تحذير من شركات التوظيف الوهميه

تمثال الغربه · #1 (**permalink**) 18-07-2014, 05:53 AM

السلام عليكم ورحمة الله وبركاته

اخواني / اخواتي ارجوا الحذر من الشركات الوهميه طبعا انا تم التواصل معي من قبل شخص من كالفورنيا وسوا معاي مقابله عن طريق الجوال وفي نهاية المقابله قالي مبروك انت اجتزت المقابله الاولى وابرسلك العرض عن طريق الايميل

بعدها جاني ايميل فيه العرض ومتطلبات الوظيفه وكان الاوفر اللي معطيني مغري جدا وفي شركة نفط كبيره وكانت متطلبات الوظيفه اعلى من مؤهلي بعدها رجع اتصل في واحد وقال رفضت الشركة مؤهلك ولكن احنا بنساعدك عشان تحصل على الوظيفه عشان كذا بيتصل فيك واحد وينسق معك عشان تسوي اختبار اون لاين من جامعة كامبرج عشان تحصل على المؤهل المطلوب للوظيفه بس لازم تدفع 400 دولار للاختبار ذا ولازم ترسلي صورة واضحه من البطاقه او جواز السفر وجميع المؤهلات والخبرات على الايميل.

بعدها عرفت انها شركة نصابه وهميه فأرجو يا اخوان الحذر وفي نفس الوقت فيه شركات توظيف حقيقه يعني الواحد يركز لان اي شركة محتاجه موظفين مستحيل تطلب منك ريال واحد

ارجوا تثبيت الموضوع ليستفيد منه الجميع واتمنى لكم التوفيق

هذا رابط موقع الشركه وجميع بياناتها وتقدر تسوي فحص للموقع ويطلعلك جميع البيانات عنه

http://www.internationaltalentmanagers.com

رقم التلفون 1-866-899-6724

International Talent Managers

فضل · #2 (**permalink**) 18-07-2014, 07:21 AM

ينقل للقسم الانسب

نوف البيضاني · #3 (**permalink**) 18-07-2014, 07:36 AM

حسبي عليهم

هاالشي مغامره حنا نخاف من الداخل ينصبون علينا كيف الخارج

زين انك ماحولت

راشد بن عبيد · #4 (**permalink**) 03-08-2014, 10:29 PM

اقتباس:

المشاركة الأصلية كتبت بواسطة تمثال الغربه

السلام عليكم ورحمة الله وبركاته

اخواني / اخواتي ارجوا الحذر من الشركات الوهميه طبعا انا تم التواصل معي من قبل شخص من كالفورنيا وسوا معاي مقابله عن طريق الجوال وفي نهاية المقابله قالي مبروك انت اجتزت المقابله الاولى وابرسلك العرض عن طريق الايميل

بعدها جاني ايميل فيه العرض ومتطلبات الوظيفه وكان الاوفر اللي معطيني مغري جدا وفي شركة نفط كبيره وكانت متطلبات الوظيفه اعلى من مؤهلي بعدها رجع اتصل في واحد وقال رفضت الشركة مؤهلك ولكن احنا بنساعدك عشان تحصل على الوظيفه عشان كذا بيتصل فيك واحد وينسق معك عشان تسوي اختبار اون لاين من جامعة كامبرج عشان تحصل على المؤهل المطلوب للوظيفه بس لازم تدفع 400 دولار للاختبار ذا ولازم ترسلي صورة واضحه من البطاقه او جواز السفر وجميع المؤهلات والخبرات على الايميل.

بعدها عرفت انها شركة نصابه وهميه فأرجو يا اخوان الحذر وفي نفس الوقت فيه شركات توظيف حقيقه يعني الواحد يركز لان اي شركة محتاجه موظفين مستحيل تطلب منك ريال واحد

ارجوا تثبيت الموضوع ليستفيد منه الجميع واتمنى لكم التوفيق

هذا رابط موقع الشركه وجميع بياناتها وتقدر تسوي فحص للموقع ويطلعلك جميع البيانات عنه

http://www.internationaltalentmanagers.com

رقم التلفون 1-866-899-6724

International Talent Managers

نفس القصة مرت علي ،،أعني قصة النصب والاحتيال ،، ولكن شركة اتصالات بحكم تخصصي ، وهم يركزون على المؤهلات المنخفضة علشان يمشون حيلتهم النصبية،، فالظاهر أنهم عصابة من عصابات كاليفورنيا ستريت ، فالحذر الحذر!!!

ثقتي بالله كبيرة · #5 (**permalink**) 03-08-2014, 10:41 PM

اي وظيفة يطلبون منك مقابل مادي اعرف انهم نصابين مايبي لها كلام

حمدلله انك حكمت عقلك بالموضوع وحسبي الله عليهم ونعم الوكيل

تولة ورد · #6 (**permalink**) 04-08-2014, 12:15 AM

بالضبط أي مقابل مالي قبل معرفه الوظيفه تدخل ضمن مجال الشك والاحتيال

تنبيه : للحرص اكثر يرجى عدم وضع السجل المدني او صورة من بطاقة الاحوال بالسيرة الذاتية
وشكرا

خآلد العنزي · #7 (**permalink**) 04-08-2014, 09:15 AM

حسبنا الله ونعم الوكيل

سلطانهه · #8 (**permalink**) 04-08-2014, 11:23 PM

الله يستر

نواف عايض · #9 (**permalink**) 11-08-2014, 01:18 AM

وردني اتصال ايضا من هذه الشركة ولا زلت انتظر ردهم وبنفس طريقة الاخوان وبجاريهم وبعطيكم العلم بعدها
شكرا لكم جزيلا يا اخوان

نواف عايض · #10 (**permalink**) 11-08-2014, 06:31 PM

وردني اتصال اليوم بخصوص ماذ كرته اعلاه ونفس قصة الاخوان وبيض الله وجيهكم
طبعا عندي خبر عن القصص حقتهم ولكن جاريتهم واخذت واعطيت معهم وطلب مني 700 دولار للحصول على الماجستير ولكن قلت له مستحيل بدون دراسه وقلت له انكم اصبحتم معروفين لدينا وقصصكم واي سعودي راح ترسل له شي مثل كذا بيعرف انكم كذابين عشان ما يطيح في احد من الاخوان ماعنده خلفيه
وطبعا قام واعطاني كم كلمه وتهكم علي وبعدها قفلت الجوال هههههههه
فالحذر اخواني