بسم الله الرحمن الرحيم

انا قدمت تقريبا علي جميع مواقع البنوك ولكن بدون استجابه الي الآن

ماعدا بنك سامبا اتصلوا فيني قبل رمضان بإسبوعين تقريبا وقالوا عندك مقابلة شخصية وجيب معاك كامل شهاداتك ودوراتك وفعلا حضرت المقابلة مع 3 اشخاص شكلهم مدراء كبار في مكتب واحد وبنفس الوقت وكلها أسئلة عامة عن الوظيفة السابقة وعن شخصيتي ودراستي وقالولي رح ونتصل عليك

وبعدها تقريبا باسبوع واحد جاني اتصال منهم الظهر وكانت بطارية جوالي1% وقتها واول مافتحت السماعة انطفي الجوال للاسف
وخدمة موجود ماكانت مفعله وبعد ماشغلت الجهاز بعد نص ساعة اتصلت ع نفس الرقم ويطلعلي موظف الاستقبال وفهمته السالفه وقال احولك ع قسم التوظيف لكن ماحد يرد

وتوقعت منهم يتصلون من بكره وكذا لكن للاسف راح يومين ولا اتصلوا
بعد كذا طلعت لهم بالادارة وفه
متهم السالفة قالوا اسمك ماهو مع المرشحين لتوقيع عقود التوظيف لكن يمكن شئون الموظفين هم اللي اتصلوا عليك ناقص ورقة او شهادة او شي لكن انت رح الحين وانتظر منا اتصال خلال اسبوع

وراح للحين تقريبا 3 اسابيع ولا اتصلوا ولا حاجة
ياليت اللي عنده علم ليش جاني اتصال بعد المقابلة باسبوع
وهل هذا الاتصال لتوقيع العقد
وليش ماعاد اتصلوا مرة ثانية

كيف اعرف وين ملفي بالضبط
وهل فيه امل يتصلون

مع العلم عندي خبرة سنتين في بنك الراجحي سابقا
وحاليا عاطل عن العمل من 3 اشهر تقريبا

وراتبي الاجمالي بدون خصم تأمينات كان 7833
كم تتوقعون يعطوني سامبا راتب في حال وظفوني بإذن الله

الله يوفقك وان شاء الله بيتصلون عليك
وش شهادتك ؟ لان انا مقدم عليهم ولا ردو علي

شوف يالغالي اذا كانهم قبلوك راح يتصلو فيك اكثر من مرة لا يكتفو باتصال واحد

لكن ما يمنع انك تعرف مكان الفرع اللي كلموك منه وتروح لهم وتكلم موظف الاستقبال او الامن وتشرح له

اللي حصل لك واعطيه اسمك الكامل وتاريخ الاتصال وهو بدوره راح يتصل على تحويلات مسؤلي التوظيف

ويعطيهم اسمك وتاريخ الاتصال ويوضح لهم انهم كلموك وقطع الاتصال ولم يتصلو بعدها وهذا كان سبب حضورك


وان شاء الله انهم يفيدوك بالتوفيق لك

[align=center][/align] عفواً اخي لكن هل ممكن ان تخبرني طريقة تقديمك لسامبا والراجحي ؟ هل اكتفيت بوضع سيرتك بموقعهم ام قدمت يدوي عندهم ؟


سؤال آخر ممكن تعطيني تفاصيل راتبك بالراجحي ؟ كم بدأ وهل هناك زيادات سنوية وكم هي ؟

شهادتي دبلوم ادارة مكتبية من الكلية التقنية

الله يعطيك العافية اخوي الشقراوي

بالنسبة لتقديمي علی سامبا كان عن طريق موقعهم وترا فيه ياشباب قسم خاص للتوظيف واستقبال السير الذاتية في مبنی الادارة بطريق الملك عبدالعزيز ويستقبلون الجميع ان شاءالله

اما تفاصيلي مع الراجحي يوجد قسم خاص للتوظيف واستقبال السير الذاتية في العقارية بالعليا وقدمت عليهم هناك

وتفاصيل راتبي بالراجحي كنت صراف واستلم 7333 عبارة عن 6833 رااب اجمالي و 500 بدل صرافة
اما خدمة العملاء يستلم 6833 بدون بدل صرافة
ونظام الفروع التوظيف عندهم لاقل من 25 سنة فقط

وبالتوفيق للجميع يارب

الله يوفقك يارب ويزيدك خير يا اخوي ياليت اذا سمحت وتفضلت ان تعطيني وصف دقيق لموقع ادارة استقبال طلبات التوظيف بالضبط تبع سامبا بارك الله فيك وماهي المحلات المقاربة له لأي ماني من الرياض .. وماذا مطلوب مني ان اصطحب غير السيرة الذاتية ؟ وهل اقدمها باللغة الإنجليزية أو العربية ؟ وهل لديك معلومات ان كانوا سواء هم أو الراجحي يقبلون شهادة بكلوريوس انجليزي وماهو راتب البكالوريوس عندهم


اسأل ربي يوفقك ويزيد خيرك يارب

انا مثلك ماني من الرياض
لكن موقع ادارة بنك سامبا تلقاه علی طريق الملك عبدالعزيز وهو يعتبر احد الطرق الرئيسية بالرياض واذكر علی نفس الطريق ادارات حكومية عسكرية وعلی ماظن مركز الشعلة التجاري بنفس الطريق وانت اذا مادليت الموقع صح خل الليموزين يوصفلك او خله يوصلك لهم افضل لان مافيه اي مواقف ولابد تظطر توقف سيارتك بعيد عن الادارة لازمة المواقف واول ماتدخل مبنی سامبا تحصل بوجهك مباشرة قسم التوظيف وكلهم شباب سعوديين محترمين

سيرتك الذاتية مايمنع تقديمها باللغتين ولا هو ضروري السيرة بالانقلش اعتقد
وبالنسبة لتخصصك ان شاءالله مقبول انت قدم وشف وبإذن الله يحالفك الحظ

وبالنسبة للرواتب ماعندي علم والله ولكن ما اتوقع اقل من 7000
وموفق ان شاءالله

تركت الراجحي عشان تسجل في سامبا عز الله ما معك عقل