في 500 ويا ويل اللي ما يهرول عدل عند الساريه على طووول
وبعد الهروله ناخذ تمرين اللي ما تطلع الشمس ويصرفونا على الميز اللي هو المطعم نفطر وبعدها نريح نص ساعه تقريبا ونرجع ناخذ حصتين تمرين على الساعه 9 نخلص طبعا السكن اغلب الاحيان يكون ممنوع اذا كان ممنوع تشوف العالم مسدحه تحت الشجر وكل واحد تحت ظلال
اللين صلاة الظهر نصل بصاله رياضيه فيها ثلاث مراوح صغار بس فيه ريحه تصك بالراس على طووول ريحه الشرابات والعرق الله يعزكم نصلي وبعدها نرجع على الميدان بالشمس وشمس الشرقيه غير حرام بالله تحرق الواحد حرق ومن ثم ننصرف على الغداء وبعد الغداء --- تشوف العالم بدورات المياه الله يكرمكم يدخنون ---
ونكتي بالصاله الرياضيه بالحر والريحه اللين صلاة العصر نصلي ونروح للميدان نهرول وناخذ تمارين رياضيه حصتين وبعدها نتجهز للصلاة المغرب ونتعشى بعدها ونتجهز للصلاة العشاء وبعد الصلاة ننصرف للسكن اللي محرومين منه من الساعه 2 ونص الفجر ننام الساعه 9 ونص او عشره طبعا ما نعرف الوقت هناك
طبعا فيه فسحه بين كل حصه والثانيه نروح فيها للبوفيه فيها عصير وكولا وفطاير
اما الدخان بالحسره نلقاه وذا لقينا كل 4 بزقارة وحده

اما بالنسبه للتعامل المدربين معنا ما فيه احسن منه مثلا : اذا بغى ينادين يقولك لو سمحت يا ابو الشباب او يا شيخ ------- ما يقول يا ... او يا فاغر او يا ضب ( هاذي احسن وحده فيهم ) او يا او او او طبعا كثيره ما اقدر اقولها
بس مرت علينا يا شباب ايام رطوووووبه الله لا يعودها والسكن كان وقتها ممنوع اعوذ بالله

بس الحمد لله مرت سلامات صبرنا وخصلنا
واللحين بعد الاجازة راح يكون الجدول حصه الصباح والساعه 7 تبدا الحصص المدرسيه اللين صلاة الظهر نصلي ونتغداء ونريح والعصر هروله خفيفه