السلام عليكم ورحمة الله وبركاته ....

أسعدالله صباحكم ومساءكم بكل خير ، وتقبل الله منا ومنكم صالح الأعمال في هذا الشهر الفضيل ...

ادخل بالموضوع ... أبي أبدأ في عالم التجارة وذلك من أول محل أحاول أفتحة وهو عبارة عن محل للسندوتشات الفلافل والفول فقط .. وسبب في هذا المشروع لإعجابي بمحل له نفس النشاط وعليه إقبال كبير ....

راس المال هو 55 الف ريال أخذتها قرض ( ومتورط فيها )

أنا موظف حكومي .. ولكن أخذت توكيل من والدي حفظه الله لجل أفتح المحل بأسمه والوالد عسكري متقاعد .

سؤالي لكم يا أهل الخير ماهي الاجراءات لفتح المحل من الألف للياء الإجراءات الجديدة لمكتب العمل والتأمينات الإجتماعية لجل توظيف السعوديين وهل يكيف صاحب المنشأة في السعودة أم لا ، وأيضا نصائحكم في المشروع ودمتم بخير ..

عندي محل له ثلاث سنوات شغال ما راجعت لا عمل ولا عمال ولا تأمينات

المطلوب : سجل تجاري واظنه صار اجباري على كل المحلات

تستاجر محل وتطلع رخصة بلدية ، وتشوف البلدية اللي انت تابع لها تشوف طلباتهم

قبل تفتح وخصوصا ادارة صحة البيئة في البلدية...

بالنسبة للعمل والتامينات يجي من الاخوان اللي يفيدك

عموما اشوفك مكبر ومصعب الموضوع ، الموضوع ليس بهذه الصعوبة التي تتصورها ،،

اهم شي : شوف مكان مزحوم وفيه كثافة بشرية ، يعني فيه سكان ،، وشارع مزحوم

حتى لو الاجار اكثر ، راح تعوضه في المبعات ان شاء الله ،،

لو تحط معه عصيرات افضل لأنك بعد ما تجهز المحلات ، معدات العصير تكلفك في حدود اربع الاف ريال ،،

الله يوفقك

بارك اله فيك يالحارث بن همام

ولكن اكيد راح اراجع مكتب العمل لجل التأشيرات ....

وإذا فيه طريقه غيرها أطرحوها لنا بارك الله فيكم ..

عزيزي لاتتخوف وتكبر الموضوع تراه اسهل مما تتخيل

واعتقد انه يحتاج مبلغ اقل من اللي معاك

لكن بما انه اول محل انت متردد

رأيي اتكل على الله وابدأ

اتمنى لك التوفيق

بارك فيك محب الخيل